وقفت قائلة بسخرية:
– كان فيكي تولي طرقينا من سكات بدل اللف والدوران دة…
قالت ذلك ثم دلفت عند سجود، فضحكت أمينة وشاركتها لمار…
هتفت بضحك:
– أمك دي عليها شوية حاجات.. ههههه.. المهم بقى طمنيني عليكى يا حبيبتي…
هتفت ببسمة خافتة:
– الحمد لله كويسة…
سألتها بحذر:
– إحم.. هو يعني إنتي ممكن يعني ترجعي لمراد؟!
نظرت لها بسخرية قائلة:
– أرجعهل؟! حضرتك لو جاية هنا وعندك أمل إني ممكن أسامحه فإنتي غلطانة…!
ثم هتفت بوجع ودموع:
– مش هقدر أنسى اللي عمله فيا، مش هقدر…
ربتت على ظهرها بحنان قائلة وهي تعلم أن الطريق طويل في سبيل أن تسامحه:
– خلاص، اللي يريحك.. بس بلاش عياط، أهم حاجة صحتك وصحة النونو…
هدأت قليلاً فإبتسمت أمينة قائلة:
أخذت تتسامر معها في جو من الألفة وتجنبت ذكر مراد مرة أخرى حتى لا تعكر صفوها، وإنضمت بعد ذلك خديجة وسجود اللاتي ضحكن عليها كثيراً بسبب مزاحها ومرحها المعتاد. وبعد مرور بعض الوقت رحلت أمينة داعية الله بداخلها بصلاح الأمور.
ليلا، كانت ورد في المطبخ تخرج بحذر وهي تنظر هنا وهناك، وعندما لم تجد أحداً تنهدت راحة وهي تضم على قبضه يدها بقوة حتى لا يقع ما بداخلها…
وأثناء خروجها، إصطدمت بسليم الذى ضحك قائلا بمرح:
– يا بنتي، فتحي! ما تمشيش زي القطر كدة…
أخفت ما في يدها خلف ظهرها ونظرت له قائلة:
– أنا آسفة يا سليم.
نظر لها بحب قائلا:
– لا، متتأسفيش جداً، خدي راحتك، وأنا أطول القمر يخبط فيا كل شوية؟!
نظرت له ببلاهة وصدمة وفاه مفتوح لآخره قائلة:
– ها؟! إنت.. إنت قولت إيه؟!
ضحك عالياً قائلا بتلاعب:
– ههههه لا، مبقولش.
ثم إنتبه ليدها التي تخبئها خلفها قائلا بفضول:
– إيه اللي مخبياه ورا ظهرك دة؟!
إنتبهت له وقالت بتوتر:
– ها.. لا مفيش، مفيش.
هتف بمزاح:
– لا، مليش دعوة أنا عاوز أشوف اللي في إيدك دة!
أحتمت قبضتها جيداً قائلة:
– مش لازم تعرف، بعد إذنك…
وكانت سترحل لولا إنه جذبها بقوة ومسك يدها التي كانت تشد عليها محاولاً فرطها، أما هي فقالت بإستسلام حينما رأت الإصرار في عينيه:
– إستنى وجعت أيدي، أنا هفتحها لوحدي.
أجابها بغيظ:
– ما كان من الأول…
نظرت له بتذمر وهتفت بتحذير:
– بس ما تضحكش عليا…
هتف بنفاذ صبر:
– ماشي يا ستي، مش هضحك…
مدت يدها أمامه وفتحتها بحذر تحت نظراته المصدومة عندما رأى ما بداخلها…
وزع أنظاره بينها وبين ما يوجد في يده وهتف بعدم إستيعاب وذهول:
– سكر..؟!
صمت قليلاً قبل أن ينفجر في نوبة ضحك عالية!
أخذت تنظر له بغيظ قائلة:
– قولتلك متضحكش!
قالت ذلك ثم تخطته بوجه ممتعض، إلا إنه أسرع خلفها وسحبها خلفه ناحية مكتب والده وسط اعتراضها الواهن، دلف بها وأغلق الباب ثم قال بهدوء محاولاً إمتصاص غضبها:
– خلاص، إهدي يا ستي، حقك عليا.
ثم سألها بفضول شديد:
– بس ممكن أعرف هتعملي بيه إيه؟!
هتفت بخجل وهي تنظر أرضاً:
– هاكله…
سألها بغرابة:
– تاكليه وعمالة تتسحبى زي الحرامية كل دة علشان السكر؟!
هتفت بغيظ:
– علشان محدش يضحك عليا زي ما عملت دلوقتى!
إبتسم لها بحب قائلا:
– خلاص يا ستي، حقك عليا.
إبتسمت بحب قائلة:
– مفيش مشكلة…
إقترب منها بخبث قائلا:
– بس بصراحة، في مشكلة.
سألته ببراءة:
– مشكلة إيه دي؟!
أجابها قبل أن يسحبها من خصرها ملصقاً إياها فيه:
– المشكلة إن المشكلة مش فاهمة إن هي المشكلة، وتعباني معاها أوي من أول ما بشوفها!
هتفت وهي تحاول أن تبتعد عنه إلا إنه كان كالجبل قوة:
– إبعد! إنت إيه اللي عملته دة؟!
سألها بعبث:
– عملت إيه؟!
هتفت بخجل شديد:
– اللي إنت عامله دة.. حد يجي يشوفنا؟!
هتف بعدم إكتراث:
– طيب ما اللي يشوف.. يشوف!
هتفت بضعف:
– هاكله.. سليم.. آآآآه…
وبسرعة البرق أخرصها بتكبيل شفتيها، يقبلها بنهم وحب شديد وهما لا يشعران بما حولهما وكأنما إنفصلا عن العالم…
إنتفضا حينما سمعوا صراخ ميس التي صاحت بغضب وحقد شديدين:
– الله.. الله! إنتوا بتعملوا إيه؟!
إبتعدت ورد عنه بخجل شديد وهي تتمنى أن تنشق الأرض وتبتلعها…
هتف سليم ببرود:
– هكون عملت إيه يعني؟! زي ما إنتي شوفتي.
هتفت بحدة واعتراض:
– نعم يا برودك؟! يعني إنت بتخوني وقدامي وببجاحتك مش معترض؟!
جز على أسنانه بغيظ قائلا بغضب:
– أقسم بالله كلمة زيادة وأكون دافنك مكانك!
هتفت بصدمة:
– وكمان بتهددني؟! ما الحق مش عليك، الحق على الهانم دي اللي بتلف حواليك زي الحية…!
هتف سليم بصرامة:
– إيه الهبل اللي بتقوليه دة؟! وبعدين إنتي مش فاهمة حاجة…
هتفت بإمتعاض:
– طيب فاهمني، وضحلي اللي أنا شوفت دة!
نظر سليم لورد قائلا:
– على أوضتك.. يلا.
نظرت له بضياع ودموع عالقة ففزعت حينما صرخ في وجهها قائلا:
– بقولك غوري على أوضتك! إيه.. ما بتسمعيش؟!
هرولت أمامه بسرعة إلى غرفتها، وما إن وصلت إلى هناك أغلقت الباب خلفها وجلست أرضاً تبكي من تعامله القاسي معها.
بالأسفل، هتف سليم بهدوء:
– الوضع مش زي ما إنتي فاهمة، أنا مخنتكيش.
نظرت له بسخرية قائلة:
– أومال كنت بتعمل إيه؟!
هتف بحدة:
– يا غبية إفهمي! أنا كل اللي بعمله دة في صالحنا.
نظرت له بإهتمام وعدم فهم، فأكمل قائلا:
– أنا بس بمثل إني مهتم بيها علشان متدوشناش بموضوع الورث، أصل بصراحة مش هسمح لحد غريب ياخد مليم واحد من فلوسنا اللي تعبنا فيها وتجي هي على الجاهز وتقول حقي! جات كسر حقها! وبعدين هي عمالة تتلقح عليا فقلت وماله، نستغل الوضع.. متزعليش يا حبيبتي، شوية وقت بس وهطردهالك من البيت كله.
ضيقت عينيها بشك قائلة:
– بجد؟!
هتف بتأكيد وثقة:
– أيوا طبعاً، بس سيبك منها بقا وخلينا في المفيد…
قالها وهو يغمز لها بقاحة، فاقتربت منه بإغراء قائلة:
– عاوز إيه يعني؟!
حملها بسرعة بين يديه وخرج من المكتب صاعداً للأعلى بها قائلا:
– تعالى فوق في أوضتنا وأنا أقولك…
جاء الصباح سريعاً، وفي قاعة المحكمة كان الحضور في أماكنهم وسط صدمة خديجة بأن قاتل زوجها هو صديقه حامد! يا للسخرية…
دلف القاضي والمستشارون، وبعد عرض القضية وإطلاع الشهود وباستخدام نفوذ منصبه، حكم عليه بالبراءة فيما نسب إليه وسط صيحات الاعتراض من قبل عائلتي مراد وعمر…
بعد تلك الأحداث، إزداد كره الثلاث أصدقاء لبعضهم البعض وتوعدوا بالأخذ بالتأر…
عادت الأجواء بمرور الأيام إلى طبيعتها…
بعد مرور إسبوعين من تلك الأحداث في فيلا مراد، كان ينظم إحتفالاً بسيطاً بمناسبة نجاح شركتهم وإجتياحها في سوق العمل…
دلفت لمار ببطنها الممتلئة قليلاً متذمرة من والدتها، فهتفت بضيق:
– يا ماما، نفسي أعرف جيباني هنا ليه؟!
هتفت بضحك:
– امشي وإنتي ساكتة، بلاش لكاعة…
نفخت أوداجها قائلة:
– هوف.. حاضر…
هتفت سجود بمرح:
– يا ستي إبسطي، هتشوفى الجو.. عاوزة أكتر من كدة إيه؟!
إمتعضت ملامحها قائلة:
– بقولك إيه، إسكتي خالص مش نقصاكى هي!
ثم سألت والدتها:
– وبعدين إزاى عمر يسمحلك تيجى هنا أصلاً؟!
هتفت بضيق:
– يا بت هضربك بعدين، اصبري على رزقك…
