أنا اتخطبت!
عزيزة وأنور – الجزء الأول
عزيزة: أنا اتخطبت.
أنور بصدمة: نعم يا روح أمك؟! اتخطبتي؟!
عزيزة بدلع شديد: أيوة.
أنور: إنتي نسيتي يا هانم إنك لسه على ذمتي؟!
عزيزة: أله! مش أنت قولت إنك هتطلقني وروحت خطبت؟ أنا كمان عملت زيك، الله! مش لازم أشوف مستقبلي أنا كمان، ولا فاكرني هبكي على الأطلال؟
أنور بحدة: تشوفي مستقبلك بعد ما أطلقك، مش لما تكوني على ذمتي.
عزيزة: ماتقول الكلام ده لنفسك!
أنور: أنا هنا الراجل وأعمل اللي يعجبني، أما إنتي لأ.
أبعدته عنها وقالت بدلع: ده كان زمان وجبروت سي السيد. ثم تابعت: أبعد بقى عني؛ أصل خطيبي بيغير عليا جدًا، ولو عرف إني بكلمك ممكن يعمل مشكلة كبيرة.
أنور بغيظ: ده أنا هخليه هو كمان يعرف حدوده لو ما بعدش عنك!
كتمت عزيزة ضحكتها وجريت من أمامه، لأن ملامحه كانت بتكشف غيرته الشديدة. لكن بمجرد ما اختفت عن عينيه، ظهر الحزن والغيرة اللي كانوا جواها، خصوصًا بعد ما افتكرت إنها ممكن تكون خسرت أقرب الناس ليها، أعز صديقة ليها.
أنا اسمي عزيزة، وده حبيبي وجوزي أنور. اتجوزنا بعد سنين حب، وعكس ناس كتير، فضلنا نحب بعض حتى بعد الجواز، لحد ما جتلي فرصة عمل كبيرة خدت كل وقتي، وبقيت أهمل أنور كتير من غير ما أقصد.
وفي يوم، أنور أخد تليفوني ورماه على الكنبة بعصبية.
عزيزة: أنت اتجننت يا أنور؟!
أنور: إنتي…
اسكريبت عزيزة وأنور الأخير:
عزيزة: أنت اتجننت يا أنور؟!
قالت ببراءة: لا والله، ده بعباكة ابن عمي!
أنور: بإيه؟ بعباكة؟! مش كنا خلصنا منه واتنيل وسافر؟!
عزيزة بدلع: لا، ما هو لسه راجع من السفر، وأول ما عرف إننا هنطلق طلب إيدي للجواز، وأنا وافقت.
أنور بغيرة: وقفت المية في زورك يا شيخة! مش ده اللي زمان كنتي بترفضيه؟ إيه، دلوقتي احلوّ؟!
عزيزة بدلع أكبر: يااااي! أصلك ما شوفتوش دلوقتي، بقى طول بعرض وبحلاوة.. يا خوووواتي على عيونه!
أنور بصوت عالٍ: عزيزة!
اقترب منها، لكنها أسرعت إلى الحمام، ليقول بحدة: اسمعي يا بت إنتي، الجواز من عقلة الإصبع ده تنسيه؛ لأني مش هطلق، إنتي فاااااهمة؟!
من خلف الباب: يبقى هرفع عليك قضية وأخلعك عشان أتجوز بعبوكيييي حبيب قلبيييي!
أنور: عزيزة! ما تخلينيش أتصرف معاكي بطريقة تزعلك. وأنا هعرف شغلي مع سي زفت ده، وهفهمه إنك لسه على ذمتي!
عزيزة صرخت وظلت تقفز من الفرحة: بيغير عليااا! يعني لسه بيحبنييي! ههههههههه، يس يسسس!
ذهب أنور إلى بعباكة في محل والده.
أنور بغضب: بعبااكة! أنت يا اللي اسمك بعباكة!
أتى بعباكة، وهو قصير القامة وهزيل الجسد. ابتسم أنور بسخرية وقال: هو ده اللي بقى طول بعرض؟!
رفع بعباكة نظره لأعلى لكي يستطيع أن يتحدث معه؛ فهو بالنسبة لأنور قصير جدًا، بينما أنور ذو بنية قوية وجسد عريض وطول فارع.
أمسك أنور بعباكة من ملابسه ورفعه قليلًا عن الأرض، فصرخ بعباكة وهو يحاول أن يستعيد توازنه: نززززلنيييي! حد يساعدنييي!
أنور بحدة: اسمعني، وبطل صياح! هي كلمة ومش هعيدها تاني.. لو قربت من عزيزة مراتي، أنت فاهم؟!
بعباكة: فاهم، فاهم، بس نزلني!
أنزله أنور وقال: لو سمعت تاني إنك بتحاول تقرب منها، شوف بنفسك أنا هعمل إيه.
وضع بعباكة يده على رقبته، وهو يندم على اليوم اللي عرف فيه عزيزة.
رن هاتفه، فرد قائلًا: بصي يا بنت الحلال، انسي واحد كان في حياتك اسمه بعباكة.
عزيزة بتمثيل المسكنة: اخص عليك يا بعبوكي!
بعباكة: بت! أنا مش قد جوزك التور ده، ده رفعني بإيد واحدة! يلعن أبو معرفتك يا شيخة!
عزيزة: اهئ اهئ اهئ، اخص عليك يا بعبوكي! كده تتخلى عني في أول الطريق؟
بعباكة: آه، أنا جبان يا ستي! ولو ما سكتيش هروح أقوله إننا إخوات في الرضاعة! ها، استريحتي؟
ثم أغلق الهاتف.
عزيزة: جبان! أما وريتك يا بعباكة، بس أخلص من أم قويق الأول!
عندما استمعت إلى باب الشقة وهو يُفتح، ذهبت إليه سريعًا.
عزيزة: ممكن أعرف إيه اللي عملته مع بعبوكتي ده؟
أنور بسخرية: هو لحق قالك؟ بس حسابه معايا بعدين.
عزيزة: لا، أنت لو فكرت تقرب له تاني، أنا اللي هقفلك.
أنور: ثواني ثواني.. إنتي جبتي تليفون منين؟ أنا مش أخدت تليفونك قبل ما أطلع؟!
رفعت حاجبها ووضعت يدها في خصرها: ده سر المهنة يا أستاذ، هههههه!
أنور: إنتي متأكدة إنك كنتي بتشتغلي في شركة ولا في شارع الهرم؟!
عزيزة: يا سممم! بص أنا بقولك أهو، لو فكرت تقرب من بعبوك…
كتم أنور صوتها بإشارة من يده وقال: اششش، مش عاوز أسمع اسم الأراجوز ده هنا تاني، فاهمة ولا لأ؟! ومن النهارده لازم نتكلم ونتفق على كل حاجة، وكمان يومين هتجوز وأجيبها تقعد معاكي هنا.. عشان أسمع حسك!
عزيزة عيطت بجد، فابتعد عنها أنور وقال: ليه؟ ليه بتعملي فيا كده؟
أنور: إنتي اللي عملتي مش أنا! إنتي اللي أهملتي بيتك وجوزك عشان الشغل، وخلتيني أحس إني بقيت بعيد عنك، وأدور على الحنان اللي مفتقده منك.
عزيزة بانهيار: أنا بعترف إني غلط، بس أنت غلطت أكتر؛ لأنك اخترت الأسلوب الأسهل! كان ممكن تيجي وتناقشني ونلاقي حل سوا، مش تروح تدخل صاحبتنا في الموضوع وتخليني أشك إنك نسيتني.
أنور: أكلمك؟! هههههه، إنتي كنتي فاضية أصلًا عشان تتكلمي؟ شغل شغل شغل لحد ما زهقت! خفت أروح أقولك تقوليلي إني غيران لأنك بقيتي ناجحة.
صفقت عزيزة وقالت: برافو! يعني بدل ما نتكلم ونحل المشكلة، كل واحد فينا قرر يعاند التاني؟!
أنور: طول عمرك كده بتقلبي الترابيزة لصالحك، وما بتعترفيش بغلطك.
عزيزة: بعترف! والدليل إني بقولك دلوقتي أنا عارفة إني قصرت، قصرت كتير بحقك وبعتذر، وبطلب منك تسامحني ونفتح صفحة جديدة.
اقتربت منه وقالت: أنا لسه بحبك، وعارفة إنك كمان لسه بتحبني.
ابتعد عنها وقال: للأسف، ما عدش ينفع الكلام ده، أنا كتب كتابي بكرة.
مسحت دموعها وقالت بجمود: ألف مبروك، ربنا يتمم ليك بخير.
تنهد أنور وقال: هبعتلك المكان؛ عشان المأذون اللي هيجوزنا هيطلقنا أنا وإنتي.
كتمت صوت بكائها، ثم هزت رأسها وجريت من أمامه.
في اليوم التالي، وقت كتب الكتاب:
أنور: هي اتأخرت كده ليه؟
العروسة: زمانها جاية يا أنور.
أنور: ده أنا منبه عليها تيجي بدري.
العروسة: اعذرها يا أنور، هي برضه جاية عشان تتطلق مش عشان تتجوز.
أنور: استرها يا رب، خايف لتكون حصلت لها حاجة.
العروسة: لسه بتحبها برغم كل اللي حصل!
نظر لها أنور وصمت.
المأذون: هو إحنا هنستنى أكتر من كده يا أستاذ؟ أنا زهقت!
أنور: معلش، اصبر شوية كمان. يا ترى إنتي فين يا عزيزة؟
بعد شوية، دخلت ثلاث سيدات يرتدين الملابس السوداء ويصرخن بطريقة مسرحية.
أنور: إنتوا مين وجايين بتعملوا إيه هنا؟!
هنا دخلت عزيزة وهي تمسك ظهرها وتضع وسادة كبيرة تحت ملابسها لتبدو وكأنها حامل، وفي يدها أربع دمى صغيرة.
عزيزة: الجوازة دي لازم.. لا يمكن تتم يا حضرة المأذون!
المأذون: ليه؟ ومين إنتي؟
عزيزة بتمثيل: أنا الزوجة الرابعة للمتوحش ده يا سعادة البيه! سابني أنا وعيالي وراح يتجوز يا سعادة البيه، ونسي إن الشرع محلل أربعة بس، والراجل رايح يتجوز الخامسة!
أنور: عزيزة! إيه التمثيلية اللي بتعمليها دي؟!
عزيزة للسيدات: أربعة على واحد إيه؟!
السيدات: حلاللللل!
عزيزة: خمسة على واحد إيه؟!
السيدات: حراااام!
بدأت السيدات في تمثيل مشهد من الفوضى الكوميدية، وارتفعت الأصوات في المكان، فحاول الحاضرون تهدئة الموقف وإبعاد الجميع عن بعضهم.
أنور: قوليلهم يبطلوا اللي بيعملوه!
عزيزة: لا، هخليهم يفضلوا فاكرين اليوم ده طول عمرهم!
أمسك أنور بذراعها برفق وقال: قولتلك اهدي!
عزيزة: لااا!
المأذون: الله يخرب بيتك! خليهم يبعدوا عن خطيبتي!
عزيزة: خطيبتك؟!
المأذون: أيوة يا ستي! الله يخرب بيت الخطة دي كلها!
المأذون: ابعدوا انتوا وهي، خلونا نفهم اللي بيحصل!
واحدة من السيدات جذبته من ملابسه، فاختل توازنه وجلس على الكرسي بسرعة.
عزيزة لأنور: الكلام اللي بيقوله ده صح؟!
أنور: أيوة يا ستي، اهدَي بقى وخليهم يبعدوا!
عزيزة: خلاص يا ستات، تشكروا، نردهالكم في الأفراح!
السيدات: إنتي تأمري يا ست عزيزة، السلام عليكم!
عزيزة: ممكن أفهم إزاي المأذون طلع خطيب دي؟!
خلع الرجل لحيته المستعارة والطاقية وهو يتألم من كثرة الضحك.
الرجل: أنا ولا مأذون ولا زفت! أنا أحمد، صاحب الزفت ده!
عزيزة بصدمة: أحمد؟!
أحمد: آه يا أختي! أنا كان مالي ومال الخطة دي كلها؟!
