ايييه انت عاوز تتجوز دي؟ قالها أبويا وهو بيشاور عليه وأنا واقفه خايفه وجسمى بيترجف. _ بس لقيت الشاب رجع بضهره لورا وبصله وهو بيتكلم ببرود وغرور واضح وصوت قوى واثق: = وممالها دى مش بني آدمه زيكم ولا إيه؟ قاسم بخوف: مش قصدى يا رحيم بيه بس يعنى بنتى حور مش تليق بمقامك. انتصار بحقد: ايوه يا رحيم بيه بنتى زينب احسن وأجمل منها وهى إللى تليق بمقام حضرتك.
رحيم ببرود: وأنا ماخدتش رايكم، أنا قولت دى يبقا دى ومش عاوز رغى كتير.
_ كنت واقفه بدمع وأنا شايفاهم وهما بيبيعوا ويشتروا فيا، والاصعب إنه الشخص ده أبويا! أيوه متستغربوش ده أبويا؛ من بعد موت أمى وهو ومراته الجديدة وبنته مشغلينى خدامه عندهم. وياريت كده وبس، لا، كل يوم ضرب وأهانة من مرات أبويا، جسمى بقا كله كدمات من الضرب، وأنا لأنى شخصية ضعيفة مكنتش قادرة أدافع عن نفسى. بس إللى صدمنى اكتر إنه العريس إللى كان جاى لزينب بنت مرات أبويا اختارنى أنا مكانها! ويا عالم حياتى الجديدة هتبقى عاملة ازاى؟ كنت واقفه قدامهم وأنا حاطة رأسى فى الأرض ودموعى نازلة.
_ اتفاجئت بالشخص ده واقف قدامى وبيقرب مسك دقنى ورفع وشى لفوق. بصتله وعينى جت فى عينه، جماله مخيف وساحر، اول مره اشوف حد بالجمال ده، عيونه غريبة، كان بيبصلى بنظرات جامدة، لكن رغم كده كنت شايفه فيهم أمان غريب. أسلوبه كان قوى ومخيف لدرجة خلعت الكل يخاف، لكن عليه جمال ساحر، هو بجد في جمال كدة؟
رحيم بجمود: هكون هنا بعد يومين، عاوز كل حاجة تكون جاهزة، وكمان العلامات إللى على وشها دى عاوزها تختفى، فاهمين؟
قال آخر كلام بصوت جهورى يهز المكان لدرجة قلبى كان هيوقف وجسمى بقا بيترجف.
قاسم بخوف: تمام يا رحيم بيه.
_ قرب منى وهمس فى ودانى وأنا جسمى بيتنفض من الخوف:
رحيم بهدوء مخيف: العيون الجميلة دى مش لايق عليها الدموع، عاوز أجى ألاقيكى جاهزة يا عروسة.
ورجع بصلهم بتحذير:
رحيم بتحذير وصوت مخيف: مش عاوز حد يقرب منها وإلا أقسم بالله هندمكم كلكم.
قاسم بخوف: حاضر يا رحيم بيه.
_ بصلى وابتسام وسابهم وطلع، ابتسامته جميلة أووى وطبعاً هو مشى وأنا استعديت لإهانة كل يوم بس حاسه إنه هيبقى زياده سيكا خصوصا بعد إللى حصل النهارده، لقيت مرات أبويا مسكتنى من شعرى.
انتصار بحقد: بقاا أنتى يا بنت إللى ماتتسميش تاخدى عريس بنتى؟!
= ابعدى عنى حرام عليكى، أنا ذنبى إيه؟
انتصار بغضب: ذنبك إيه يا روح أمك؟ ذنبك انك اخدتى عريس بنتى وأنا مستحيل أسيبك تتهنى يا بنت منار، أنا هخلص عليكى قبل ما ييجى ياخدك.
_ عيطت، أنا مش قادرة استحمل ضرب، مش قادرة، تعبت! اتفاجئت ببابا بيمسك إيدها ويبعدها عنى.
قاسم بغضب: انتى اتجننتى يا انتصار، عاوزه تودينا في داهية؟ انتى ناسيه مين رحيم نصار ولا إيه؟
_ كنت موجوعة أووى، هو مش هامده بنته كل إللى يهمه إنه ميروحش فى داهية ويخسر كل حاجه، هه عادى اتعودت، هو أصلا مكنش بيحبنى لا أنا ولا أمى. فضلت أعيط بس فجأة لقيته زعق.
قاسم بغضب: غورى دلوقتى من وشى مش عاوز المح طيفك قدامى.
زينب بغضب: انت بتقول إيه يا بابا؟ أنت عاوزها تدخل من غير ما تتعلم الأدب؟
قاسم بهدوء: اسمعينى يا زينب، رحيم لو عرف أننا قربنالها مش هيرحمنا.
_ مرات أبويا قربت ومسكت شعرى بقوة وغضب وهى بتبرهن بنبرة تخوف:
وانت فاكر أنى هسمحلها تنطق بحرف واحد؟ دانا أخلى تتمنى الموت ومطلوقش!
= ليه؟ وانتى فاكرة إنا عايشة معاكى فى جنة؟ أنا بقالى سنين فى جحيمك، اه نسيت انك شيطان مبيعرفش الرحمة!
انتصار بغضب وحقد: لاااا دنتى شكلك نسيتى نفسك وأنا هربيكى من جديد.
وكالعادة شدتنى وحبستنى فى الاوضة وفضلت تضرب فيا بكل غضب وبدون رحمة، قفلت عليا الأوضة وطلعت.
اتسندت ودخلت الحمام ونزلت تحت المية الساقعة وأنا بألم من كتر الدم والجروح إللى فى جسمى، طلعت ورحت نمت وأنا بعيط.
البارت التانى
تانى يوم قومت وأنا بصرخ من الالم، لقيت مرات أبويا بتشدنى من شعرى:
= اااه اااه حرام عليكى.
انتصار بغضب: قومى يا روح أمك انتى نسيتى نفسك ولا إيه؟ يلا قدامى على المطبخ.
طلعتنى ورمتنى فى المطبخ:
انتصار بغضب: يلا يابت اعملى الفطار ومتتاخريش.
– هزيت رأسى بخوف وبدأت اعمل الفطار وطلعته ليهم.
قاسم بجمود: اسمعى يا حور، رحيم بيه كلمنى وقال هيبعت حاجات علشانك، وعشان كدة ادخلى الأوضة ومش عاوزك تخرجى منها لحد ما موضوعك يخلص.
انتصار بحقد: وده ليه إن شاء الله؟
قاسم بعصبية: انتصار أنا بحذرك إياكى تقربى من حور، مش عاوز مشاكل مع رحيم بيه من وراكم وخلو اليوم يعدى على خير، وأنتى يا حور اعملى زى ما قولتلك.
هزيت رأسى ودخلت أوضتى وأنا بعيط حاسه إنهاطلع من كابوس هدخل فى التانى، أنا مش عارفة إللى اسمه رحيم ده عاوزنى ليه وليه اختارنى أنا؟ أكيد فى هدف من وراه بس أنا مش حمل إهانة ووجع تانى، تعبت من التفكير ونمت معرفش مر قد إيه، وصحيت لقيت فستان فرح كان شكله جميل محطوط على السرير ومرات أبويا بتبصلى بحقد.
انتصار بحقد: رحيم بيه بعتلك الفستان ده، بكره تبقى جاهزة علشان هتغورى من وشنا وتروحى لجحيمك التانى.
_ بصتلها بصدمة وخوف واضح: ج.. جحيمى؟!
انتصار بسخرية: أومال فاكرة إيه؟ هيعاملك على انك مراته؟ لا يا حلوة فوقى، انتى هتكونى مجرد خدامة هيتسل بيكى يومين ويرميكى زى الكلاب، ووقتها هجوزه بنتى زينب وهرجعك خدامة عندى بعد ما رحيم بيه ياخد إللى هو عاوزه منك!
وابتسمت بشماتة وطلعت وأنا لسا بحاول استوعب إللى قالته، معقولة هيعمل كده؟ يعنى هو هيتجوزنى تسلية؟ لا أنا مستحيل اسمحله يقرب منى، أنا أموت ولا إنه يقربلى مستحيل! فضلت أعيط بقهر، أنا معرفش أنا بيحصل معايا كده ليه ليييه؟
فى مكان آخر فى فيلا أقل ما يقال عنها أنها قصر فخم، يقف ذلك المغرور وهو يتذكر تلك الحورية التى أخذت عقله من النظرة الأولى وهو ينوى على فعل شىء لها، قاطع تفكيره صوت تلك المرأة الأربعينية:
رحيم بيه حضرتك تامر باى حاجة تانى؟
رحيم بجمود: لا تقدرى تمشى.
حاضر يا بيه بعد إذنك.
رحيم شاورلها بايده إنها تمشى وقعد على الكرسى وهو سرحان:
رحيم: حورية رحيم نصار، ده هيكون اسمك من النهارده، وأوعدك إنه أنا إللى هغير مصيرك بايدى يا حورية، وابتسم ورجع كمل شغل.
مر يومين وأنا محبوسة فى أوضتى، والنهارده هبقى على اسم الشخص ده رغم أنى معرفش عنه حاجه. لبست الفستان وطلعت لقيته قاعد وهو لابس بدلته السودا، كان جميل أووى، جماله ساحر، بصلى وابتسم وأنا كنت ببصله بخوف.
بارك الله لكما وبارك عليكما وجمع بينكما في خير.
أول ما سمعت الجملة دى قلبى وقع كنت هموت من الخوف، يعنى خلاص هطلع من جحيم أبويا ومراته هدخل على جحيم الشخص ده؟ كان جسمى بيترجف والدموع مالية عينى، لقيته قام وقرب منى وهو بيهمس فى ودانى بصوته القوى المخيف:
مبروك يا حورية.
_ هو قال حورية؟ إيه ده أول مرة أعرف إن اسمى حلو بالشكل ده!
بعد عنى وهو بيبص فى عيونى.. يالهووى عيونى قمر يا جماعة والله! ثوانى هو عيونه لونها إيه؟ بنى؟ لا فيרוزی؟ فضلت مركزة فى عيونه طلع لونهم رمادى، ياختى إيه الجمال ده؟
قرب ومسك إيدى وبدون ولا كلمة خدنى وطلع وركبنى معاه العربية.
كنت مرعوبة، فكرت إنه خلاص هبقى تحت رحمة حد تانى، فكرة مرعبة بالنسبة لى. مر وقت مش كبير ولقيته وقف العربية قدام مكان جميل أووى، كان مكان فخم ومليان حرس.
رحيم بجمود: انزلى.
_ هزيت رأسى ونزلت معاه، كانت فيلا كبيرة، فضلت بلف حولين نفسى وفجأة لقيته بينادى باسم ميرفت وصوته عالى.
التفت لقيت ست كبيرة جاية عليه وبتستقبلنى، كانت ملامحها هادية وجميلة.
رحيم ببرود: ميرفت خديها وطلعيها الأوضة.
ميرفت بابتسامة: حاضر يا رحيم بيه.
الست قربت واخدتنى لفوق ودخلتنى أوضة شكلها بتاعه؛ لأن صوره كانت مالية الأوضة، شكله مغرور أووى وشايف نفسه.
ميرفت بابتسامة: خليكى هنا يا بنتى، وعشر دقايق ورحيم بيه جاى.
قالت كلامها وطلعت وأنا فضلت بلف حولين نفسى وبتفرج على الأوضة وقد إيه جميلة، ولقيت الباب بيتفتح وهو داخل، افتكرت كلام مرات أبويا وأنه أكيد هيتقرب منى علشان يتسلى، جسمى بقا يترجف من الخوف وتكلمت وأنا بعيط:
= انت.. انت هتعمل إيه؟ أرجوك متعملش كده.
كان بيقرب وهو بيفك زراير قميصه وبيبتسم، فضلت أترجاه..
البارت الرابع
فتحت عينى وأنا بستقبل يوم جديد بس مختلف، اول مرة أنام مرتاحة كده ومفتحش عينى على صوت مرات أبويا وإهانتها ليه. ثوانى واستوعبت إنى نايمة على صدره! قومت بسرعة وفضلت أبصله.
_ شعره الناعم كان نازل على عينه بشكل حلو أووى، ملامحه الجميلة وهو نايم بسلام زى الأطفال، ودقنه إللى مزوداه وسامة.
قربت وحطيت كف إيدى على رأسه وفضلت ألعن فى شعره، حسيته هيصحى، كنت هقوم قبل ما يصحي لكن قبل ما أمشى مسكنى وشدنى لحضنه:
= رايحة فين يا حوريتى؟
_ أنت ليه بتقولى حوريتى؟ أنا اسمى حور.
= رحيم بابتسامة: عارف، بس انتى دلوقتى حورية رحيم نصار، انسى حور خالص.
_ طيب أنا هنزل أجهزلفت الفطار.
= تو تو، مينفعش، هانم القصر هى إللى تجهز الفطار، انتى هنا تؤمرى والخدم ينفذوا.
_ بصتلها وأنا مبرقة: انت بتتكلم بجد؟ يعنى خلاص مش هدخل المطبخ ولا هشتغل زى الخدم؟
= بابتسامة جميلة: لا خلاص، أنتى دلوقتى مراتى يعنى مقامك زى مقامى فى البيت ده، مفهوم؟
_ اكتفيت أنى أهز رأسى.
