سماح: خلاص يا حبيبتي، يلا الوقت أتأخر، مينفعش تلعبي معاه كل الوقت ده. دارين بزعل: أرجوكي خليني ألعب معاه وبعدها أنام، أنا مش هشوفه تاني! مراد: خلاص يا مرات عمي، خلينا نسهر مع بعض النهارده وتنام زي ما هي عايزه، علشان أنا بكره خلاص هسافر.
سماح: عمك لو عرف يا ولدي فيها رقبتها!
مراد: لما يعرف أن هي معايا مش هيقول حاجة.
دارين بفرحة: متخفيش، أنا مش هعمل صوت خالص، هششش!
مراد ضحك على شكلها: خلاص يا مرات عمي، يلا أخرجي أنتِ.
سماح: ماشي، اللي تشوفه يا ولدي.
مراد: يلا يا قروبة بقى، تعالي ننام.
دارين: مش هنلعب مع بعض؟!
مراد: مش أنتِ ضحكتي على مرات عمي علشان تنامي معايا وأنتِ مش عايزه تلعبي؟ أنتِ صدقتي ولا إيه؟!
دارين بضحك: آه صح، نسيت، خلاص يلا.
مراد بضحك: صح ماشي يا دودو، يلا تعالي.
في صباح يوم جديد، دارين بتفتح عين وعين، بتلاقي مراد بيرتب الشنط قدام الباب، وبتقوم بخضة: يالهوي! أنت هتسافر دلوقتي؟!
مراد بيقعد على ركبه بحنية: آه يا حبيبتي، لازم أسافر علشان أشتغل مكان عمي، مينفعش أقعد هنا علشان أجيب ليكي فلوس كتيرة ولعب كتيرة لو معايا فلوس.
دارين بدموع: لا أنا عايزاك أنت، مش عايزه فلوس! مش أنت قولت هتتجوزني؟! يلا اتجوزني وأسافر معاك!
مراد بيضحك: تعالي يا بت، أنتِ بتجيبي الكلام ده منين؟! متقوليش كذا، أنتِ لسه صغيرة، لما تكبري هتجوزك.
دارين: وعد؟!
مراد: وعد، يلا يا قردة.
دارين بزعل: مراد، أنا بحبك أوي، باي.
مراد: باي يا قلب مراد.
أعرفكم بنفسي: أنا دارين وعندي 7 سنين، وده مراد ابن عمي وعنده 19 سنة.
بعد مرور 13 سنة…
صفية: ألف حمدلله على السلامه يا ولدي.
مراد: الله يسلمك يما.
سماح (مرات عمه): منور بلدك يا مراد.
مراد: ده بنورك يا مرات عمي.
دارين واقفه وراء الباب بتاع المطبخ متابعة كل حاجة. مراد لمح دارين، وأول ما شافته جريت على المطبخ تستخبى.
صفية (ام مراد): اطلع يا ضنايا ارتاح من مشوار السفر، وانا هبعتلك الوكل فوق.
مراد مركز عينه على المطبخ ومستني يشوف البت دي تاني: حاضر يمّاه.
مراد خرج من الحمام بعد ما لبس جلبيه مريحة وبين شعره بالفوطه. دخلت دارين وهي شايلة الصينية وعينها في الأرض: الوكل يا سي مراد.
ودارين حطت الأكل ولسه هتطلع، مراد مسكها من إيدها ولفه ليه.
مراد بحنية: كبرتي يا دارين!
مراد قرب ورفع وشها بصبعه وركز في عينيها: وبقيتي عروسة ما شاء الله!
دارين بخجل: سي مراد، مرات عمي عايزه تحت.
مراد ضحك وقرب منها: مكسوفة يا دودو؟!
مراد حرك إيده على وشها، دارين وشها بقا أحمر وتبص بعيد عن عينه.
مراد ضحك وقرب من ودنها وهمس: مش أنتِ كنتي بتقولي لما نتجوز؟!
دارين من كتر الكسوف جريت بسرعة.
دارين دخلت أوضتها وهي بترمي نفسها على السرير وتدفن وشها في المخده.
مروة (بنت عمها): تيه يختي!
دارين: بس بالله عليكِ، أنا من كتر الكسوف مش قادره أخد نفسي.
مروة: لا بس أنتِ يا بت بشكلك القمر ده تخلي أي راجل يتهبل فيكي!
دارين: إتلمي يا بت.
مروة: وه، هو مش بنقولوا الحقيقة يا ختي؟!
دارين بتحط شعرها وراء ودنها: بس مش عارفة يا بت يا مروة، ده حب، ولا أنا علشان معنديش حنان الأب ده وكنت بعتبره أبويا؟!
مروة: والله يا ختي مش عارفة، لما أحب أبقى أقولك.
دارين: أنا غلطانة إني بكلم واحدة زيك أصلاً، أنا هروح أشوف مرات عمي عايزه أساعدها في حاجة ولا لا.
مروة: أحسن باردو.
مراد نزل لصفوت عمه.
صفوت: مراد! عامل إيه يا عمي؟!
صفوت بفرحة: الله الله، أهلاً بيك يا ولدي، نورت بلدك، ليكي وحشة، تعال في حضن عمك.
مراد: حبيبي يا عمي، بنورك.
جاسر (ابن عم مراد الكبير): حبيبييي يا أبن عمي، تعال عامل ايه، وانا بقول الدنيا نورت ليه أكده؟!
مراد: حبيبي يا جاسر، تعال اقعد جنبي، ليك وحشة بردو.
جاسر: حاضر يا ابن عمي.
صفوت: هاتي يا بت يا دارين كوبايتين شاي.. لا تلاتة شاي.
دارين: اتفضل يا عمي، الشاي اهو.
صفوت: ادي لكل واحد كوباية في إيده يا بنتي.
دارين: حاضر، اتفضل يا عمي.
جاسر: هاتي يا دارين من إيدك، بس لسه قمر زي ما أنتِ!
مراد سمع جاسر وخد باله من نظرته ليها: أدخلي يا دارين جوه، كل واحد ياخد الكوباية لوحده، احنا لينا إيدين مش أكده ولا إيه يا جاسر؟!
جاسر: آه آه وماله يا بن عمي.
صفوات: عادي يا بني.
مراد بيرروح وراء دارين وهي داخله الأوضة. دارين جايه تقفل الباب، شهقت لما حد سحبها من إيده بقوة. مراد محاصرها بينه وبين الباب وبيقفل الباب باإيده التانية: إيه اللي إنتِ لابسه ده؟!
دارين: ماله يا سي مراد؟!
مراد قرب منها في تحدي وهمس: هو يا بت علشان كبرتي حتتين تلاتة يعني لاي حد؟! ده أنا أذبحك يا بت!
دارين بتوتر: حححاضر، ممكن أخرج بقى؟!
مراد بضحك ظهرت غمزته: يلا، وماتلكش دعوة بجاسر ده خالص.
دارين: ليه؟! أنا حرة في حياتي.
مراد مسك إيدها جامد: اللي أقول عليه تعمليه بالحرف الواحد، أنتِ فاهمة؟!
دارين: حاضر، أوف بقى، ممكن أغور في داهية بقى؟!
مراد بيخرج وبيبسبها.
صفوت: إيه اللي كنت بتعمله في أوضة دارين يا ولدي؟!
مراد: ولا حاجة يا عمي، الباب اتقفل الغلط.
صفوت: طب بعد أكده خلي بالك زين قوي من الباب، علشان البنت كبرت مش زي زمان، قولت أقولك يا ولد أخوي، ويلا روح نام علشان السفر اللي لسه جاي منه.
مراد: ماشي يا عمي، بس خلي في بالك أن أنا أعمل اللي أنا عايزه مع دارين، هي زي…
صفوت: خلاص يا مراد، عمي قال ليك كلمتين ولا زي وغيره.
دارين بزعل: خلاص، أنا آسفة يا عمي.
مراد: بتتأسفي ليه يا دارين؟! الغلط مني، يلا روحي شوفي هتعملي ايه.
صفوت جاي يتكلم بتدخل منال.
منال: إيه ده؟! مراد بنفسه هنا؟!
وراحت عليه جري وترمت عليه.
دارين بغيره: إيه ده؟! مين دي يا مروة؟!
مروة: بنت خالة مراد، بس هي كانت في مصر مش هنا، بس مراد لما سافر كان بيشتغل معاها.
مراد: أحم أحم، مش كدا يا منال، احنا كنا لسه مع بعض امبارح!
منال: أمم، وبتخرج؟ أنا كنت لازم أجي بقى علشان عمي صفوت طلب مني أسافر وأجي ليك كدا، مشيت من غير ما تقول لي إنك مسافر! بس خلاص كدا كدا هاجي أقعد معاك فترة.
دارين بتسرع: ليه؟!
مروة: تنوري يا حبيبتي.
دارين: أحم، آه تنوري.
منال: مين دي؟! وبتشاور علي دارين عليها بقرف.
مراد: بنت عمي صفوت، خلاص يا بنتي روحي وري منال الأوضة بتاعتها، وانا طالع أرتاح شوية.
دارين: حاضر.
منال: أنت هتروح فين يا مراد؟!
مراد: هنام يا منال.
منال: هي الأوضة قريبة من أوضة مراد؟!
دارين: ليه إن شاء الله؟!
منال: علشان نشتغل مع بعض بالليل.
دارين: أمم، لا مراد بيام بدري.
مراد: خلاص يا دارين، شوفي منال عايزه انهي أوضة.
دارين بغيظ: حاضر.
بعد وقت طويل في الليل…
دارين: يا مروة، هو بجد مراد كان بيشتغل مع البت دي؟!
مروة وهي بتص في الشباك: خلاص يا ستي، متحطيش في بالك.
دارين: هتفضلي تسرحي في جاسر كتير؟! متحطيش آمال في حاجة مش ليكي.
مروة: خلاص يا دارين عارفه، مش لازم تفكريني كل مرة بنفس الموضوع.
دارين: خلاص تعالي، أنا آسفة يا ستي، إن شاء الله يحبك وقلبه يحن لك.
مروة: يا رب.
منال بتخبط علي مراد.
مراد بنعس: أدخل.
منال: مش يلا يا بطل علشان نشتغل بسرعة؟!
مراد: آه آه، هقوم أخد دش بس ونبدأ في أوضة المكتب علطول.
منال: لا، خلينا في الأوضة دي احسن.
مراد: أممم، ماشي اللي يريحك.
منال بتجهز الأوراق بعد وقت قصير: يلا.
دارين كانت معدية بالصدفة قدام أوضة مراد وشافته هو ومنال وهي قاعدة جنبه.
منال: ثانية واحدة بقولك يا دارين، شايفاكي واقفه بره، عايزه حاجة؟!
دارين: أحم لا. ورايحه تمشي.
منال: هاتي كوباية قهوة، وأنت يا بيبي تشرب إيه؟!
مراد بيقعد بعيد عنها شوية: لا يا منال، لما أحب أشرب حاجة هعمل لنفسي.
منال: هاتي إتنين قهوة، ومالكيش دعوة أنا هخليك تشربها.
دارين: حاضر.
بعد وقت طويل…
دارين: يا مروة، أنا هموت وأعرف هي بتعمل إيه كل ده مع مراد؟!
مروة: أكيد بتشتغل، مش هعمل حاجة يعني.
مراد بصوت عالي: لا يا عمي.. لا…
مروة: إيه الصوت ده؟!
دارين: ده صوت مراد!
مروة: طب تعالي بسرعة.
مراد: لا يا عمي، قولت لا يعني لا!
صفوت: لا يا مراد، لازم تعمل كدا.
مراد: وانا مش هتجوز منال يا عمي!
دارين بصدمة: تتجوز منال؟! وكانت هتقع.
مروة: تعالي اسندي عليا يا حبيبتي.
منال بفرحه: أحم، أنت مش عايز تتجوزني يا مراد؟!
مراد: مش أكده، أنا مش عايز أتجوز، أتجوز ليه؟!
صفوت: جدك جاي بكره وعايز يشوفك أنت ومنال، هو بيحب منال وعايزها تبقي مراته وتجيب حفيد منها.
مراد: وانا مش هتجوز حد يا عمي، انا هعرف إزاي أتصرف مع جدي.
صفوت: جدك تعبان يا ولدي، دي في رقبتي.
صفية: علشان خاطري يا ولدي، نكتب عليه الصبح على السريع، وبعد أكده اللي أنت عايزه هيحصل.
مراد بغضب: لا يا عمي، استحالة!
صفوت: أنا عارف انك يا ولدي كبير البلد، بس مش على جدي.
دارين بتطلع الأوضة جري وعمالة تعيط.
مروة: بس تعالي يا حبيبتي، خلاص هو مش من نصيبك، وغيره كدا أنا عارفة أبيه مراد بيحاول يقنعهم، متقلقيش.
دارين: ليه يعمل فيا كدا يا مروة؟! ده انا هنا من زمان شغاله تحت رجلهم، وعايزه أي حاجة تريح قلبي.
مروة: خلاص يا حبيبتي خلاص، هششش. وبتنام على رجلها.
