دلفن إلى الداخل ورحبن بعائلة مراد التي إستقبلتهم أمينة بترحيب واسع تحت نظرات زينة الحانقة…
على الجانب الآخر، كان مراد يتصل بشخص ويقول:
– أيوا، كل حاجة جاهزة هنا، إنتوا أجهزوا كمان وفي ظرف ربع ساعة تكونوا هنا، متتأخروش.. يلا سلام…
قال ذلك ثم دلف إلى الداخل ليتابع الحفل ويراها فإبتسم قائلا:
– ربنا يحنن قلبك عليا بقا…
دلف مراد ووقف إلى جوار عمه وماجد يرحبون بالضيوف…
تساءل فريد بإستغراب:
– هو إنت جابب ليه شاشة العرض دي يا ابني؟!
أجابه بهدوء:
– علشان نستعرض إنجازات الشركة قدام الصحافة اللي هتيجي.
أومأ قائلا:
– أممم ماشي، بس أنا فرحان بجد علشان هتحضر معانا مناسبة مهمة زي دي للشركة بدل شغلك اللي واخد كل وقتك.
إبتسم له قائلا:
– أديني حضرت يا عمى، يلا تعالى نسلم على بقية رجال الأعمال.. يلا يا عمى مجدى.
– ماجد بإنتباه: يلا يا ابني…
على الجانب الآخر، كان عمر وسليم يدلفان بصحبة عائلة سليم…
كانت تسير بوهن ودموعها مهددة بالنزول وهي تراه يحتضن خصر ميس ويسيران معاً بحب…
تنهدت بألم على ما كان يفعله، فقد ظنته إنه يحبها ولكنه يتلاعب بها لا أكثر من ذلك…
شعرت بالإختناق، فشعرت بها ندى التي حزنت من أجلها فمسكت يدها وضغطت عليها تشجعها على أن تتماسك، فإبتسمت لها بإمتنان.
عندما دلفوا إلى الداخل وبمجرد أن رآهم فريد صاح بغضب:
– إنتوا إيه اللي جابكم هنا؟! أظن وجودكم مش مرحب بيه.
تحدث حامد بسخرية:
– قول لابن أخوك اللي جابنا.
نظر لمراد قائلا بغضب:
– الكلام اللي بيقوله دة صحيح؟!
تحدث مراد ببرود:
– أيوة يا عمي، أنا اللي جبتهم.
صرخ بنفاذ صبر:
– إنت هتجننني؟! إنت واعي لكلامك دة؟!
هتف بسخرية:
– إستنى بس يا عمى، صبرك بالله.. تعالى على نفسك…
ثم نظر لسليم قائلا:
– جبت اللي قولتلك عليه؟!
إبتسم قائلا:
– كله جاهز يا صاحبي، متقلقش.
تدخل عمر قائلا وهو يشير ناحية الباب:
– وأدي الصحافة جات وهتعمل أحلى شغل.
ساد التوتر والقلق بين الحضور، وتجمعت العائلات إلى جوار بعضها بغرابة ودهشة مما يحدث…
أعتلى مراد المنصة وتبعه عمر وسليم.
تحدث مراد في الميكرفون:
– طبعا الكل بيسأل إيه اللي بيحصل، وهوضحلكم حالا متستعجلوش.. الحقيقة إننا كلنا معميين عن الحقيقة وسايبين المجرم الحقيقي عايش وسطنا وفاكر إنه ذكي، بس الحمد لله قدرنا نكشفه ونبين أصله للكل! اللي قتل أبويا وأبو صاحبي، واللي سرق ونهب وهرب مخدرات وأسلحة وغيره.. وغيره.. هو رجل الأعمال الصالح: ماجد المنشاوي!
صدمات وشهقات وأعين متسعة كانت هي المسيطرة على الحضور…
أما هو تعرق بشدة وأخذت ضربات قلبه تعلو شيئاً فشيئاً…
تحدث عمر هذه المرة:
– طبعا أكيد عاوزين دليل على الاتهام دة.. من شهر ونص تحديدا، لما عابدين اللي اتعدم قال لمراد إن عدونا حوالينا، الصراحة شكينا في الكل فقلنا خلاص نراقب الكل.
تدخل سليم هذه المرة قائلا:
– ودة اللي عملناه، زرعنا كاميرات في كل حتة في بيتنا وبيت مراد وبيت الاستاذ ماجد بطرقنا الخاصة، ومثلنا إننا بقينا أعداء وبنكره بعض، ودة طمن الخصم وخلاه يلعب كويس…
قاطعه مراد هاتفا:
– ولما قبضنا على عمى حامد كان مقصود، وإننا نطلعه دة طمن البيه أكتر إنه يتمادى في أعماله …
تدخل عمر قائلا بسخرية:
– بقى عاوز تخلص مني يا قريب أبويا؟! متقلقش، هنعمل معاك أحلى واجب، بس بعد ما نكشف حقيقتك للناس المخدوعة فيك!
تدخل سليم قائلا بغضب:
– واه، بنتك طالق بالتلاتة، متلزمنيش! سبحان من صبرني على إني مقتلهاش وأنا شايفها بتنقل الأخبار وتصور الصفقات وتبعتها ليك! بس مش غريبة عليها، مستنين من واحدة أبوها ماجد هتطلع داعية إسلامية؟!
هتف مراد:
– شغل يا عمر اللابتوب.
وضع كارت الذاكرة في الجهاز المحمول وقام بتشغيله، وصدم الجميع من التسجيلات التي تحتوي على محادثات هاتفية بشأن أعماله المشبوهة…
وبعد الإنتهاء، هتف سليم بحزن:
– ودلوقتي المفاجأة الكبيرة اللي كان خافيها لأكتر من ست سنين، رعبك الحقيقي اللي معاه الملفات التي هتوديك ورا عين الشمس…
قال ذلك، ثم ظهر حسين الذي بظهوره كان بمثابة الصاعقة التي أصابت الجميع، وأولهم ورد التي ما إن رأته سقطت أرضاً في الحال!
سقط قلب سليم بين قدميه عندما رآها تسقط، ولم يختلف حال والدها فركضوا ناحيتها، وققبل أن ينزل سليم ليحملها مسكه حسين وقام هو بحملها، ثم أسندها على أحد الكراسي وأخذ يربت على وجنتها قائلا بدموع:
– ورد، فوقي يا حبيبتي، قومي يا حبيبة بابا، فوقي…
قال ذلك ثم مسك كوباً به ماء ونثر منه على وجهها بخفة.
أخذت ترمش عينيها بضعف قائلة:
– بابا…
هتف حسين بلهفة ودموع:
– أنا أهو يا حبيبة بابا، فتحي عينيكى وبوصيلي.. بوصيلي يا ورد عمري وسنيني…
نظرت له بتشوش غير مصدقة إنه أمامها، رفعت أناملها المرتعشة ثم مدتها ناحية وجهه وأخذت تمررها عليه تتحقق من ملامحه قائلة بصوت مهزوز:
– ب.. بابا.. إنت.. إنت عايش؟!
أومأ رأسه بفرح قائلا:
– أيوة يا حبيبتي، أنا عايش ومش هسيبك تاني أبدا…
إرتمت بين ذراعيه تحتضنه بشدة وكأنها تحتمي من العالم أجمع، ثم إنفجرت في البكاء الشديد في مشهد أثار عاطفة الجميع…
أخذت تقول من بين بكائها:
– بابا! وحشتني أوي يا حبيبي، الدنيا من غيرك وحشة، متسبنيش تاني! ودوني عند واحد وحش وقالي إنه خالي وكان بيضربني أوي يا بابا، روحت فين وسبتني كل دة؟! متسبنيش تاني…
هتف وهو يشدد من إحتضانها:
– مش هسيبك أبدا يا حبيبتي، مش هسيبك ومش هسمح لحد إنه يأذيكى تاني، وهفضل معاكي متخافيش.. بطلي عياط وإلا مش هجبلك شوكولاتة!
مسحت دموعها بطفولية قائلة:
– خلاص أهو مش هعيط تاني، حتى شوف!
ضحك بخفوت قائلا:
– هههه أه شايف…
ثم ضمها مرة أخرى براحة متمتماً بحمد الله في داخله…
عند ماجد، الذي شعر بالغضب الشديد لإكتشافه، ونظر لمراد بغل وكره شديدين، فقام بسحب مسدسه وصوبه ناحية مراد مستغلا انتباه الجميع لورد ووالده، وأطلق رصاصة استقرت في صدره فسقط أرضاً!
دلفت الشرطة في الحال وتحفظت على ماجد وابنته.
صرخن النساء حينما رأوا الرصاصة التي استقرت في صدر مراد، وتوجهت والدته وأخته يبكيان ويترجوه أن يظل معهم…
أما لمار عندما رأت ذلك أصابتها صدمة فلم تستطع الحديث ولا الحركة.
وضع عمر رأسه على فخذه قائلا بدموع:
– قوم يا مراد.. متغمضش عينيك.. خليك معايا بالله عليك!
هتف بضعف:
– قولها تسامحني يا صاحبي.. لا إله إلا الله محمد رسول الله…
صرخ فيه قائلا:
– اسكت خالص! مش هتسيبنا إنت سامع؟! وهتفوق، وهعملكم الفرح اللي قولتلي عليه!
جلس سليم قائلا بدموع هو الآخر:
– خليك معانا يا صاحبي…
بعد لحظات وصلت سيارة الإسعاف ونقلته بسرعة إلى المشفى…
كان الجميع أمام غرفة العمليات يقفون بقلق بالغ…
أما لمار كانت تقف معهم وهي في عالم آخر، فهي إلى الآن لم تفق من صدمتها…
بعد عدة ساعات، خرج الطبيب يزفر بتعب بعد المجهود الذي بذله، أسرع الجميع إليه…
هتفت أمينة ببكاء:
– طمني عليه ربنا يكرمك.
إبتسم الطبيب قائلا:
– متقلقيش يا حاجة، هو الحمد لله كويس وحالته مستقرة، الحمد لله الرصاصة معدتش في القلب…
سألته مرة أخرى برجاء وكأنها لم تسمعه:
– بالله طمني عليه، هو كويس؟!
ضحك بخفوت قائلا:
– والله كويس، وبإذن الله بعد فترة هيصحى وتقدروا تشوفوه وتتكلموا معاه كمان.
هتفت بإمتنان:
– ربنا يريح قلبك يا ابني…
إبتسم لها ثم وجه له سليم ومراد ومعتز بعض الأسئلة التي تخص مراد ثم رحل…
جلس الجميع يلتقطون أنفاسهم بعد مرور ذلك الوقت العصيب…
توجه عمر لوالدته قائلا:
– ماما، يلا السواق مستنيكم برة، خدى لمار وسجود وروحوا.
هتفت بحزن:
– وهنسيبه يا ابنى من غير ما نطمن عليه؟!
أجابها بهدوء:
– ماما هخلي السواق يجيبكم الصبح، روحى علشان متتعبيش، وكمان لمار علشان الحمل…
هتفت بإستسلام:
– ماشي يا ابنى بس أنا قلقانة عليها، شايف مسهمة إزاي؟!
توجه إليها ووجدها تنظر أمامها بشرود، هزها برفق قائلا:
– لمار حبيبتي، يلا علشان تروحي مع ماما…
إلا إنها ما زالت على حالتها، فهزها بقوة وهتف بصوت عالي جذب انتباه الموجودين قائلا:
– لمار فوقي! لمار…!
إقتربت خديجة قائلة بدموع:
– بنتي هتروح مني وأنا لسة مشبعتش منها!
أزداد قلقه على شقيقته وشعر بأنه مكتوف الأيدي، ولكنه قام بصفعها فجأة وسط شهقات الجميع صارخاً فيها قائلا:
– فوقي! فوقي اتكلمي، متفضليش كدة…!
نزلت دموعها بغزارة قائلة بضياع:
– هيموت صح؟! هيموت ويسيبني؟! قوله يرجع بالله عليك…
ضمها بحنان قائلا:
– إهدي يا حبيبتي إهدي، الدكتور طلع من عنده وقال كويس وهيفوق الصبح إن شاء الله، صدقيني.
نظرت له بشك قائلة:
– بجد..؟!
إبتسم لها بحنان قائلا:
– بجد يا حبيبتي متقلقيش…
ثم هتف بخفوت بجوار أذنها بمرح:
– وبعدين إتقلي شوية يا هبلة، وأنا اللي قلت هلففه حوالين نفسه، تومي فاضحة نفسك كدة!
نظرت له بخجل ثم اختبأت في صدره تختبئ من أعين الجميع عما تفوهت به…
ربت على ظهرها قائلا:
– خلاص يا بنتي متتكسفيش كدة.
تقدمت أمينة منها قائلة:
– متخافيش يا حبيبتي، هيبقى كويس إن شاء الله، يلا علشان تروحي ترتاحي…
هزت رأسها بنفي قائلة بإصرار:
– لا، أنا هستنى معاكم…
هتفت خديجة بإستسلام:
– خلاص ماشي، بس تعالى اقعدي إرتاحي…
على الجانب الآخر، كان حامد يقف أمام شقيقه ببعض الخزي والندم قائلا:
– حمداً لله على سلامتك يا حسين، يا ريت تسامحني يا ابن أمي وأبويا، بس إنت عارف اللي فيها، مكنش ساعتها ليا قرار إني أتدخل وإنت بعدت عننا.
ربت على كتفه قائلا:
– ولا يهمك يا حامد، وشكراً جداً على إنكم إستضفتوا بنتي طول المدة دي.
نظر له وهتف بإستنكار:
– بتشكرني؟! دي بنتنا كمان ومرات ابني!
نظر له بغيظ قائلا:
– مرات ابنك اللي متجوزها في السر ومتجوز بنت المجرم عليها في العلن!
هتف بخجل:
– متقلقش، كل حاجة هتتصلح إن شاء الله.
هتف بعدم إكتراث:
– أنا ميهمنيش غير بنتي اللي همشي بيها دلوقتي، ويا ريت تخلي ابنك يطلقها…
استمع سليم لكلماته فشعر بخنجر يمزقه من الداخل…
تحدث حامد بجدية:
– إنت بتقول إيه؟! دة بيتك زي ما هو بيتي!
تحدث بسخرية:
– إنت ناسي كلام أبوك الله يرحمه ولا إيه؟!
هتف بتأكيد:
– لا مش ناسي، بس أبونا الله يرحمه ندم أشد الندم، ولما عرف إنك مت ساعتها جالتله جلطة وبعد كام يوم مات…
هتف بحزن:
– الله يرحمه…
حاول إستمالته قائلا:
– خليك معانا، متحرمناش منك، وكمان ورد خدت على العيلة وتعودت عليهم، ها هتيجي؟!
نظر أرضاً ثم أخذ يفكر في ابنتته التي تحب ذلك الغبي منذ الصغر، لذا قرر أن يوافق ويتحدث مع ابنتته، وسيرى ذلك الغبي جيداً أن خلفها ظهراً حصيناً…
هتف بغموض:
– ماشي، هقعد علشان ورد بس، ابنك هيطلق بنتي، ولو فعلا عاوز يتجوزها يعمل اللي مفروض يتعمل…
هتف حامد بفرح:
– خلاص إتفقنا، بس بلاش الطلاق، إحنا نعمل الأصول ونيجي نطلبها منك…
هتف بإستسلام:
– ماشي، لما نشوف…
إحتضنه سليم بسعادة قائلا:
– حبيبي يا عمي، هو دة الكلام!
ضربة على ظهره قائلا:
– يا واد يا بتاع مصلحتك إنت!
هتف بندم وخجل:
– بصراحة يا عمي يا ريت تساعدني، أصل بنتك قالبة عليا قلبة وحشة، بس غصب عنى والله، كان لازم أعاملها وحش قدام الحقيرة دي علشان مٹشكش في حاجة.
رفع يديه بإستسلام قائلا:
– مليش دعوة، أنا هقف في صف بنتي حتى ولو كانت غلطانة.
قضب حاجبيه بضيق قائلا:
– بقى كدة يا عمي؟!
ضحك قائلا بمرح:
– أيوة يا أخويا كدة، أنا رايح لبنتي سلام، مش عارف إيه اللي مخليني أوقف معاك…!
ذهب حسين ناحية ابنتته التي ما إن رأتها ألقت بنفسها بين ذراعيه بسعادة، وانزوا في ركن ما وأخذوا يتسامران سوياً تحت نظرات سليم الحانقة والعاشقة في آن واحد…
لم يغادر أحد المشفى وظلوا في أماكنهم.
حل الصباح فأسرعوا لرؤية مراد الذين علموا للتو من الطبيب أنه استيقظ…
دلفت عائلته أولاً، وبعد أن اطمأنوا عليه هتفت أمينة بحب:
– حمد لله على سلامتك يا حبيبي، يا ريت كان أنا.
هتف بتعب:
– بعد الشر عنك يا أمي، متقوليش كدة، أنا كويس الحمد لله قدامك.
رددت خلفه:
– الحمد لله يا حبيبي، وحسبي الله ونعم الوكيل في اللي كان السبب.
تدخل معتز قائلا:
– حمداً لله على سلامتك يا بطل.
إبتسم له بخفوت قائلا:
– الله يسلمك يا معتز.
ثم لاحظ انزواء تسنيم في ركن الغرفة فقال:
– إيه يا تسنيم، مش هتيجي تسلمي عليا؟!
انفجرت فيه بكاءً قائلة:
– إنت وحش، كنت هتروح وتسيبني زي بابا!
نظر لها بحنان قائلا:
– طيب تعالى قربي مني كدة.
إقتربت منه كما طلب منها، ثم ربت بجواره على الفراش.
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”
