نزل مراد ودلف داخل تلك العمارة السكنية ثم وصل إلى شقة لمار فأخذ يرن جرس الباب.
بالداخل، هبت لمار فزعة من مرقدها فقالت بخوف:
– آا مين دة اللي هجي في الوقت المتأخر دة؟
ثم نظرت في الساعة فقالت بسخرية:
– لا واضح أوي إنه متأخر، دي حتى الساعة ثمانية! إنت هبلة؟ هو إنت فاكرة إن كل الناس بتنام من العشا كدة علطول؟ طيب.. طيب هو مين دة؟ لا، أنا مش هفتح.. بس.. بس دة مش راضي يشيل إيده من على الجرس.. أنا.. أنا هروح أفتح وخلاص.
قامت من مكانها بخوف شديد، وارتدت إسدالها وأحكمت حجابها على رأسها، ومشت بخطوات بطيئة نحو الباب.
لمار بصوت مهتز من الخوف: آاايوة.. مين؟ مين بيخبط؟
مراد: افتحي الباب، مباحث.
لمار بصدمة: يا لهوي، مباحث! ليه.. ربنا يستر.
مراد: افتحي الباب بدل ما أكسره.
لمار بخوف: حاضر.. حاضر..
فتحت الباب ونظرت للواقف أمامها بصدمة وخوف، أما هو عندما رآها ذهل من هيئتها، ولكنه نهر نفسه فالمناظر خداعة.
مراد: إنت لمار عابدين فرج؟
لمار: آاا.. أيوة أنا لمار.. آااااه!
تأوهت بألم حينما قبض على ذراعها يعتصره بقوة.
لمار بدموع: لو سمحت سيب دراعي..
مراد متجاهلاً إياها: فين أبوك وأخوك؟ أكيد تعرفي مكانهم طالما مشاركاهم في أفعالهم مش كدة؟
لمار: أنا.. أنا ما أعرفش هما فين والله.
مراد: الإنكار مش هيفيد، اعترفي أحسنلك.
لمار بدموع: صدقني ما أعرفش..
مراد بهدوء مميت: بقى ما تعرفيش؟ إممممم..
تركها مراد ودلف إلى الداخل يفتش في الغرف إلى أن وجد ضالته، وبعد ذلك خرج، أما هي نظرت له بخوف واستغراب.
مراد وهو يريها كمية المواد التي بالكيس: وده بردو مش بتاعك؟
هزت رأسها بنفي قائلة: والله والله لا مش بتاعي.. إنت جبته منين؟
مراد: بكره عارفة أنا ممكن ألبسك بيه إعدام، بس كدة أنا مش هستفاد، علشان كدة يا حلوة يلا تعالي معايا..
لمار بخوف: أجي معاك فين؟
مراد ساحباً إياها بقوة من رسغها: هتعرفي دلوقت..
لمار بصراخ: لا، لا حرام عليك، أنا ما عملتش حاجة..
وجد مراد إن مهمته هكذا ستصعب وستجلب له ضجة، فقام بالإمساك بها بطريقة أفقدتها الوعي في الحال.
قام مراد بحملها وأغلق الباب ونزل بها بخطوات حذرة إلى الأسفل.
عند عمر وسليم بالسيارة:
سليم: الواد دة إتأخر ليه كدة؟
عمر: هو قال عشر دقايق وعدوا وبقوا ثلث ساعة، أنا نازل..
سليم بصدمة وهو ينظر أمامه: استنى.. استنى.. يا نهار أسود.
عمر: في إيه؟
سليم: بص قدامك وانت تعرف.
نظر عمر أمامه فصدم الآخر فهم بالنزول قائلا: نهار أسود، هو عمل فيها إيه؟!
وصل مراد مسرعاً وهو يلتفت يميناً ويساراً:
– افتح الباب اللي ورا بسرعة يا عمر.
امتثل عمر لأوامره وقام بفتح الباب الخلفي للسيارة، فوضع مراد لمار وجلس إلى جوارها قائلاً:
– يلا بينا بسرعة، اطلع بسرعة يا سليم على الفيلا بتاعتي.
انطلق سليم بالسيارة مسرعاً كما أخبره مراد.
عمر: إنت واعي للي بتعمله دة؟ دي عملية خطف يا حضرة الظابط!
مراد: عمر، اسكت الله يخليك مش ناقصة هي.
سليم: طيب ممكن نعرف هتعمل بيها إيه دي؟
مراد: بعدين.. بعدين..
تأفف كل من سليم وعمر من تصرفاته، وتابع اثنان القيادة بصمت.
في شقة ممدوح، كانت ورد تحتضن جسدها بخوف، وعندما لم تسمع أي صوت بالخارج قالت ببعض الراحة:
– الحمد لله، خالي مش هنا، وأنا جعانة أوي وفرصة مرات خالي مش هنا، أنا هروح أحشي لي ساندوتش جبنة بسرعة وأجي هنا علطول.
فتحت الباب بخوف ولكنها لم تجد أحداً، فذهبت مسرعة إلى المطبخ.
إليك النص بعد تنقيته من الألفاظ والعبارات غير اللائقة، مع الحفاظ الكامل على السياق الدرامي والأحداث:
في شقة أم عاطف، شعرت منيرة بالدوار يداهمها فتوجهت لابنتها تخبرها قبل أن تصعد، فقالت لها وهي تضع يديها على رأسها:
– سميحة، أنا طالعة فوق أريح شوية كدة وإبقى تعالي.
سألتها بقلق شديد: ليه يا أما؟ مالك؟ فيكي إيه؟
هتفت بتعب: مش عارفة، دماغي بتلف بيا، أنا هروح أستأذن من أم عاطف وبعدين هروح.
أمسكت بيد والدتها تقول: طيب استنى، هطلع معاكي.
أعترضت منيرة قائلة: لا خليكي إنتي، انبسطي مع البنات وبعدين إطلعى.
– ماشي يا أما، سلامتك.
بالأعلى، أخذت تتلوى وتصرخ برعب وهو يكبل حركتها بذراعيه، فأخذت تترجاه ببكاء قائلة:
– لا، لا يا خالي! والنبي لا يا خالي، سيبني!
ممدوح بترنح بفعل المخدرات، ولكنه محكم بقبضته عليها:
– أسيبك؟! هههههه ضحكتيني، دة إنت بتحلمي…
سار بها ناحية غرفتها ودلف إلى الداخل وقذفها على تلك الأرضية الصلبة.
أخذت تزحف للخلف بخوف شديد وهي تبكي قائلة: حرام عليك يا خالي، حرام…
ممدوح وهو يشرع في خلع ملابسه وينظر لها بنظرات شهوانية:
– صرخي زي ما إنتي عاوزة، محدش هينجدك مني!
نظرت للباب ونظرت له، ثم وقفت واندفعت نحو الباب بسرعة وجرت ناحية المطبخ وأحضرت السكين.
دلف ممدوح خلفها قائلا: سيبي اللي في إيدك دي وتعالي بالذوق.
أشهرت السكين في وجهه قائلة ببكاء:
– لو.. لو قربت لي هموتك!
هتف بسخرية: هههههه هتموتيني؟! دة إنت اللي هتموتي!
هجم عليها وكبل يديها وحاول سحب السكينة منها، إلا إنها قامت بغرزها في يده فتركها صارخاً بألم. أما هي نظرت لذلك الجرح الذي ينزف بصدمة، ولكنها سرعان ما توجهت لغرفتها وأغلقت الباب بالمفتاح وجلست خلفه وهي تبكي وتشهق بعنف.
عند ممدوح، مسك يده التي تنزف بألم قائلا:
– آه يا بنت الـ… طيب والله لأشرب من دمك! آااه الله يخرب بيتك، كانت هتجيب أجلي!
جاءت منيرة ودلفت إلى الداخل فلم تجد أحداً، فأخذت تنادي باسم زوجها.
ممدوح بتأفف لفشل خطته: أوف، ودي إيه اللي جابها دلوقت؟ دة إيه الفقر دة؟!
– أيوا، أنا هنا في المطبخ يا منيرة.
دلفت إلى المطبخ، وما إن رأت يده حتى أطلقت صرخة عالية قائلة:
– يا لهوى! إيه اللي عمل في إيدك كدة؟
أشاح بصره عنها وهتف بكذب:
– كنت جعان قلت أعمل أي حاجة، فوأنا بقطع الطماطم عورت نفسي بالشكل دة.
قوست شفاهها قائلة بسخرية:
– وما قولتش للسفيرة عزيزة بنت أختك ليه؟ أهو تعمل بصنعتها.
إرتعشت يداه فور ذكرها فقال بتوتر:
– أهو اللي حصل بقى، أنا نازل هروح أي صيدلية أجيب دوا وشاش للجرح دة.
خرجت من المطبخ وهي توجهت إلى غرفة ورد قائلة:
– وأنا هصحيلك مقصوفة الرقبة تجهزلك عشا.
خرج خلفها بسرعة قائلا:
– لا، لا ملوش لزوم، خلاص هاكل تحت عند المعلم سطوحي.. ألا بالحق هو إنت رجعتي بدري ليه؟ قصدي يعني سايبة سميحة لوحدها؟
تذكرت صداعها فقالت:
– أصلى راسي لفت قلت أجى أريح هنا، وسميحة شوية وجاية.
ممدوح بغيظ: طيب أنا نازل ومش هتاخر.
خرج ممدوح، وذهبت منيرة بعدها لغرفتها كي تنال قسطاً من الراحة.
أما ورد التي لازالت على موضعها، أخذت تتمتم:
– أنا عاوزة أمشي، مش عاوزة أقعد هنا، يارب خلى سليم يلاقيني بسرعة والنبي يا رب.. أنا خايفة أوي هنا.. آااه يا بابا! سبتني ليه ومشيت إنت وماما؟ تعالوا خدوني معاك والنبي.. يا رب أموت.. يا رب أموت…
أخذت تكرر هذه الكلمات حتى غفت مكانها.
أمام فيلا مراد، وقفت السيارة التي تقل مراد وسليم وعمر ولمار الغائبة عن الوعي.
تساءل مراد متعجبا: وقفت ليه برة يا سليم؟ ما تدخل!
رد بغيظ وهو يضغط على فكه: والمصيبة اللي معاك دي هتعمل فيها إيه لما يشوفوك؟ هتقلهم إيه؟
هتف ببرود دون أن يعي الآثار المترتبة على ذلك: ولا حاجة، إنت هتدخل دلوقت وأنا هدخل بيها من الباب اللي ورا لأوضتي علطول، إنت وعمر هتدخلوا جوة عادي لحد ما أنزل.
تدخل عمر قائلا: دة على أساس إنهم مش هيشوفوها ولا إيه؟ إنت ناوي تعمل مع البنت دي إيه؟
نظر لها بكره: كل خير إن شاء الله يا عمر.
صاح سليم بتهكم فهو يعلم صديقه جيداً: يا خوفى منك إنت يا بدران! الله يرحمها، كانت طيبة ولا شريرة؟
رد ببرود: خفة.. إخلص انزل اعمل اللي قلتلكم عليه.
دلف سليم بالسيارة إلى الداخل وبعد ذلك صفها.
نزل مراد ونظر للقابعة أمامه بكره شديد، زفر بضيق ثم بعد ذلك قام بحملها ودلف إلى داخل الفيلا من الباب الخلفي صاعداً بها إلى غرفته.
وصل بها إلى غرفته وأحتار أين يضعها، فنظر إلى الأريكة وقام بإسنادها ببعض القوة على الأريكة، ثم تركها وأغلق الباب بإحكام من الخارج ونزل إلى الأسفل.
بالأسفل، كان سليم وعمر يجلسان مع معتز وفريد.
هتف فريد بغرابة: أومال فين مراد؟ مجاش معاكوا ليه؟
رد سليم بأدب: لا يا عمى، هو جه وطلع فوق ونازل دلوقت، أصله راح يودى ملف مهم أوي في القضية خاف عليه ليضيع.
نظر عمر ناحية السلم فوجده ينزل، فهتف: أهو جه أهو..
غمز عمر لمراد قائلا: وديت الملف يا مراد؟
نظر له مراد باستغراب، وما لبث أن أدرك فقال:
– اه أيوة، حطيته في الخزنة وجيت.
عمر بصوت منخفض: ودي هتقضيها الخزنة؟!
وكزه سليم قائلا بنفس الخفوت: إخرس الله يخرب بيتك، هتودينا في داهية!
معتز: مجتش ليه يا مراد الإفتتاح؟
مراد وهو يدلك رقبته: معلش يا معتز مكنتش فاضي، ها إيه الأخبار؟
هتف فريد بود: كله تمام يا إبنى.. ناقص وجودك بس.
رد بإمتنان: البركة فيك يا عمى إنت ومعتز.. أومال فين ماما والجموع؟
– جوة بيشوفوا الأكل، كويس إنكم جيتوا علشان نتعشى مع بعض.
لمعت عينا عمر عند ذكره للطعام فقال:
– اه والله يا عمى، أنا جعان موت..
ضحك الجميع عليه.
بعد بعض الوقت، كان الجميع يتناولون وجبة العشاء في جو من الألفة.
بالأعلى، رمشت لمار قبل أن تفتح عينيها، وما إن فتحت عينيها نظرت لسقف الغرفة باستغراب، وما لبثت أن تذكرت فهبت جالسة تنظر حولها بخوف:
– إيه المكان دة؟ أنا فين؟ والظابط اللي كان في الشقة راح فين؟
ثم قالت بدموع: هو… هو هعمل إيه؟ يا رب إستر أنا مليش غيرك، خليك معايا والنبي.
ذهبت ناحية الباب وحاولت فتحه ولكنه كان مغلقاً، زفرت بضيق قائلة:
– وكمان قافل عليا الباب…
راحت تتأمل تلك الغرفة الجميلة بجدرانها الرمادية وأثاثها العصري الأنيق.
جلست على الأريكة ولفت يديها حول نفسها آخذة وضع الحماية وأخذت تتطلع للمكان بشرود.
في فيلا حامد الداغر، عاد مصطفى وحامد من العمل.
نظرت لهم صفاء فلم تجد سليم، فتساءلت: أومال فين سليم؟ مجاش معاكوا ليه؟
رد مصطفى: سليم مع صحابه يا ماما.
– أومال فين سليم الصغير وأخباره إيه دلوقت؟
نظرت له بسخرية ثم هتفت:
– لا فيك الخير، لسة بتسأل عنه دلوقت؟ على العموم هو كويس ومامته بتنيمه.
إبتلع مصطفى سخريتها وقال:
– ماشي أنا طالع أغير هدومي على ما العشا يجهز.
هتف حامد وهو يصعد درجات السلم:
– وأنا كمان طالع دلوقت، الواحد هلكان من الشغل النهاردة.
هتفت بنبرة حانية: سلامتك ألف سلامة يا حج، إطلع غير هدومك علشان تتعشى وبعدين تريح براحتك.
في غرفة مصطفى، يدلف ويجد ندى تضع سليم في سريره الصغير.
مصطفى بصوت منخفض وهو يضع يده على جبين ابنه: عامل إيه سليم؟
أجابته باقتضاب: كويس الحمد لله، أديناه الحقنة من شوية وقعد يعيط لحد ما نام.
تنهد بإرتياح قائلا: طيب كويس.
تخطاها ووضع متعلقاته ودلف إلى الحمام، أما هي جلست بإهمال والحزن يكسو وجهها.
بعد دقائق خرج من الحمام على رنين هاتفه، فمسكه وما إن رأى المتصل أشرق وجهه! فاستغربت ندى ذلك.
ثم أجاب مصطفى: أهلا وسهلا يا هايدي، إيه الغيبة الطويلة دي؟
– أبدا، بستجم يا روحي، وعاملين إيه الجموع عندك؟
– كله تمام والله، ها هتيجي إمتى؟
– يومين تلاتة كدة بالكتير، هستناك تيجي تاخدني من المطار.
– أكيد ماشي، سلميلي على طنط سميرة وعمي حسن.
– يوصل، وإنت كمان سلم لي عليهم وبوسلي سليم الصغير، يلا سلام.
– سلام…
