في شركة حامد الداغر، دلف شريكه ماجد وجلس على الأريكة إلى جواره بعد السلامات والترحيبات.
حامد: المكتب منور يا ماجد.
ماجد: منور بأهله يا حامد، ها إيه أخبار الشغل؟
حامد: عال العال، والانتخابات اللي داخل فيها دي واخدة كل وقتي وتفكيري.
ماجد: متقلقش أنا مكلملك أفضل شركة للدعاية بتاعتك، أما الناس اللي هتنتخبك دي برضه سيبهالي أنا.
حامد: مش عارف أشكرك إزاي.
ماجد: ولا شكر ولا حاجة إحنا أهل ولا إيه؟
ماجد: خد بقى عاوز إمضتك على البضاعة دي علشان أخلي الرجالة تستلمها من الميناء.
حامد وهو يمضي على الأوراق: ماشي يا سيدي إتفضل، بس مكانش ليه لزوم تتعب نفسك كنت جيبت أي حد بالورق.
ماجد: لا ما أنا كنت عاوز أشوفك ليا مدة مشفتكش فيها، قولت أجي أشوفك.
حامد: فيك الخير والله.
ماجد: دلوقتي هقولك على الخطة بحكم خبرتي اللي لازم تمشي عليها علشان تضمن نجاحك في الانتخابات.
حامد: ماشي قول أنا سامعك…
في شقة ممدوح، في غرفة سميحة، تجلس معها ورد تحفظها القرآن.
ورد: ها كدة حفظتها صح؟
سميحة: أيوة صح، شطورة يا ورد هجيبلك شيكولاتة، إبسطي يا ستي.
ورد بفرح: بجد ربنا يخليكي يا سميحة.
سميحة: ويخليكي ليا يا بنت عمتي.
ورد: هتحفظيني السورة اللي جاية إمتى علشان أعمل حسابي؟
سميحة: خليها على أول الأسبوع يا حبيبي.
ورد: ماشي يا سمسم.
دلفت زوجة خالها تنظر لها باستحقار:
– إنتي قاعدة عندك بتعملي إيه؟
وقفت ورد وهي تنظر للأرض بخوف:
– ها.. أصل.. أصل خلصت شغلي كله والله يا مرات خالي.
منيرة: طيب غوري في أوضتك، لا تبوظي البت عاوزاها تجيب تقدير.
ورد بحزن: حاضر يا مرات خالي.
ذهبت ورد لغرفتها تفرغ حزنها هناك.
منيرة: ذاكري دلوقتي يا سميحة علشان بالليل شبكة شروق بنت أم عاطف جارنا.
سميحة: حاضر يا أما، بس هناخد ورد معانا؟
منيرة: ورد مين؟ دي هتتلقح هنا لحد ما نجي، أنا طالعة من هنا بدل ما تعليلي الضغط.
إليك النص بعد مراجعة الأجزاء وتنقيتها من أي عبارات أو تلميحات غير لائقة، مع الحفاظ الكامل على السياق الدرامي وأحداث القصة:
خرجت منيرة ودلفت إلى غرفتها ووجدت ممدوح أمامه رزمة من النقود يقوم بعدها.
منيرة بفرح: إش إش، إيه الفلوس دي كلها يا ممدوح؟ شكلهم راضين عنك خالص اليومين دول.
ممدوح: وميرضوش عني ليه؟ دة أنا بعملهم كل اللي بيطلبوه.
منيرة: طيب يا أخويا، كنت عاوزة أفاتحك في موضوع كدة.
ممدوح: موضوع إيه دة يا منيرة؟
منيرة: الزفتة بنت أختك اللي متلقحة عندنا.. ما دورتش على أهلها؟
ممدوح: ما أهل البت دي ناس أغنياء أوي ومن عيلة كبيرة في مصر بس مش معترفين بيها أصلا.. أصل جد البت دي كان شديد وبيميز بين الغني والفقير، فأتبرى من ابنه لما عرف إنه ماشي مع أمها.. فساب الراجل العز والهنا علشانها، وعاشوا مع بعض لحد ما خلفوها، وبعدين ماتوا في الحادثة زي ما إنتي عارفة.
منيرة: يعني اللي جابلك البت دي مكانش وداها عندهم وخخلصنا؟ هى ناقصة هم؟
ممدوح: متقلقيش، هتروح لأهلها بس مش بلوشي كدة ولله وللوطن.
منيرة: أومال بإيه؟ نورني يا أخويا.
ممدوح: كله بأوانه يا منيرة، استني وانتي هتعرفي.
ثم تمتم بصوت منخفض: ودة طبعا مش قبل ما أخد اللي أنا عاوزه، والنهارده فرصة من دهب.. وهتقعي تحت إيدي يا ورد، وشوفي مين هينجدك مني!
منيرة: بتقول حاجة يا منيرة؟ (قاصدة ممدوح)
ممدوح بإنتباه: لا لا ما بقولش، أنا نازل أشوف الرجالة تحت.
تركها ورحل، فقالت منيرة: والله وهنخلص منك ومن همك يا بت نسمة، وهنستفيد من وراكي كتير.
في قسم الشرطة، يخرج مراد برفقة عمر ويذهبان إلى سيارة سليم الذي كان بانتظارهم مستنداً عليها.
عمر وهو يعانقه: أبو السواليم، حبيب قلبي…
سليم: بطل ياض الكلمة دي، بيئة أوي.
عمر: اسم الله عليك يا تربية الشانزليزيه.
سليم وهو يسلم على مراد: والنبي قوله حاجة يا مراد بدل ما أفرمهولك هنا.
عمر: متقدرش، إنت واقف في حتتنا، وأي غدر منك هيجبوك من قفاك زي الحرامية.
سليم وهو يلكمه في وجهه بقوة: أديني في حتتكم أهو، وريني هتعمل إيه!
عمر متألما: آااه، يخرب بيتك يا سليم…
مراد: بس إنتو الاتنين وخلينا نمشي.
سليم: يلا بينا.
صعدوا إلى السيارة ثم انطلقوا إلى منزل عواطف.
في منزل لمار ليلا…
الفتاة: واو بجد إنتي تحفة، وتصميمك تحفة دة زي الجاهز بالضبط، تسلم إيدك يا لمار.
لمار: ربنا يخليكي، دة بس من ذوقك يا هدير.
هدير: لا بقى، دا أنا هجيب صحباتي هنا، دة أنا لما هوريهم الفستان بتاعى هيتهبلوا عليه.
لمار: ياااه مش للدرجة دي يعني، ماشي يا حبيبتي هستناهم.
هدير وهي تناولها النقود: طيب خدى الحساب لازم أمشي دلوقتي.
لمار: خليكي يا حبيبتي شوية.
هدير: لا لازم أمشي، ماما تقلق عليا.
لمار: ماشي يا هدير أشوفك بعدين، سلميلي على ماما.
هدير: ماشي يوصل يا لمورة.. سلام.
لمار: سلام…
أغلقت لمار الباب وجلست على الكرسي تنظر للمكان ببعض الخوف.
لمار: يوووه بطلي هبل يا لمار، مفيش حاجة تخوف، إنتي بس متهيألك مفيش عفاريت.. أنا أهو منورة الشقة كلها ومش هيحصل حاجة، أنا هروح أصلي العشا وأنام علطول.
قالت ذلك ثم دلفت إلى الحمام وتوضأت، ثم خرجت وفرشت المصلية ثم شرعت في الصلاة بخشوع، وبعد أن انتهت من صلاتها أخذت تتلو ما تيسر من آيات الذكر الحكيم.
وبعد أن انتهت دلفت لغرفة نومها وخلعت حجابها وتمددت على السرير وأندست في الغطاء، ثم أخذت تقرأ أذكارها، وما إن انتهت أخذت تسرح بخيالها في حياتها في الماضي وما هي عليه الآن.
في شقة ممدوح…
منيرة: يلا يا سميحة علشان نمشي بلاش لكاعة.
سميحة: حاضر يا أما حاضر.
تقدمت ورد من منيرة بخوف قائلة:
– أاا.. مرات خالي، ممكن.. ممكن أروح معاكي؟ خديني معاكي والنبي.
منيرة: نعم يا روح أمك! بت إنتي مش ناقصالك على المسا.
ورد بخوف: خديني وهقعد في الأوضة بس ومش هطلع إلا لما الشبكة تخلص، وممكن كمان أخدم هناك في المطبخ أعمل أي حاجة، بس بلاش تسيبيني هنا لوحدي.
منيرة: ليه، العفريت هياكلك يا أختي؟ أنا قلتها كلمة ومش هكررها، غوري إترزعي في أوضتك.
ورد بقلة حيلة: حاضر يا مرات خالي، حاضر.
توجهت إلى غرفتها وأغلقت الباب بالمفتاح، ثم جلست خلف الباب وهي تبكي بخوف من أن يأتي خالها مستغلا غياب زوجته وابنته وينفذ تهديده.
ورد بدموع: أنا أهو قفلت الباب ومش هفتحه لحد ما سميحة ومرات خالي تيجي.
في الأسفل، خارج الشقة تماما في الشارع وتحديدا على القهوة، يجلس ممدوح وهو يشرب…
سطوحي: إيه يا عم، شايفك مبسوط النهاردة ولا دة مفعول الحشيش؟
ممدوح: لا أصل النهاردة هحقق هدفي اللي من زمان وأنا عاوز أعمله.
سطوحي: هدف إيه دة؟
ممدوح: إني أجيب مجموع الطب يا خفيف.
سطوحي: إيه دة هو الحشيش اشتغل؟ اشرب يا أخويا اشرب.
وصل سليم والبقية إلى وجهتهم، دلفوا في الحي الذي تقطن فيه عواطف، وركنوا السيارة ونزلوا منها في طريقهم لبيتها.
أخذ الجميع يتطلع إليهم بإنبهار فهم عادة لا يرون مثل هؤلاء.
وصلوا أخيرا أمام المنزل.
سليم: مراد، قبل ما ندخل بلاش تهور ماشي؟
مراد ببرود: ربك يسهل.
عمر: خبط.. خبط يا سليم وربنا يستر.
طرق سليم الباب، وبعد ثوان معدودة أتاه الرد من الداخل.
عواطف: أيوا يا اللي بتخبط، أديني جاية.
ذهبت وفتحت الباب وصدمت مما رأت.
مراد بغضب مكتوم: دي شقة عواطف حسين؟
عواطف بتوتر: أاا.. أيوا.. أيواا يا بيه، خير في حاجة؟
تخطاها مراد ودلف إلى الداخل وأتبعه سليم وعمر.
عواطف: يا بيه إنتوا مين وعاوزين إيه؟ ماينفعش تدخلوا هنا أنا لوحدي وما يصحش.
ذهب مراد ناحية الباب وأغلقه، فدب الخوف بداخلها.
مراد بهدوء مميت: إقعدي، هما كلمتين ورد غطاهم.
عواطف: حاضر يا باشا، تحت أمرك.
مراد: فين عابدين ومحسن؟
عواطف: عابدين ومحسن؟!
مراد: اه عابدين ومحسن، ها هما فين بقى؟
عواطف: ممم.. ما أعرفش يا بيه، وبتسألوا عنهم ليه؟
مراد بصياح غاضب: نعم يا روح أمك! بقولك إيه، لو منطقتيش بالذوق وقلت هما فين مهخليش الشمس تطلع عليكي.
عمر متدخلا: إهدى يا مراد مش كدة.. بصي يا ست إنتي إحنا بوليس فأحسنلك كدة تقري وتعرّفي مكان جوزك وابنك.
عواطف بخوف: والله يا بيه ما أعرف مكانهم صدقني.
مراد ممسكاً إياها من رقبتها: لا ما إنتي هتعترفي يعني هتعترفي، إنطقي هما فين؟
تدخل سليم وعمر وأبعدا مراد عن عواطف التي سعلت بقوة.
مراد: أوعى يا سليم خليني أموتها.. ها هتقولي ولا؟
عواطف بخوف (كح كح): أاا خلاص يا باشا هقول.
مراد: إفضلي أنا سامعك أهو.
عواطف بخبث ودموع تماسيح: ابني مالوش ذنب يا بيه صدقني، أبوه هو اللي غواه وخلاه يمشي في الطريق دي.
مراد: إنتي هتحكيلي تاريخ حياتكم الوسخ دة؟ إخلصي إنطقي!
عواطف مواصلة كذبها: أنا مليش علاقة بعابدين يا بيه، دا أنا حتى لما عرفت اللي عمله بقيت عايشة لوحدها هنا وهو كان ساكن مع بنته يا بيه، وضحك على ابني الغلبان ووقعوه في شر أعماله هو واللي ما تتسمى بنته!
مراد بإستغراب: بنته؟ هو معاه بنت؟!
عواطف: أيوا يا بيه، بنت.. وهى متورطة في كل صغيرة وكبيرة يا بيه مع أبوها، وعاملة نفسها شيخة يا بيه وقال إيه معاها مكنة قماش وبتخيط عليها علشان تداري اللي بتعمله، ولو مش مصدقني يا بيه أنا روحتلها من فترة علشان أطمن عليها ودخلت جوة أوضة نومها أريحلي شوية وكنت بنفض السرير من التراب، وبالصدفة أنا وبشيل المرتبة إتفاجئت بالسم الهاري دة يا بيه اللي بيموتوا بيه الشباب.. ضحكوا على ابني يا بيه وخلوه يدمن المخدرات، أنا عاوزة حق ابني منها ابني مظلوم يا بيه مظلوم ابني ما قتلش دة عابدين هو اللي قتل!
مراد: عنوانها فين؟!
عواطف: ها.. أااا..
مراد بغضب: إخلصي بقولك عنوانها فين؟
عواطف: حاضر يا بيه عنوانها…
ركض مراد إلى الأسفل فور سماعه العنوان ولحقه سليم، أما عمر توجه إليها قائلا بتهديد:
– متتطمنيش أوي كدة لأنك خلاص بقيتي تحت إيدنا وهنجيبك وين ما كنتي.
قال ذلك ثم غادر خلف رفاقه.
عواطف بعدما غادروا: يا مصيبتك الثقيلة يا عواطف، يا مصيبتك، هعمل إيه دلوقت؟
ثم أكملت بحقد: بس أحسن حاجة عملتها إني جبت راجل اللي ما تتسمى في الموضوع، وتبقى توريني ستنا الشيخة هتعمل إيه! بس أنا لازم أتصرف دلوقت.. آه، لقيتها.
يقود السيارة بغضب عاصف يريد الوصول إليها بسرعة البرق، وبالخلف كان سليم وعمر يلتزمان الصمت.
بعد عدة دقائق، وصل مراد بالسيارة وصفها تحت مسكن لمار.
فاجأهم مراد حينما قال: أنا هطلع لوحدي وانتوا استنوا هنا.
سليم: نعم! لا طبعا هنيجي معاك.
مراد: سليم، مش عاوز أكرر كلامي، عشر دقائق لو إتأخرت عنهم أبقى اطلعوا.
عمر: ماشي يا مراد تمام، هما عشر دقايق بس.
