في شركة حامد الداغر، في مكتب سليم القابع على مكتبه ينكب على مجموعة من الأوراق يراجعها. رفع رأسه حينما دلفت ميس إلى المكتب. سليم ببرود: ممكن أعرف جاية ليه هنا؟ دة مكان شغل. ميس: إخس عليك يا سليم، بقى دي المقابلة اللي تقابلها لخطيبتك برضه؟ سليم: ميس، ما تلفيش كتير، أظن إنك عارفاني كويس أوي وعارفة كمان إني ما بحبش حد يقاطعني وأنا بشتغل. ميس: طيب هنتقابل النهاردة ولا إيه؟ سليم: لما أشوف هخلص شغل وهقولك. ميس: لا ماليش دعوة، علشان خاطري يا سليم وافق وأوعدك إنك مش هتندم صدقني. سليم: وأنا قلت هخلص شغل وأشوف مواعيدي وأرد عليكي. ميس بغيظ: ماشي يا سليم هسيبك تخلص شغل وأنا همشي أروح لأصدقائي. مالت عليه ثم اعتذرت قائلة: تشاو، أشوفك بعدين يا بيبي. قالت ذلك ثم غادرت المكان، وعاد سليم يتابع عمله، فهو كوالده وافق عندما أخبره أنه سيستفاد من والدها في العمل وسيقدم له الكثير من الخدمات، فالزواج منها سيحقق كل ذلك وهو لا يمانع أبدا في إرضاء رغباته ووالده معا.
ليلا في فيلا فريد المنشاوي، وبالتحديد في غرفة زينة الواقفة بتأفف أمام والدتها. فاطمة: أعمل فيكي إيه ها؟ أعمل إيه؟ زينة: يوووه يا ماما، عادى بقى الله. فاطمة بغضب: خارجة من الصبح وقولتي إنك هترجعي بدري، فين بدري دة يا هانم ها؟ ما تردي! زينة: يا ماما هو أنا جيتلك نص الليل؟ دي الساعة سبعة. فاطمة: ولما تغيبي من ثمانية لسبعة ومترديش على تليفوناتي تسمى دة إيه؟ أنا داريت عليكي المرة دي قدام بابوك وأخوك، المرة الجاية مش هتحمل تصرفاتك إنتي فاهمة؟ زينة: مفهوم يا مامي مفهوم. فاطمة: إياكي تعوديها بعوايدك تاني، اتفضلي روحي غيري هدومك علشان تتعشى. زينة: ومراد جه ولا لسه؟ فاطمة: لا يا أختي لسه ما جاش، بدل ما إنتي بتتمشي من هنا وهناك، إعمليلك حاجة يا أختي إتحركي بدل ما واحدة تخطفه منك. زينة بشر: يبقى حفرت قبرها بإيديها اللي هتقربلو، يا ويلها ويا سواد ليلها. فاطمة: أما نشوف، يلا يا حبيبتي دلوقتى أنا هروح أنزل للجماعة المستنيين تحت دول وإبقى حصليني. زينة: ماشي يا بطة يا جميل إنت.
في أحد المناطق البعيدة عن الأعين يجلس محسن وإلى جواره والده. محسن: وبعدين يا أبا، هنفضل مدارين كدة زي الحريم لحد إمتى؟ عابدين: لحد ما العين تخف من علينا يا خفيف ولا إنت عاوز تتسجن؟ إنت ناسي عملتك؟ محسن لا يا أبا مش ناسى، وبعدين دى كانت أوامر الريس الكبير علشان الظابط اللي ما يتسمى يخف علينا. عابدين: خلينا هنا إحنا في أمان لحد ما يقولنا الريس هيعمل إيه. محسن: طيب وشغلنا يا أبا وحالنا اللي هيتعطل دة؟ عابدين: متقلقش أمك هتعمل المطلوب، أنا بعتلها بلية وقولتله يخليها تروح تجيب الأمانة اللي عند البت لمار علشان تتصرف فيها وهتجبلنا الفلوس. محسن: وانت مش لافي غير الزفتة دي تودي الحاجات دي عندها؟ عابدين: يا غبي علشان محدش يعرف عنها حاجة، وأنا أصلا خفيتها عندها من غير ما تعرف. محسن: ماشي يا أبا، بس أنا البت دي مش مرتاح لها، دي راسمة دور الشيخة وعايشة على معاش أمها ورافضة تاخد أي فلوس مننا، بكون عاوز أخلص منها ونرتاح. عابدين: سيبها أهي نفعانا أحسن من بلاش، ومتخافش متقدرش تتكلم لأنها عارفة كويس أنا هعمل فيها إيه. محسن: ماشي يا أبا لما نشوف. عابدين: طيب قوم أعملنا حاجة ناكلها. محسن: ماشي يا أبا رايح أهو. في شقة ممدوح كانت ورد تقوم بتجهيز الطعام لهم وأثناء سكبها للطعام في الأطباق…
سميحة وهي تخلص ورد من يد والدها: حرام عليك يا أبا، سيب البت هتموت في إيدك.
ممدوح بغضب: حرمت عليها عشتها، الهانم كبت الأكل اللي هنتعشى بيه.
سميحة: خلاص مش مشكلة يا أبا نعمل غيره.
ممدوح بغضب: ليه، قاعدة في تكية أبوها هنا؟ في ظرف نص ساعة لو ما عملش الأكل يبقى قولي على نفسك يا رحمن يا رحيم.
ورد بخوف: حاضـر يا خالي.. حاضر هعمل غيره.
انصرف ممدوح وجلس زافراً بغضب وضيقه.
بالداخل شدت منيرة شعر ورد من خلف حجابها فبكت الأخرى متألمة.
منيرة بصياح: بقى بتكبي الأكل؟ طيب عقاباً ليكي مفيش عشا النهاردة كمان، ووريني هتعملي إيه! يلا إخلصي غوري اعملي أكل غير اللي كبتيه دة. وانتي يا سميحة إطلعي بره، هي هتعمل الأكل كله لوحدها تاني، ملمحش ضلك هنا يلا قدامي.
سميحة: يا أما بس…
منيرة بصياح: إخلصي امشي روحي شوفي مذاكرتك، إخلصي.
سميحة بقلة حيلة وهي تنظر بإشفاق لورد: حاضر يا أما حاضر…
ذهبت سميحة لغرفتها لتتابع مذاكرتها، وخرجت منيرة من المطبخ بعد أن ألقت نظرة استحقار لورد.
أما تلك المسكينة فكانت تعيد طهي الطعام لهم بعجل وهي تبكى وتشهق بعنف على حالها.
وبعد ساعة كانت الطاولة قد أعدت بالطعام، فجلسوا يتناولون الطعام وسط غيابها فها هي قد حرمت من وجبة العشاء كالعادة.
وكان ممدوح يريد أن يدخل لها الطعام ولكنه توقف عن تلك الفكرة حتى لا يثير شكوك زوجته.
بالداخل انتهت ورد من صلاة العشاء وسط بكائها وتضرعها إلى الله بأن يصبرها على ذلك الابتلاء.
جلست أرضاً على فراشها وسحبت المجلة من تحت الوسادة وأخذت تتطلع إليها كعادتها.
ورد من بين بكائها أخذت تشكو إليه حالها وكأنه معها يسمعها ويراها:
– سليم أنا خايفة أوي.. خالي عاوز… إلحقني منه والنبي يا سليم، يا رب تجيلي وتريحني من العذاب دة.. يا رب صبرني على ما ابتليتني يا رب.
بعد بعض الوقت قامت ورد واتجهت ناحية الباب وقامت بغلقه كالعادة بالمفتاح ثم اتجهت ناحية الفراش وتمددت عليه بتعب، وفجأة أصدرت معدتها أصواتاً دلالة على الجوع.
ورد بتذمر وهي تضع يدها على بطنها تقول بطفولية:
– وبعدين معاكي جعانة يا ستى؟ طيب استنى، هنام دلوقتي وهناكل مع بعض ولا تزعلي.. يلا تصبحى على خير.
وبعد دقائق ذهبت ورد في سبات عميق.
بعد منتصف الليل تسلل خالها من جانب منيرة وذهب خارج الغرفة وتوجه ناحية غرفة ورد ومسك بمقبض الباب ليفتحه فوجده مغلقاً كالعادة.
ممدوح بغيظ: برضه قافلاه.. ماشي هتروحي مني فين؟
قال ذلك ثم عاد إلى غرفته يجر أذيال الخيبة.
أما بالداخل كانت تلك البريئة تبتسم أثناء نومها فهي كعادتها تحلم بمعشوقها كل ليلة وتبتسم ابتسامة سرقها منها الزمن.
في صباح اليوم التالي في قسم الشرطة، بينما كان مراد يراجع بعض القضايا دلف عمر قائلا:
– إبسط يا عم، لقينا مكان مرات عابدين.
هب واقفا ينظر إلى عمر بصدمة ممزوجة ببعض السعادة.
مراد: بتقول إيه يا عمر؟ عيد اللي قلته تاني كدة.
عمر بضحك: إيه يا عم مالك ودانك تقلت ولا إيه؟ بقولك الرجالة بتوعنا اللي كلفناهم بمهمة البحث عنها لقوها.
مراد بجدية: الحمد لله يا رب، أخيراً حق أبويا هيرجع.
عمر: هتعمل إيه؟ لازم يكون عندك إذن بالتفتيش.
مراد: أنا لا هعمل إذن بتفتيش ولا يحزنون.
عمر: أومال هتعمل إيه يا نبيه عصرك؟
مراد: هتشوف، أديني قاعد بقالي 6 شهور مش عارف أخد حق أبويا. المهم، هي عايشة لوحدها ولا حد معاها ولادها مثلاً؟
عمر: لا إطمن، عايشة لوحدها، هي أصلا مش معاها غير ابن واحد بس.
مراد بغل: يقع في إيدي بس! المهم دلوقتي، بعد ما أخلص شغلي هنا علشان ما لفتش الانتباه…
عمر: ماشي يا صاحبي بس أنا هاجي معاك.
مراد: لا متجيش يا عمر، أنا هروح لوحدي.
عمر: بقولك إيه، يا إما أروح معاك يا إما أروح أقول للواء.
مراد بغضب: نعم! عمر إتعدل معايا لأعدلك.
عمر: ولزمتها إيه بس الغلط يا صاحبي؟
مراد متداركاً نفسه: أنا آسف يا عمر، إتعصبت ومخدتش بالي.
عمر: أنا مش زعلان منك يا مراد، وعلشان عصبيتك وتهورك دة لازم أروح معاك، ها قلت إيه؟
مراد باستسلام: قلت لا إله إلا الله، ماشي يا عمر روح معايا. يا سلام عليك إنت وسليم لما ترخموا بتبقوا حاجة لا تطاق.
عمر بضحك: هههههه ماشي مقبولة منك يا صاحبي.
مراد: طيب يلا يا أخويا على مكتبك مش عاوزين حد يشك في حاجة، أنا الود ودي أروح دلوقتى بس نصبر وماله الصبر حلو بردو.
عمر: ماشي يا ميرو يلا سلام.
مراد: امشي يا عمر امشي بدل ما أجي أفش خلقي فيك.
عمر: وعلى إيه الطيب أحسن، أشوفك بعدين يا صاحبي.
إليك النص بعد مراجعة الأجزاء وتنقيحتها من أي عبارات أو ألقاب غير لائقة، مع الحفاظ التام على تسلسل الأحدث والجانب الدرامي للقصة:
خرج عمر من المكتب فتنهد مراد قائلا:
– أخيرا يا بابا همسك أول خيط في القضية، وهاخد بحقك يا حبيبي.
قال ذلك وشرد في تلك الذكرى المشؤومة:
Flash Back
منذ ستة أشهر، كان مراد خارجاً هو ووالده من الشركة، وعند وصولهم إلى السيارة قام أحد القناصة بإطلاق النار على والده فوقع أرضاً في الحال.
أما هو فنظر بصدمة لوالده الجاثي أرضاً، وبسرعة توجه إليه وأسنده من الخلف قائلا بدموع:
– بابا.. بابا قوم.. قوم يا حبيبي.. متسبناش يا بابا أرجوك.. يا ناس حد يجيب إسعاف.. بابا خليك معايا والنبي، متقفلش عينك.
محمد بأنفاس متقطعة: خلى بالك من أمك وأختك…
مراد: لا لا إسكت، متتكلمش.. يا رب..
بعد عدة دقائق وصلت الإسعاف وتم نقله إلى المشفى ومن ثم إلى غرفة العمليات.
جاءت والدته تركض في الطرقة برفقة تسنيم والبقية بعد أن أخبرهم فريد بذلك الخبر.
أمينة ببكاء: أبوك جراله إيه يا مراد؟ رد عليا.
فريد: إهدى يا أمينة مش كدة.. أخويا إتصاب برصاصة وهو جوة في العمليات إدعيله.
تسنيم ببكاء: لا لا.. بابا يا مراد، بابا أنا عاوزة بابا.
معتز: إهدى يا تسنيم مش كدة.
ظل الجميع يقفون في صمت ويدعون ربهم بالدموع أن يحفظ محمد لهم.
بعد ساعتين خرج الطبيب من غرفة العمليات، فركض الجميع إليه يسألوه بأمل.
مراد: بابا عامل إيه؟ أرجوك طمنا يا دكتور.
الدكتور بحزن: إحنا عملنا اللي علينا، بس للأسف المريض مات، البقاء لله.
انهارت أمينة وفقدت وعيها في الحال، فجرت عليها فاطمة وزينة، وبعد بعض الوقت فاقت من إغمائها ولكنها انخرطت في البكاء، وتسنيم التي انهارت في أحضان زوجها.
مراد بضياع: إنت بتقول إيه؟ بابا ما ماتش، بابا عايش.. أوعى أنا داخله، إنت كداب!
دلف مراد إلى الداخل ووجد والده مغطى بغطاء أبيض، ذهب إليه وكشف وجهه وإنهار باكياً على صدره:
– بابا قوم يا بابا.. متسبناش أرجوك.. قوم ماما برة بتعيط وتسنيم كمان عاوزينك يا بابا.. آاااه يا بابا..
فريد بدموع وتماسك: وحد الله يا ابنى مش كدة…
مراد: بابا راح يا عمي.. بابا راح.
فريد: إدعيله يا ابنى، إدعيله هو عند اللي خلقه اللي أحن عليه مننا.. قوم يا ابنى إنت سند أمك دلوقتي هى محتجالك وكمان تسنيم.
حزن الجميع على موت والد مراد وقاموا بفتح تحقيق لكشف ملابسات الحادث، وأقيم عزاء لمحمد حضره الضباط ورجال الأعمال ممن يعرفونه.
وبعد إنتهاء العزاء بأيام قليلة، كان مراد يجلس في غرفته منزوياً لا يريد رؤية أحد، وجاءه إتصال هاتفى برقم غريب فأجاب ووضعه على أذنه:
المتصل بشر: يا رب تكون إتعلمت الدرس كويس يا حضرة الرائد.. أدى جزاة اللي يقف في طريقي، والْبقية في حياتك، إحرص من اللي جاي…
مراد: مين معايا؟ مين اللي بيتكلم؟
ولكنه أغلق الهاتف، فجن جنون مراد الذي أخذ يكسر في أي شيء تقابله يداه وأخذ يصيح عالياً بغضب شديد تجاه هؤلاء الذين تسببوا في مقتل والده، ومنذ تلك اللحظة وهو يتوعد لهم بالانتقام.
Flash Back
عاد من ذاكرته إلى الواقع ولاحظ تساقط دموعه فقام بمسحها على الفور قائلا:
– ربنا يرحمك يا حبيبي.. متقلقش يا بابا حقك هيرجع ولو هيكلفني موتى.
قال ذلك ثم عاد لمتابعة عمله المنكب عليه.
في فيلا حامد الداغر، في غرفة نوم مصطفى، يقف أمام المرآة يصفف شعره استعداداً للذهاب إلى العمل.
كانت ندى تقف بمقربة من السرير سارحة في مظهره وهي تحمل سليم الصغير وتسير به ذهاباً وإيابا لعله يتوقف عن البكاء الذي يبدو أنه متعب بسببه.
ندى بقلق: مالك يا روحى فيك إيه يا مصطفى؟ سليم شكله تعبان النهاردة، تعال معايا نوديه للدكتور.
مصطفى: روحي مع أمي، أنا مش فاضي ورايا شغل.
ندى ببعض الغضب: إنت بتقول إيه؟ ابنك تعبان وتقولي روحي مع أمي؟
مصطفى بغضب وهو يمسك ذراعها بقوة ألمتها وسط صراخ طفلها: بقولك إيه، صوتك دة ميعلاش تاني إنتي سامعة؟
ندى بتألم: حاضر حاضر.. بس سيبني الولد بيعيط.
تركها مبتعداً عنها وأخذ متعلقاته ونزل للأسفل.
ندى بدموع: بس يا روح ماما إنت، حاضر هنروح للدكتور يلا يا حبيبي.. إستنى بس هلف الطرحة.
وضعته ندى في سريره وأمسكته لعبه حتى لا يبكي، وبعد أن انتهت نزلت إلى الأسفل فوجدت صفاء.
صفاء بقلق: مالك يا حبيبتي معيطة ليه؟ وماله سليم كمان؟
ندى: سليم مش عارفة ماله عمال يصرخ ومش راضي يسكت أبدا.
صفاء: طيب يا بنتي إستنى في العربية على ما أجهز وأجيلك بسرعة.
ندى: حاضر يا ماما…
ذهبوا إلى الطبيب وبعد فحصه له:
ندى بقلق: خير يا دكتور طمني، ماله سليم؟
الدكتور: متقلقيش هو بس عنده حرارة، وكتبتله على دواء مناسب وإن شاء الله يكون كويس.
ندى: يعني هو كويس يا دكتور؟ أومال بيعيط ليه؟
الدكتور: دة نتيجة السخونية مش أكثر، على العموم شوية وهيكون كويس.
صفاء: إن شاء الله، شكرا يا ابنى تعبناك معانا.
الدكتور: العفو، دة واجبي.
صفاء: يلا بينا يا بنتي.
بعد ذلك صعدوا إلى السيارة ثم انطلقوا عائدين إلى الفيلا.
إليك النص بعد مراجعة الأجزاء وتنقيتها من أي ألفاظ أو عبارات غير لائقة، مع الحفاظ الكامل على تسلسل الأحداث والحبكة الدرامية للقصة:
عند حامد ومصطفى في الشركة:
حامد بغضب: فين الأستاذ سليم؟ ما مشرفش ليه لحد دلوقتى؟
مصطفى بإرتباك: أااا مممم.. أصل.. أصل..
حامد: أصل إيه؟ البيه أكيد كان سهران سهرة من سهراته اللي ما تنفعش، تقب وتغطس دلوقتي وتجيبهولي مطرح ما هو موجود.
مصطفى: حاضر يا بابا، بعد إذنك.
خرج مصطفى من مكتب والده ويقوم بالاتصال على سليم قائلا بغيظ:
– الزفت دة مش هيتعلم أبدا وبتيجي على راسى أنا.
على الجانب الآخر، كان سليم نائماً إلى جوار ميس في إحدى الشقق.
إستيقظت ميس قائلة بتأفف وهي توكز سليم من كتفه:
– سليم.. أوف.. سليم إصحى تليفونك بيرن.
سليم بنعاس: أيوا في إيه؟
ميس: تليفونك بيرن يا سليم مش سامع يعني؟
جلس سليم نصف جلسة ومسح على وجهه، ثم فتح الهاتف ووضعه على أذنه قائلا بنعاس:
– ألو.. أيوا يا مصطفى..
مصطفى بغيظ: يا برودك يا أخي.. كمان نايم لحد دلوقتي وبابا قالب الدنيا عليك هنا.
سليم: طيب ماشي أنا هلبس وجاي أهو.
مصطفى: متتأخرش يا أخويا، ولما تحب تعمل اللي إنت بتعمله دة أبقى ما تتأخرش وتيجي على البيت متباتش برة.
سليم: مصطفى حبيبي يلا سلام أشوفك بعدين.
قال ذلك ثم أغلق الهاتف بتأفف.
ميس: عاوزك ليه مصطفى؟
سليم: أبدا، إتأخرت على الشغل ولازم أمشي دلوقتي.
نهض سليم من الفراش ثم توجه إلى الحمام واغتسل ثم خرج وأبدل ملابسه ورحل إلى الشركة.
