كعادته الصباحية يمارس تمارينه الرياضية. عيناه ممتلئة بلهيب انتقام يسعى لتحقيقه ولن يهدأ له بال إلا بأخذ حقه ممن حرموه من والده ومنحوا الحزن لعائلته. وكلما مر يوم وهؤلاء بعيدون عن قبضة يده يزداد غضبه تجاههم فقد سلبوا منه أعز شخص وعليهم دفع ثمن ذلك.
بعد فترة طويلة من الركض يدلف إلى الفيلا التي يقطن بها ثم صعد إلى غرفته واغتسل وبعد مدة خرج مرتدياً ملابسه.
توجه لغرفة الملابس وقام بإخراج ملابسه وارتداها ثم وقف أمام المرآة وقام بتسريح شعره ونثر عطره المفضل وبعد ذلك نزل إلى الأسفل.
وجد الجميع يتناولون الإفطار فألقى عليهم تحية الصباح ثم جلس يتناول حصته من وجبة الإفطار.
أمينة: صباح الخير يا حبيبي. إقعد إفطر قبل ما تمشي.
مراد: حاضر يا ماما.
ثم نظر إلى الطفلة ذات العام الواحد القابعة في أحضان والدتها، ابتسم لها بحنان قائلا:
– حبيبة خالتها، عاملة إيه النهاردة؟
تسنيم: كويسة يا خالو. ربنا يخليك يا حبيبي. خفت بعد ما إدناها الحقنة بس ما نامتش طول الليل وهى تصرخ بس الحمد لله دلوقتى زى الفل. كلمي خالو يا حبيبة.
حبيبة ببراءة: بابا.. بابا..
معتز: إيه يا حبيبة بابا تعالى.
حملها معتز وأخذ يداعبها وهي تبتسم له بسعادة.
مراد: بقى كدة يا حبيبة، ماشى أما أرجعلك.
فريد: هتخلص شغل بدري النهاردة يا مراد علشان تحضر افتتاح الشركة الجديدة؟
مراد: والله يا عمي مش عارف هخلص إمتى، بس مش مهم وجودي، كفاية حضرتك يا عمي ومعتز كمان.
فريد: لا هيفرق، وجودك مهم زيك زينا بالظبط.
مراد: حاضر يا عمي هحاول أبدل النبطشية مع أي حد من أصحابي وأجي. عن إذنكم مضطر أمشي دلوقتى.
أمينة بتماسك: خلى بالك من نفسك يا عمري. لا إله إلا الله.
مراد: محمد رسول الله يا أمي. سلام.
خرج مراد من الفيلا وصعد إلى سيارته منطلقاً إلى عمله.
بالداخل جلست أمينة بحزن، فهى كل يوم عند خروج مراد تضع يدها على قلبها بقلق حتى يعود إليها سالماً، فهى تخاف من فقدانه كما فقدت زوجها.
فاطمة: وبعدين معاكي يا أمينة، كل يوم كدة يا ستي، ما هو كويس أهو، ربنا حاميه، متقلقيش.
أمينة: مش بإيدي يا فاطمة صدقيني، أنا بخاف عليه لا ما يرجعش زي أبوه.
زينة مربتة على ظهرها بحنان: متقلقيش يا مرات عمي، إن شاء الله هيكون كويس، مراد قدها.
أمينة: يا رب يا بنتي يا رب.
فريد: يلا يا معتز علشان نمشي إحنا كمان.
معتز: حاضر يا بابا. خدي بالك يا تسنيم.
تسنيم: تعالى يا حبيبة، خلى بابا يروح الشغل.
معتز مقبلاً تسنيم على جبينها: خدوا بالكم من نفسكم.
ثم قبل يد والدته قائلاً: سلام يا ماما.
سلام يا مرات عمي. سلام يا زينة.
الجميع: سلام.
بعد رحيل فريد ومعتز:
زينة: وأنا كمان يا مامي رايحة النادي مع أصحابي.
فاطمة: ماشي بس ما تتأخريش.
زينة: حاضر يا ماما يلا سلام. وبعد أن رحلت..
فاطمة: تعالى يا أمينة نقعد برة في الجنينة، الخضرة هتريح أعصابك.
أمينة: ماشي يا فاطمة.
تسنيم: وأنا هروح أغير للصغيرة أصلها مشغولة باللعب.
بما أن النص المرفق عبارة عن عمل أدبي درامي، فقد تم مراجعة هذا الجزء بدقة وإزالة العبارات والكلمات غير المناسبة أو الحادة (مثل الألفاظ الشعبية الخارجة أو الوصف الذي لا يتوافق مع معايير النشر العام)، مع الحفاظ التام على تسلسل الأحداث والحبكة الدرامية.
إليك النص بعد التعديل والتنقية:
أما هي صعدت بسرعة للأعلى لغرفتها، وهناك أطلقت العنان لدموعها، فهي اتخذت من ابنها حيلة لكي تتوارى عنهم ولا تريهم معاناتها. بالأسفل انتهى سليم من طعامه هو ووالده. حامد: يلا يا سليم بينا على الشركة. سليم: ماشي يا بابا. سلام يا ست الكل. صفاء: سلام يا حبيبي، في رعاية الله. في مركز الشرطة يدلف مراد إلى الداخل ويتوجه لمكتبه لمتابعة مستجدات القضية. يدلف صديقه عمر إلى الداخل ويلقي عليه التحية. عمر: إزيك يا صاحبي عامل إيه النهاردة؟ مراد: الحمد لله، وأخبار الست والدتك إيه؟ عمر: لا كويسة الحمد لله، تسلم يا صاحبي. مراد بجدية: ها يا عمر، الرجالة اللي مكلفينهم بمراقبة المكان وصلوا لحاجة ولا لسه؟ عمر: لا للأسف لسه، من وقت آخر مواجهة ليه مع الشرطة وهما مختفيين عن العين حتى نشاطهم قل مش زي الأول. مراد بغل: بس يقعوا تحت أيدي والله ما هرحمهم. هما ليه قرايب بيترددوا عليهم؟ عمر: لا قرايبهم محدش منهم يعرف حاجة عنهم، إنت ناسي المداهمة اللي إنت عملتها آخر مرة؟ مراد: بس لسه معثرناش في عنوان مراته دي، الوحيدة اللي محدش دور عندها، تقب وتغطس في الدار يا عمر وتجيبلي عنوانها، أنا مش عاوز أي حد من الداخلية يعرف بأي حاجة أنا بعملها. عمر: طيب إنت شايف إن كدة صح؟ مراد: ماليش دعوة باللي يصح وما يصحش. لو الداخلية وصلت لهم قبلي يبقى كل اللي بعمله دة راح فشنك. أنا عاوز أنا اللي أقبض عليهم وأحاسبهم قدامهم علشان يدوقوا الكأس اللي دوقوهولي. عمر: ربنا معاك يا صاحبي، أنا خايف عليك من المساءلة القانونية مش أكثر. مراد: متقلقش أنا مستعد لأي مساءلة القانونية بس أخد بتاري الأول وأبرد ناري منهم. عمر: وأنا معاك يا صاحبي لحد النهاية. مراد: تسلملي يا عمر. عمر: بس مقولتليش فين الواد سليم مش باين اليومين دول؟ مراد: أبدا يا سيدي كان في لندن ورجع في صفقة تبعهم في الشغل. عمر: ما شاء الله، ربنا يوفقه. خلينا إحنا هنا قاعدين مكاننا. مراد بضحك: والله العظيم إنت فظيع. قوم روح شوف وراك إيه قوم. عمر: ماشي يا صاحبي أشوفك بعدين، سلام دلوقتى. مراد: سلام يا أخويا. عمر: ماشي يا عمنا.
في أحد الأحياء الشعبية في إحدى الشقق البسيطة، تجلس لمار على كرسي وبيدها مقص تقوم بقص تصميمها الجديد. لمار: الحمد لله، شوية الفساتين دول على المعاش بتاع أمي هيمشوني لآخر الشهر وهيكفي إن شاء الله. تركت المقص من يدها بفزع حينما رن جرس الباب فاتجهت بحذر ناحية الباب. لمار بصوت مهتز: مين؟ عواطف: افتحي يا بنتي، دة أنا مرات أبوكي. لمار: عاوزة إيه؟ عواطف باستنكار: شوفي البت بجحة إزاي، يا بت افتحي هو أنا هاكلك؟ تأففت لمار بضيق وقامت بفتح الباب فدلفت الأخرى على الفور. لمار: أهلاً بيكي يا مرات أبويا، إيه اللي فكرك بيا؟ عواطف: أبوكي يا أختي اللي قالي أشقر عليكي، الحق عليا؟ لمار: شكرا لتعبك، تحبي تشربي حاجة؟ عواطف: لا يا أختي أنا همشي دلوقتي بس جاية أخد الأمانة اللي أبوكي سابها هنا. لمار باستغراب: أمانة! أمانة إيه دي؟ عواطف وهي تتجه إلى الداخل ثم بعد ذلك تعود وبيدها كيس أسود ملفوف. لمار: إيه دة؟ وبعدين أبويا مقليش حاجة عنها. عواطف: دي حاجة تبع الشغل بتاعه يا عنيا وخباها هنا علشان دة مكان آمن محدش يقدر يتوقعه. لمار: ليه، هو الكيس دة فيه إيه؟ عواطف: هيكون فيه إيه؟ ممنوعات يا عنيا. لمار بصدمة: إيه! بتقولي ممنوعات يا مصيبتي؟ وحاطينها عندي ليه؟ عاوزين تلبسوني مصيبة؟ حرام عليكم، ربنا ينتقم منكم، عملتلكم إيه أنا؟ سيبتلكم حياتكم وبعدت عنكم وعايشة بما يرضي ربنا وانتوا برضه جايبين الحاجة دي ومخلينها هنا معايا! أعمل إيه علشان أريحكم مني ها؟ أعملكم إيه؟ لمار بصراخ: اطلعى برة.. اطلعى برة.. حرام عليكم حرام.. مش عاوزة أشوفك ولا عاوزة أشوف أبويا.. مش عاوزة.. مش عاوزة.. اطلعى برة.. اطلعى.. قامت عواطف بدس الكيس في ملابسها ثم قالت بسخرية: هطلع يا أختي. خرجت عواطف ثم صفعت لمار الباب خلفها ثم انهارت أرضا تبكي بشدة قائلة: يا رب سامحني والله ما كنت أعرف، يا رب احميني من شرهم يا رب.. أخذت تبكي إلى أن غفت في مكانها.
