(قولتها وأنا بعيط فى حضنه وهو بيملس على شعرى بحب وبيهدينى):
رحيم بحب: هشش متعيطيش، قولتلك مبحبش دموعك، وبعدين أنا مستحيل أسيبك اهدى.
_ نام وهو واخدنى فى حضنه، محستش نفسى بعد كده.
رحيم بص عليها لقاها نامت، باس جبينها ونام.
فى شقة القاسم:
انتصار بخبث: قاسم حبيبى، عاوزه فلوس.
قاسم بغضب: هو إيه الحكاية؟ كل يوم فلوس! أنت بتودى الفلوس دى كلها فين؟
انتصار بتمثيل: يا حبيبى أنت ناسى إن زينب فى كلية ولا إيه؟ وبعدين أنت مستخسر فيا أنا وبنتى الفلوس يا قاسم؟
قاسم بغضب: يوووه خدى.. أهو مفتاح الزفت الخزنة، خدى إللى عاوزاه، وسابها وطلع من البيت.
انتصار بشر: هانت كلها كم يوم وأخلص منك ومن بنتك!
البارت العاشر
(استرجاع ذكريات حور): كانت صديقة ماما المقربة وبنت عمها، وماما كانت بتثق فيها، عمرها ما اتخيلت إنها تطلع زبالة كده! فضلت تلف حولين بابا لحد ما خلته يتجوزها رغم إنه عمره ما حبها، لكن حبت تكسر أمى! تخيل صديقة عمرك وبنت عمك تتجوز جوزك؟ كان إحساس صعب! ويا ريت اكتفت بكده لا، دى كانت بتعامل ماما كخدامة عندها وبتحرض بابا عليها وتخليه يضربها، ولما ماتت كانت عاوزه ترمينى فى الشارع بس بابا رفض واتعصب عليها، فخلتنى خدامة عندهم.
وقتها واجهتها وسألتها بتعملى معانا كده ليه؟ قالتلى إنها بتغير من أمى من وهى صغيرة، ديما ماما كانت أحسن منها حتى فى التعليم هى كانت ناجحة ومتفوقة لكن انتصار لا! اتهمتها أنها أخدت حب عمرها قاسم، لكن ده محصلش.. انتصار عمرها ما حبت بابا هى بتحب فلوسه وبس.
لما جبت مجموع كبير فى الثانوية العامة يوصلنى إنى أبقى مهندسة، رفضوا يخلونى أكمّل وقالتلى إن لمجرد خدامة وبس.
_ قعدت على طرف السرير ودموعى مغرقة وشى:
_ ماما ماتت بسببهم! جَألها القلب ورفضوا يعملولها العملية! حتى الشخص إللى حبته موقفش جنبها.. ماتت بحسرتها يا رحيم! ماتت بسببهم وسابتنى لوحدى، عشت طول السنين دى لوحدى أربع سنين عايشة فى جحيم معاهم، ضرب وإهانة وحبس فى أوضتى الضلمة.
_ فضلت أعيط، كان أول مرة أطلع كل إللى فى قلبى وأحكيه لحد. قام من على السرير وقعد جنبى، اخدنى فى حضنه وأنا كل حصونى القوية انهارت فى حضنه، فضلت أعيط بقهر وهو بيحاول يهدينى:
= هششش اهدى، خلاص أنا جنبك ومش هسيبك، وأوعدك هندمهم كلهم.
_ أنت.. أنت مش هتسبني صح؟
_ ابتسم وشدد على حضنى: مستحيل أسيبك يا حورية، وأوعدك حياتك كلها هتتغير بس أوثقى فيا ممكن؟
_ طلعت من حضنه وهزيت رأسى بالموافقة.
ابتسم وشدنى لحضنه تانى وفضل يمشى إيده على شعرى لحد ما روحت فى النوم.
وفى صباح يوم جديد:
قومت من جنبه ودخلت غيرت هدومى ونزلت طلبت من الخدم كلهم يطلعوا من المطبخ علشان أعمل أنا الاكل.
♡ رحيم قام ملقاش حور، دور عليها ملقهاش، نزل بسرعة لقاها واقفة فى المطبخ وبتعمل أكل، ابتسم وقرب حضنها من ضهره.
_ كنت بعمل أكل لقيته شدنى من خصرى وحضنى من ضهره، اتوترت ولفيت وشى ناحيته:
_ أنت صحيت امتى؟
رحيم بابتسامة: من شوية، أنت إيه جابك هناا وفين الخدم؟
_ ابتسمت بحماس: أنا خرجتهم وحبيت أعملك الأكل بنفسى.
= يبقى هفطر أجمل أكل النهارده طالما من إيدك.
ضحكت: هتخلينى أشوف نفسى عليك بعد كده!
رحيم بضحك وهو يحملها ويضعها على الرخامة: واإيه المشكلة يا جميل؟ أى رأيك أساعدك؟
_ ضحكت ونزلت من على الرخامة: موافقة.
ابتسم وبدأ يساعدنى، وعملت الأكل وطلعنا فطرنا مع بعض.
= جميل أووى يا حوريتى تسلم إيدك! (ومسك إيدها وباسها بحب).
_ فرحت أووى ومسكت المعلقة وقربت أكلته بايدى، كنت شايفه لمعة عيونه بفرح أووى لما بشوف لمعة عيونه ونظرة الحب إللى فى عيونه ليا.
_ رحيم.
= قلبه.
_ ممكن أطلب منك طلب؟
ابتسم ومسك إيدى: اطلبى يا حورية.
_ ممكن نطلع مع بعض النهارده ونتمشى شوية؟
رحيم بابتسامة: موافقة، هخلص شغل وهاجى أخدك.
_ عاااا شكرا، أنا مبسوطة أووى.
_ قام وباس رأسى: وأنا عاوزك ديما تكونى مبسوطة.
_ ضحكت وبصتلها بحب: طول ما أنت جنبى أكيد هكون مبسوطة.
_ ابتسم ومسكنى من إيدى وطلعنا الأوضة وطلب منى أختارله لبس.
_ كل المواصفات إللى كنت بتمناها فى شريك حياتى لقيتها فى رحيم؛ شخص حنين، هادى، مبيرفعش صوته عليا، صحيح جسمه قوى ووسيم وأوقات نبرته بتخوف بس أنا بحس بالأمان معاه! سهل تحس بالأمان بس صعب تلاقيه مع شخص معين، وأنا لقيت الأمان مع رحيم. كان عنده حق لما قالى إنه هيغير مصيرى، أوقات بحس إنى عايشة معاه فى جنة وحلم مش عاوزه أفوقت منه، أتمنى نفضل كده ديما ورحيم ميتغيرش.
_ اختارتله لبس.. شىء جميل إن الشخص إللى بتحبه ياخد رأيك فى كل تفاصيل حياته. ساعدته فى لبسه واخد حاجته وطبع قبلة لطيفة على خدى ومشى. وزى ما عودنى دخلت الأوضة إللى مليانة كتب أو بمعنى المكتبة إللى عاملها، فضلت أقرأ حاجات كتير لحد ما مر وقت طويل أووى.
طلعت من المكتبة ورجعت الأوضة، فتحت الدولاب ولقيت فساتين كتير، اختارت فستان كان لونه أسود بكم وديق عند الصدر وواسع من تحت وشكله جميل أووى. دخلت لبسته وحطيت ميكب خفيف وفضلت قاعدة مستنياه.
مر وقت ومجاش، قومت وقررت أتصلف علشان أكلمه. فتحت الباب وكنت طالعة لقيته فى وشى! أول ما شافنى وقف متنح ومصدوم، وأنا حاولت أتهرب من نظراته إللى بتوترنى.
رحيم لنفسه: لا كده كتير أووى، لأمتى هفضل مستحمل بعدك عنى يا حورية؟! لا لا كفاية كده أظن لازم أخد خطوة جد فى علاقتنا.
_ أنت أتأخرت كده ليه؟
رحيم بحب: كان عندى شغل (وأكمل بخبث): بس إيه الجمال ده؟
_ اتوترت وفضلت أفرك فى إيدى: هو أنا بصراحة حابة أطلع معاك.
رحيم بابتسامة وعشق: طيب ما تسيبك من الخروج النهارده وتعالى نعمل حاجة أجمل.
_ ضحكت ببراءة: إيه هى؟
قرب وهمس فى ودانى، وثوانى ووشى أحمر من الخجل والكسوف.
_ أنت.. أنت قليل الأدب!
ضحك: عارف.
اتكلمت برجاء وبراءة: رحيم أرجوك.
رحيم بخبث: موافقة بس بشرط.
رفعت إيدى وأنا بشاورله باستغراب: إيه شرطك؟
ابتسم وحاوط خصرى وقربنى منه وعنينا بتبص لبعض بحب:
= ناخد خطوة جد فى علاقتنا، بصراحة أنا عاوزك مراتى يا حورية.
_ اتوترت وحاولت أغير الموضوع: ماشى ماشى خرجنى الأول ولما نرجع نتكلم فى الموضوع.
رحيم بضحك: ماشى.. أتهربى براحتك.
_ أحم طيب يلا بقا.
ضحك ودخل حط الملفات واخدنى وطلعنا.
روحنا مطعم اتعشينا وكانوا مشغلين موسيقى هادية وجميلة وأنا سرحانة معاهم.
= تحبى نقوم نرقص؟
بصتلها وابتسمت: بس أنا مش بعرف أرقص.
رحيم بابتسامة جحابة: تعالى وهعلمك.
قال كلامه ومدلى إيدى، ابتسمت وحطيت إيدى فى إيده وقومنا نرقص. كان بيعلمنى بهدوء وأنا مركزة فى عينه وتايهة فيهم، إيديه كانت محاوطة وسطى وأنا لفيت إيدى حولين رقبته وبقينا نرقص على موسيقى هادية وجميلة. كنا باصين لبعض وكل واحد فينا نظرته كفيلة تقول كل إللى فى قلبه. خلصنا رقص وحاسب وطلعنا.
مسكت كتفه ووقفت قدامه: أنا عاوزه أتمشى ممكن؟
رحيم بابتسامة: ممكن، يلا بينا.
مسك إيدى وفضلنا نتمشى شوية لحد ما وصلنا قدام شخص بيبيع أيس كريم.
_ رحيم رحيم ممكن تجيبلى أيس كريم؟
ضحك وراح اشترالى أيس كريم وقعدنا أنا وهو على الرصيف.
_ ميلت برأسى على كتفه وشبكت إيدى فى إيده وكأنى برمى كل حاجة عليه وبنسى الدنيا كلها وأنا معاه. حط رأسه على رأسى وابتسم.
_ رحيم.
= عيون رحيم.
_ رفعت رأسى وبصتلها: أحم انت حبيت قبل كده؟
ملامحه اتغيرت، عيونه بقت عبارة عن بقعة دم من الغضب وكأنه افتكر جرح قديم.
حطيت إيدى على كتفه بخوف: رحيم اهدى، أنا آسفة مش قصدى أضايقك.
_ بصلى بغضب وو..
حوريتى
بقلمى / مارينا عبود
البارت الحادى عشر
حوريتى..
حطيت إيدى على كتفه بخوف: رحيم اهدى، أنا آسفة مش قصدى أضايقك.
بصلى بغضب وقام وقف.
_ قومت ووقفت قدامه: رحيم.
رحيم بابتسامة عكس النار التي تشتعل بداخله: متخفيش يا حورية أنا كويس.
_ عيونى دمعت: أنا آسفة.
قرب وحضنى: حورية قولتلك ميت مرة متعتذريش.
_ طلعت من حضنه ومسحت دموعى وأنا مقررة مخليش اليوم ده يبوظ، أنا نفسى أقضي وقت معاه من غير مشاكل.
_ قربت منه ولفيت إيديا حولين عنقه بدلال وأنا ببصله ببراءة: حاضر، بس أنت أضحك كده وتعالى نكمل اليوم.
ضحك وشدنى من خصرى: ما تيجى نمشى ونكمل اليوم فى بيتنا؟
_ ضحكت ومسكت إيده واخدته ورجعنا نتمشى.
فضلنا نحكى كتير، وحكالى حاجات كتير عنه وعرفت عنه كل حاجة.
= شكلها هتمطر، يلا بينا.
_ ضحكت: لا لا أنا بحب المطرة أووى.
رحيم بضحك: يلا يا هبيلة علشان متتعبيش!
رديت بتذمر وغضب طفولى وأنا بدبدب برجلى على الأرض:
_ رحيم علشان خاطرى خلينا شوية.
ههههههه.. وققبل ما يتكلم كانت السماء مطرت، سبته وفضلت أرقص تحت المطرة، أنا بحب المطرة أووى! بفتح إيديا وبسيبها تغرقنى وأنا بنسى كل حاجة وأى وجع جوايا. فضلت ألف حولين نفسى وأنا بضحك، أول مرة أكون فرحانة أووى كده! كان واقف ومربع إيديه قدام صدره ومتابعنى وهو بيبيسم.
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”
