البارت السادس
سكت.. أنا عارفة هو حاسس بإيه، أنا كمان من بعد موت أمى مابقاش ليا حد، حتى أبويا عمره ما حبنى! كنت لسه هتكلم بس سمعت صوت…
………..: ررررررحيييييييييييم!
بصيت ناحية الباب لقيت شاب واقف وْببصله وعلَى وشه ابتسامة، بصتلها لقيته قام وراح ناحيه وحضنه بحب، وقفت وأنا بشوفهم:
عمار: كده يا واطى تتجوز من غير ما تقولى؟!
رحيم بضحك: أنا آسف، كل حاجة حصلت بسرعة وملحقتش أقولك.
عمار بحب: ولا يهمك. (وقرب وهمس فى أذنه): قولى بقاا القمر إللى وراك هى العروسة؟
رحيم التفت وبص لحور إللى واقفة مربعة إيديها قدام صدرها وبتبص عليهم.
رحيم بضحك: آآه هى.
عمار: لا قمر بصراحة، عرفت تنقى يا ولد يا رحيم!
رحيم بحدة: عمااااااار.
عمار بضحك: خلاص خلاص متزعلش، تعالى عرفنى عليها ولا هتسبنى واقف كده؟
رحيم: ادخل أعرفك عليها وامشى علطول.
عمار: هى حصلت تطردنى؟!
رحيم بغيظ: آآه عريس جديد وكده.
عمار بضحك: وحيات أمك!
رحيم ببرود: عارف لو مكنتش ابن عمتى كنت طردتك طرد الكلاب!
عمار بضحك: طول عمرك أصيل يابن خالى، أوعى كده.
كنت واقفة بتابع حوارهم وهما بيتهمسوا، شكلهم قريبين من بعض، بس هما ليه بيبصوا عليه كده ياختى؟ معقولة أكون عملت مصيبة؟ ببص لقيتهم جايين هما الاتنين ناحيتى، طب أهرب ولا أعمل إيه دلوقتى؟ لا يا حور أجمدى كده فى إيه؟
رحيم بابتسامة: حورية أعرّفك ده عمار ابن خالتى.
_ ابتسمت وسلمت عليه.
عمار بإعجاب: حورية، اسمك مميز يا حورية.
_ بصتلها حسيت عيونه بتطق شرار! ياختى أعمل دلوقتى هياكلنى؟!
_ ش.. شكرا، بعد إذنكم (جريت بسرعة من قدامهم، كنت حاسة إنه هياكلنى بنظراته فمكانش قدامى غير الهروب)، دخلت الأوضة وفضلت رايحة جاية جاية رايحة وبلف حولين نفسى زى الناس التاية كده.. تعرفوهم؟ أحم أهو أنا زيّهم!
فى الريسيبشن:
عمار: إيه يا عم، أنت عامل للبنت رعب كده ليه؟
رحيم ببرود: وأنت مالك أنت؟
عمار بضحك: وربنا مجنون! المهم متنساش فرحى كمان شهر هااا.. فرحى!
رحيم بضحك: عارف، وبعدين إزاى عاوزنى أنسى فرحك؟
عمار بضحك: أشطاا ابقى هات حوريتك معاك (وجرى من قدامه).
رحيم بغيظ: يا ابن ال*** أنا هوريك! (وطلع لفوق).
_ كنت واقفة بفكر أستخبى فين ولقيت الباب اتفتح وهو دخل وقعد قصادى.
فضلت أبص فى أرجاء الأوضة علشان عينى متجيش فى عينه لحد ما اتكلم:
= تعالى هناا.
_ أنا.. أنا والله ما عملت حاجة.
= حورية أنا مبحبش أعيد كلامى مرتين، تعالى هنااا.
اتقدمت وأنا بتقدم خطوة وبراجع خطوة لحد ما وقفت قدامه.
= تعالى اقعدى هناا (وشاور على رجله).
_ إيه الولد إللى ميعرفش الأدب ده؟! وكالعادة قبل منطق كان شاددنى ومقعدنى على رجله.. أنا قولت برضوا الولد ده معدتش عليه تربية ومحدش رباه! دفن رأسه فى رقبتى وأنا بحاول أبعد:
_ هو.. هو أنا ممكن أطلب طلب؟
بعد عنى وابتسم: اطلبى يا حوريتى.
_ ممكن يعنى نبقى أصحاب؟
قعد على الكرسى قصادى وهو بيهز كتافه: اسألى.
_ ميلت وبصيت فى عينه بتركيز: هى عيونك دى حقيقة ولا لينسز؟
ضحك بصوت عالى.. يخرب بيتك متضحكش كده والله هقوله إني بحبه هااا!
قام ووقف قدامى وأنا رجعت لورا بخوف.. قطع لسانى أنا مين قالى أتكلم بس؟ إيه ده هو بيقرب كده ليه؟ والله هصوت!
ميل بجسمه وبص فى عيا: أنت شايف إيه؟
بلعت ريقى بصعوبة وتوتر: أنا.. أنا مش شايفافة حاجة خااالص. (قولتله كده وجريت من قدامه وسمعته بيضحك بصوت عالى)، ده طبيعى ما هو طلع متجوز هبيلة، ياترى بيقول عليا إيه دلوقتى؟! بس والله يا جماعة أنا قمر واتحب، سيبكم من الكلام الفاضى!
نزلت لقيت الخدم بحطوا الاكل، قعدت على أول كرسى قابلنى وأنا بحاول أخد نفسى، بصيت لقيته نازل من على السلم وبيبصلى ويضحك.
_ بيضحك على إيه ده؟ يخرب بيتك وأنت قمر!
قعد قصادى وعينه منزلتش من عليا وأنا بحاول أتجنب نظراته:
_ أحم.. هو.. هو أنت عايش هناا لوحدك؟
= آآه.
_ أومال أهلك فيين؟
ملامحه اتبدلت للحزن: متوفيين.
سكت.. أنا عارفة هو حاسس بإيه، أنا كمان من بعد موت أمى مابقاش ليا حد حتى أبويا عمره ما حبنى، كنت لسه هتكلم بس سمعت صوت..
………..: ررررررحيييييييييييم!
البارت السابع
دخلت غيرت هدومى وطلعتله بس اتصدمت ووقفت متنحة لما لقيته واقف وعارى الصدر.. يخرب بيته إيه الجمال ده؟!
بصلى وضحك.. جماعة هو أنا ممكن أقوله بحبك دلوقتى؟
= مالك يا حورية واقفة كده ليه؟
_ اتكسفت ووشى قلب فراولة ونزلت رأسى فى الأرض.
ضحك بصوت عالى وبدأ ياخد خطوات ويتقدم اتجاهى.. طب أنا أهرب ولا أعمل إيه؟ بقيت برجع لورا لحد ما وصلت للحيطة وهو بقا قدامى، ولأنه أطول منى بكتير فمكنتش عارفة أهرب.
_ أنت.. أنت بتقرب كده ليه؟
بدون أى مقدمات لقيته شالنى.. صرخت بصوت عالى:
_ عاااااااا نزلنى نزلنى والبس حاجة عيب كده!
= ولو معملتش كده؟
_ (ضحكت).. هعيط أنا أصلاً عيوطة وهعملك فضيحة دلوقتى!
فضل يضحك عليا وأنا سرحت فى ملامحه، اخدنى وقعدنى على السرير ولف وقعد جنبى من الجنب التانى.
_ أنت هتقعد كده؟ (تكلمت وأنا مبرقة).
رفع حاجبه ورد: آآه.
_ ده إيه الجرأة دى؟ يعنى أنت مش واخد بالك إن في بني آدمة معاك فى الأوضة؟!
= ما هو البني آدمة مراتى، وعادى أقعد كده قدامها.
_ مراتى!.. لما اتجوزته كنت فاكرة إنه شخص قاسى وإنى هدخل فى جحيم وهيشغلنى خدامة، لكن هو طلع عكس كل توقعاتى، طلع شخص حنين لطيف هادئ، لحد دلوقتى مشفتش منه تصرف يقلل منى أو حاجة وحشة تزعلنى، لا هو بيعمل كل حاجة علشان أبقى مبسوطة، وده لوحده أكتر حاجة مفرحانى! فوقت من تفكيرى على صوته العالى:
= حوررررية!
_ إيه؟
رحيم: سرحتِ فى إيه؟
_ فيك.
= إيه؟!
أنا عاوزه حد ييجى يقطعلى لسانى علشان منطقش تانى، محدش مودينى فى داهية غير لسانى إللى عاوز قطعه ده!
_ أحم، ممكن تقوم تلبس حاجة لو سمحت؟
ضحك: حاضر يا ست حور عيونى.
قام وراح عند الدولاب ولبس تيشرت أسود ورجع قعد جنبى:
= أحكى يا حورية.
_ هو أنت ليه بتقولى حورية وحوريتى ليه مش بتقولى يا حور؟
ابتسم وفرد جسمه على السرير وشدنى لحضنه وحط رأسى على صدره وأنا حطيت إيدى على قلبه وأنا مبسوطة. رفعت رأسى وبصتله وبدأ يتكلم وأنا كنت بسمعه بتركيز:
= لأنك مميزة من أول يوم شوفتك فيه، كنت ماشى بعربيتى رايح الشركة، شوفتك وأنتى بتساعدى راجل كبير فى العمر إنه يعدى الشارع.. خطفتى قلبى وقتها، قررت إنى مسبكيش وربنا ساعدنى فى ده لما جمعت عنك معلومات وعرفت إنك بنت قاسم الموظف إللى شغال عندنا فى الشركة، وقولتله إنى عاوز أطلب إيد بنته، ولما روحت علشان أطلب إيدك افتكرونى إنى عاوز أى أجى أطلب إيد زينب بنته من مراته التانية! وقتها كنت مستنيكى تطلعى وأول ما شفتك وشوفت العلامات إللى على وشك قررت أعمل الفرح فى يومين ومسبكيش عندهم ولا ثانية وحذرتهم من إنهم يتعرضولك بأى شكل واتجوزتك، وقررت أسميكى حوريتى لأنك جميلة زى الحوريات وكمان مميزة.
_ كنت مركزة معاه وقلبى بيدق بسرعة كبيرة، عمرى ما كنت أتوقع إن ربنا يكرمنى ويعوضنى بالشكل ده وبشخص جميل زى رحيم يحبنى ويخاف عليا. حاسة بإحساس جميل أووى، فرحة، خوف، توتر، خايفة الفرحة دى متدمش كتير، خايفة رحيم يتغير! عيونى دمعت وأنا ببصله، قام وقعد قدامى:
= مالك يا حورية؟
_ مسحت دموعى وبصيت الناحية التانية.
مسك وشى بين كفوفه وبصلى بلهفة وخوف ظهرت من طريقى كلامه:
= حوريتى مالك؟ بتعيطى ليه؟
أترميت فى حضنه، أنا مش عاوزه أسيبي ولا يبعد عنى، عاوزه ديما جنبى، أنا بحس بالأمان وهو معايا، بحتمى فيه، معرفوش من وقت كبير لكن الإحساس إللى بحسه وأنا معاه بيبقى مميز، مش بخاف، بحس إنى حرة.
_ متسبنيش يا رحيم.
