= قومى يلا أجهزي علشان نفطر وأنتى قمر كده.
_ ضحكت ومكنتش مصدقة، معقولة طيب إزاى؟ فى يوم وليلة حياتى تتغير كده؟ عمرى ما كنت أتوقع إنه ده يحصل، طيب ياترى هو بيعمل كده ليه؟ بطلت تفكير وبعدت عنه، اخدت لبس ودخلت غيرت هدومى وطلعت كان واقف قدام المراية بيظبط نفسه.
_ قربت ووقفت قدامه وأنا بسأله: هو أنت بتعمل كده ليه؟
= بعمل إيه؟
_ يعنى اتجوزتنى وخلتنى أنام فى أوضتك وبتعاملنى باحترام وكمان جابلى لبس شيك وغالى، أكيد ده كله لسبب صح؟
قرب ووقف قدامى وهو بيبصلى من تحت لفوق، ياختى إيه الطول ده؟ أنا حاسة إنى صغنونة أووى وأنا قصاده، بس ده ميمكرش إنه قرة عينى، قمررر أووى.
= أنا مش قولتلك كل حاجة هتعرفيها فى وقتها؟ رجعتى تسألى ليه وأنتى عارفة إنى مش بحب أعيد كلامى مرتين.
_ خوفت ونزلت رأسى وبصيت فى الأرض: أنا آسفة.
= رحيم بتنهيدة وهو يرفع رأسها لأعلى وينظر لعيناها الجميلة واللامعة بالدموع: خلاص متعتذريش يا حوريتى، بس أنا قولتلك إنى مش هاذيكى، أنتى ليه رافضة تصدقى؟
_ ابتسمت بسخرية.. أقوله إيه إذا كان أقرب حد ليا هما أكتر ناس أذونى وخلو ثقتى فى نفسى تتهز لدرجة بقيت ضعيفة ومليش شخصية؟ سرحت وأنا بفتكر الإهانات والتعذيب إللى شوفتهم من أبويا ومراته، وفوقت على صوته وهو بينادينى باسمى واللى بيبقى مميز لما بينادينى بيه:
= حوررررية سرحتِ فى إيه؟
_ هاا ولا حاجة.
= ماشى يلا علشان نفطر وأروح شغلى.
_ هو أنت رجل أعمال صح؟
ابتسم: صح.
_ طيب أنت هتاتأخر فى شغلك؟
= لا متخفيش مش هتاخر، يلا تعالى معايا.
_ مسك إيدى وطلع من الأوضة وأنا طايرة من الفرحة وأنا معاه.
نزلنا وقعدنا نفطر سوا، وبعدين قام وباس جبينى.. جماعة أنا خلاص وقعت فى حبه ياختى، أكاد من فرط الجمال أذوب!
= اسمعى يا حورية، ممنوع تطلعى برة الفيلا، ولو عوزتى حاجة عفاف هتكون موجودة معاكى، وإياكى تدخلى حد هناا فاهمة؟
_ ابتسمت وهزيت رأسى بالموافقة.
لبس جاكت بدلته وطلع وأنا فضلت واقفة أبص على طيفه لحد ما اختفى من قدامى وسابنى في فيلا واسعة كبيرة مش عارفة هعمل فيها ايه، فضلت ألف حولين نفسى وأنا بتفرج على المكان، كان جميل أووى ومريح. كنت طالعة فوق لكن وقفنى أكتر صوت بكره ومكنتش عاوزه أسمعه ولا أشوفه، التفت لقيت مرات أبويا وبنتها واقفين وعلامات الصدمة على وشهم.
انتصار بحقد: ده إيه الشياكة والجمال ده؟ والا ونضفتى يا حور!
_ جسمى رجع يترجف من تانى والخوف سيطر عليه وتكلمت بصوت مخنوق: انتى.. انتى إيه جابك هناا؟
انتصار بحقد: إيه يا روح أمك؟ نسيتى الضرب والإهانة ولا إيه؟ وبعدين اتكلمى عدل.
زينب بخبث: أومال رحيم حبيبى فين وإزاى يسيب الخدم كده؟
انتصار بسخرية: أيوه صحيح يا حور، انتى المفروض تكونى فى المطبخ دلوقتى مش كدة؟ وياترى عجبتى رحيم بيه ولا طلعتى بضاعة مالهاش لازمة؟
_ دموعى نزلت معرفتش أرد عليهم، واللى صدمنى لما سمعت صوته جريت عليه وأترميت فى حضنه، ولقيت لف إيده على وسطى ومسكنى بتملك قدامهم وكأنه بيقولهم إنى خلاص بقيت ملكه.
رحيم بغضب: إنتوا إيه جابك هنااا ومين سمحلكم تيجوا بيتى؟
انتصار بتمثيل: احنا جينا نطمن على حور يا رحيم بيه.
= طيب اتفضلوا بدون مطرود، ومش عاوز أشوف وشكم، واللى قدامكم مسمهاش حور، دى حورية رحيم نصار، هانم القصر إللى إنتوا واقفين فيه!
_ بصتلها بصدمة ولقيت مرات أبويا وبنتها بيبصولى بحقد، كنت فرحانة إنه خلاص لقيت ضهر أتسنَد عليه وحد أحتمى فيه وينقذنى منهم، إحساس إنه ليك سَند ده أجمل حاجة ممكن تحصلك.
انتصار بحقد: حاضر يا بيه.. يلا يا زينب.
زينب بعصبية: انت بتفضل الخدامة دى عليا يا رحيم؟
رحيم ببرود: انتصار خدى بنتك واطلعى بالأدب بدل ما أخلى الحرس يطردوكم طرد الكلاب.. يلاااااه!
قال آخر كلامه بصوت جهورى جعل كل من أمامه يقف مرتعباً، وكذلك تلك الجميلات التى تختبئ داخل أحضانه.
انتصار بخوف وهى تنظر لحور بحقد وغضب: حاضر يا بيه.. يلا يا زينب.
زينب بغضب: حاضر.
أخذت انتصار ابنتها وغادرت القصر وهى فى حالة صدمة، كيف لهذا أن يحدث؟ تلك الفتاة التى لطالما جعلتها خادمة تحت أرجلها أصبحت الآن سيدتها وملكة هذا القصر الفخم! لا لا هذا لن يحدث، غادرت وهى تنوى لها على شىء، فماذا ستفعل؟
داخل الفيلا:
= رحيم بغضب جحيمى: أنا مش قولتلك متسمحيش لحد يدخل الفيلا بدون إذنئ؟! قولت ولا مقولتش؟ انطقى!
اترعبت وفضلت أعيط وصوت شهقاتى بقا عالى، وفجأة..
حوريتى
بقلمى / مارينا عبود
البارت الخامس
اترعبت وفضلت أعيط وصوت شهقاتى بقا عالى، وفجأة وبدون مقدمات شدنى لحضنه:
= هششش خلاص يا حوريتى اهدى.
_ صدقنى مش أنا إللى قولتلهم ييجوا، مش ذنبى.
رحيم بهدوء: طيب اهدى خلاص.
_ يعنى أنت مش زعلان منى؟ (قولتها وأنا بتحرك إيدى زى الأطفال).
رحيم بابتسامة: لا مش زعلان.
قرب ومسح دموعى وباس جبينى.. هو حنين عكس بابا، كل حاجة معاه جميلة، حنيته عليا من وقت ما اتجوزنى خلتنى أحس إنه خلاص ربنا عوضنى.
_ هو أنت إيه رجعك؟
رحيم: نسيت ملف ورجعت علشان أخده، وكويس إنى رجعت وشوفتهم.. وبعدين أنا مش عاوزك تخافى من حد مفهوم؟
_ ابتسمت وهزيت رأسى: حاضر.. بس ممكن تاخدنى معاك؟
رحيم: مينفعش يا حورية، خليها فى وقت تانى.
_ بس أنا بخاف وأنا لوحدى، أنا معرفش حد هناا.
ابتسم ومسك إيدى وباسها: أوعدك مش هتاخر، قوليلى انتى بتحبى القراءة؟
رديت عليه بحماس وأنا بتنطط زى الأطفال: آآه أووى.
= طيب تعالى معايا.
_ مسك إيدى وطلع لفوق، شخص حنين لطيف وأول حد أحس معاه بالأمان.. صدقونى إحساس الأمان وعدم الخوف وأنت مع شخص ده أجمل حاجة وأجمل من الحب نفسه! دخلنى أوضة غريبة كانت جنب أوضته، فتح النور واتفاجئت.. كانت مكتبة مليانة كتب وشكلها جميل أووى وديكورها هادئ. سبت إيده وفضلت أتفرج وألف حولين نفسى وأنا مش مصدقة.
رحيم بابتسامة جحابة: عجبجك؟
بصتلها ووقفت قدامه وعيونى كانت لامعة من الفرحة، اتكلمت بحماس كالأطفال: جميل أووى أووى شكرا.
= رحيم.
_ هاا؟
ابتسم: اسمى رحيم.. نادينى باسمى.
_ بس..
= مبسش يا حورية، أنا مش عاوزك تخافى منى، اتكلمى وأحكى معايا مش عاوزك تعتبرينى غريب.
_ (أكاد من فرط الجمال أذوب.. يخرب بيت جمالك هو فيه كده؟)
_ موافقة يا رحيم.
_ ابتسم وشوفت لمعة عيونه، حسيته فرح.
= ماشى يا قلب رحيم، أنا همشى دلوقتى.
_ متتاخرش وخلى بالك من نفسك.
رحيم بحب: حاضر.
_ مشى وسابنى وأنا فضلت ألف فى الأوضة واختارى رواية جميلة فتحتها وفضلت أقرأ، أنا بحب الروايات أووى.
فى شقة القاسم:
انتصار بشر: قاسم حبيبى، عاوزه فلوس.
قاسم بغضب: هو إيه الحكاية؟ كل يوم فلوس! انتى بتودى الفلوس دى كلها فين؟
انتصار بتمثيل: يا حبيبى أنت ناسى إن زينب فى كلية ولا إيه؟ وبعدين أنت مستخسر فيا أنا وبنتى الفلوس يا قاسم؟
قاسم بغضب: يوووه خدى.. أهو مفتاح الزفت الخزنة، خدى إللى عاوزاه، وسابها وطلع من البيت.
انتصار بشر: هانت كلها كم يوم وأخلص منك ومن بنتك!
