هدي: اهدي يا فرح، كل حاجة هتبقي كويسة. اهدي يا حبيبتي، أنا حاسة بيكي، عارفة يعني إيه واحدة تنجبر على..
الزواج
فرح: أنا بجد مش مصدقة اللي أنا فيه.
هدي: يا حبيبتي، مازن مش وحش، هو عصبي شوية لكن مش وحش.
فرح: أنا عارفة إنه مش بيحبني، هنعيش ازاي مع بعض؟
هدي: متقلقيش، إن شاء الله خير.
ليدق باب الغرفة..
هدي: امسحي دموعك، يلا ادخل.
الميك اب أرتست: كفاية كدة دلوقتي عشان نلحق ننجز.
هدي: تعالي، احنا خلاصنا كلام.
لتبدأ في تجهيز فرح.
أما مازن كان في إحدى الصالات الخاصة به يدرب الآخرين.. وفور انتهاء التدريب..
نادر: إيه يا مازن، هو مش فرحك انهاردة؟
مازن: بيقولوا كدة.
نادر: طيب روح اجهز، أنا معرفش انت بتعمل إيه هنا.
مازن: بشتغل، انت عارف إني بحبش أخر شغلي.
نادر: طيب روح، وأنا هاخد بالي من كل حاجة.
مازن: طيب يلا سلام.
نادر: سلام.
فور رحيل مازن..
نادر: روح واطمن، شغلك بأيد أمينة.
وابتسم بخبث..
كانت تضع اللمسات الأخيرة على التاج، فهي أشبه بالأميرات، رائعة الجمال. نظرت هدي لها فانبهرت بهذا الجمال الذي أمامها.
هدي: ما شاء الله، إيه الجمال دا؟ قمر.
هدي: طيب يلا، أحسن مازن وأستاذ صلاح تحت.
لينقلب ملامح فرح للحزن. أمسكت هدي يدها ونظرت لها نظرة اطمئنان، وأخذتها لأسفل.
كان مازن ينتظر مع أستاذ صلاح والمأذون. عندما وجد حورية صغيرة ترتدي فستانًا أبيض طويلًا ومصممة شعرها بطريقة جعلتها أشبه بالأميرات، والتاج الذي جعلها بالفعل أميرة على عرش قلبه.
أمسك بيدها وهي حبست أنفاسها، وكان الأكسجين توقف حولها. كيف الهروب؟ كيف الفرار من المحتوم؟
الفصل السابع
كان لا يتوقف عقلها عن التفكير: لماذا يفعل هكذا؟ هو يتعامل هكذا فقط لأجل الآخرين..
كتب.. كتب الكتاب وسط أجواء السعادة الرقيقة.. حين رحل الجميع عن الفيلا، لم يتبق سوى حسام الذي حاول بكل الوسائل أن يبيت بالخارج، ولكن رفض مازن.
حسام: مش عارف انت معترض ليه؟ كنت هبات انهاردة حتى برة.
مازن: لا طبعًا، خليك. أنا قولت كلمة ومش هرجع فيها تاني.
حسام: طيب أنا هطلع أنام، تصبح على خير. تصبحي على خير يا فروحة.
تتضايق مازن من مناداة حسام لفرح بهذه الطريقة.
مازن: وانت من أهلها؟
فور صعود حسام، أمسك يدها برقة وصعد بها إلى غرفته.. وأغلق الباب خلفه.
فرح: انت جبتني هنا ليه؟ أنا عايزة أروح أوضتي.
مازن: أوضة مين دي؟ أوضتك دلوقت. انت ناسي انك دلوقتي مراتي..
فرح كانت تشعر بالتوتر الشديد وأخذت ترتعش من القلق والتوتر. هو خشي أن تدخل في إحدى نوبات الفزع التي تصيبها، فاقترب منها بحنان. كانت تريد أن تبتعد عنه، ثم هدأت تدريجيًا. كانت لا تشعر بهذا الكون. ما هذه المشاعر الغريبة التي تشعر بها لأول مرة؟
كانت تشعر بالغرابة. ابتعد ببطء، نظر لها وجدها مغمضة عيونها. اقترب وقام بإزالة التاج من على رأسها. لا يصدق هو الآخر ما يحدث. أيمكن أن تكون إحدى أحلامه؟ أيمكن أن تكون بين يديه؟ أيمكن أن تكون الوصية جعلتها ملكة؟
كان يتأمل جمالها الفتان الذي يأسره.
مازن: انتي جميلة جدًا.
كانت لا تتحدث، فقط أبعدت وجهها عنه خجلًا.. ليمسك وجهها ويديره اتجاهه ونظر لعيونها بطريقة عاشق لا يستطيع الابتعاد عن محبوبته.
مازن: انتي مكسوفة مني؟ مش عايزك تكسفي مني، وخصوصًا دلوقتي. أنا جوزك دلوقت.
لم تتحدث، لا تنظر في عيونه، لا تصدق ما حدث. أيمكن أن تكون أصبحت زوجة مازن شرعًا وقانونًا؟
أمسك مازن بوجهها ونظر لعيونها بقوة: أنا بحبك.
لم تصدق ما تسمع. قلبها سيتوقف عن النبض. هل أخبرها بحبه؟ لم يخفق قلبها بهذه الطريقة. لم تتحدث.
وهو مبتسم على فعلتها. هو بالتأكيد لن يستعجل حبها، سيعلمها كيف تحبه كما يحبها. يكفي أنها أصبحت تطمئن.
كان هناك من يتحدث مع فتاة تحبه إلى حد الجنون.
الشاب: ازايك يا حبيبتي، عاملة إيه؟
آلاء: الحمد لله يا حبيبي، وانت؟
الشاب: الحمد لله. والطفلة عاملة إيه؟
آلاء: نايمة كويسة. انت مش هتيجي؟
الشاب: لا، مش هعرف. هحاول بكرة.
آلاء: بس البنت بتصحي تقول بابي.
الشاب: معلش، سلمي عليها وقوليلها بابي هيجي ومعه الحاجات كلها اللي هي بتحبها.
آلاء: طيب وبعدين؟
الشاب: آلاء، أرجوكي سيبي كل حاجة لوقتها.
آلاء: حاضر ماشي.
الشاب: هحاول أجي بكرة.
آلاء: ماشي.
الشاب: بحبك.
لتبتسم. لا تعرف كيف يغفل قلبها الأحمق ويضحك عليه عند قول هذه الكلمة السحرية.
آلاء: أحبك كثيرًا.
هدي: طارق يا طارق.
طارق: أيوة؟
هدي: كنت فين كل دا؟ بنادي عليك من بدري.
طارق: ها.. مفيش، كنت بكلم السكرتير عشان شغل بكرة.
هدي: طيب.. شوفت اليوم كان حلو ازاي؟
طارق: آه كان حلو جدًا.
هدي: ربنا يتمم ليهم على خير.
طارق: يارب. على فكرة أنا لاحظت أد إيه كان مازن مبسوط.
هدي: وأنا كمان كان فرحان أوي.
طارق: أنا حاسس إنه بيحب فرح.
هدي: تفتكر؟
طارق: ممكن.
هدي: يارب يطلع بيحبها ويحبوا بعض. يارب.
مازن: أنا نازل، عايزة حاجة؟
فرح: إيه دا؟ انت هتروح فين؟
مازن: بقالنا أسبوع عسل، كفاية. هروح أشوف شغلي.
فرح: هتتأخر؟
اقترب منها.
مازن: طيب باي.
فرح: باي.
كانت سعيدة للغاية. لقد عاشت معه أسبوعًا عاملها كالأميرة. أصبحت تحبه.. تحب حنيته ورقه، معاملته الحسنة لها.
فرح: أنا هعد أعمل إيه؟ أنا أروح أطمن عليه، أعد معه شوية، وبعد كدة نروح نتغدى.
ارتدت فستانًا أزرق لركبة بأكتاف عريضة وقامت بتجميع شعرها على كتف واحد.. نزلت وركبت سيارتها لتجد هاتفها يرن برسالة من رقم غريب.. لتنقلب ملامح وجهها. وتقود السيارة بجنون.
صعدت سلالم الصالة الخاصة به لتجد على الباب.
نادر: لحظة يا فرح؟ إيه جابك دلوقت؟
وبدأ بنظرة أشعرتها بعدم الصدق. لتدفعه وتجري على مكتب مازن وتفتحه لتتفاجأ ب.. كان مع امرأة جميلة والمرأة تبكي.. لتلمع عيون فرح ويسقط الدمع منه.. ليتفاجأ مازن بها.
مازن: فرح؟
فرح: ليه؟
مازن اقترب منها: انتي مش فاهمة حاجة.
فرح: طلقني.
وأغشي عليها. ليحملها مازن قبل سقوطها على الأرض. ويمدها على الكنبة.
مازن: آلاء، هاتي مية.
آلاء: حاضر.
وأحضرت كوب ماء. أمسكه مازن وقام بإسقاط بضع قطرات على وجهها. لتفيق قليلًا. فور أن فتحت عيونها أخذت تبكي بقوة.
فرح: ابعد عني.. أنا بكرهك، طلقني.
مازن: انتي فاهمة غلط، أنا بحبك.
فرح: كداب.
آلاء: يا مدام فرح..
فرح: اخرسي، مش عايزة أسمع منك حاجة.
وأخذت تدفعه من صدره برفق.. طلقني.. طلقني. وتبكي بقوة.
