حسام: مخنوق شوية، هتمشي شوية وهرجع.
هدي: انت كمان؟ اتفضل مع السلامة.. طارق، ماشيني من هنا، دماغي معتش قادرة.
حسام: في إيه بس..
هدي: مفيش، عايزة أروح بعقلي. أنا ابني لسه صغير ومحتاجني. يلا يا طارق..
طارق: طيب يلا، مع السلامة يا حسام.
وفور ذهابهم، خرج حسام بعدها من الفيلا.
الفصل الخامس
كان في إحدى الصالات الخاصة به للتدريب. كان يضرب بكل قوته ليخرج كل المشاعر التي بداخله، نعم كل المشاعر المضطربة.. كان يلكم بكل قوته.. إلى أن دخل عليه.
مازن: قالها نادر.
ليوقف مازن التدريب وينظر له.
مازن: إيه اللي جابك دلوقت؟
نادر: ها.. أنا.. أنا كنت بتمشي فلقيت النور مولع.. قولت أطلع أشوف مين.
مازن: آه، أنا بس كنت مخنوق، قولت أجي العب شوية.
نادر لنفسه: وانت اللي زايك يتخنق من إيه؟ عندك فلوس زي الروز وواخد بطولات على قلبك أد كدة، وعندك صالات تدريب كتير أوي. لكان كل دا، أنا هعرف أخده منك. أصله كتير عليك أوي. طول عمرك محظوظ.
نادر: مخنوق من إيه.. بس؟
مازن: مفيش موضوع كدة..
نادر: طيب احكي، يمكن أفيدك.
مازن: طيب بص يا سيدي.
وقام بقص كل شيء يخص الوصية. أخذ نادر يشتعل بنيران الغيرة، فهو كان يعلم بحب مازن لفرح، ومع ذلك فهو أيضًا معجب بها وبجمالها، وتتضايق من الوصية التي ستجعل من مازن قريبًا من فرح.
مازن: سرحت في إيه؟
نادر: ها؟ لا، مفيش، بفكر في كلامك.
مازن: طيب ووصلت لحل؟
نادر: لا بس من رأيي لو هي مش موافقة ابعد.
مازن: ابعد؟ لا أبدًا، أنا بحبها أوي.
ليحمر وجهه غيظًا على رجل لم يلقَ منه سوء المعاملة الحسنة، ولكنه بدله السوء..
نادر: آه.
مازن: طيب أنا همشي، انت هتمشي ولا؟
نادر: روح انت.. أنا هقفل وأروح.
مازن: أوكي.. باي.
نادر: باي.
فور ذهابه، كان نادر يغلي من الغضب.
نادر: فيك انت إيه زيادة عني؟ اشمعنا انت يبقي عندك كل حاجة وأنا معنديش أي حاجة؟ كل حاجة بتخودها. بس هحصرك..
كان في سيارته لا يفكر إلا في صاحبة العيون البنية. لكن نظرة عيونها تنسيه حتى نفسه. ولكن كيف السبيل إلى قلبك صاحبة العيون البندقية.
كانت في غرفتها لا تتوقف عيونها عن إسقاط اللؤلؤ. كيف يكون العالم بهذه القسوة؟ كيف يجعلها يتيمة لمرة أخرى؟ ألا يرفق بها؟ كيف؟ وكيف يأتي عليها اليوم الذي فيه ستتزوج من تخشاه وتشعر أنه لا يطيق وجودها؟ كيف تتزوج هذا الشخص؟
كانت تضرب كل الأفكار برأسها عندما سمعت صوت باب الفيلا يفتح. جرت لتنظر من الذي أتى. فور أن فتحت الباب اشتمت رائحة عطره القوي. أغلقت الباب بقوة وأغلقت الأضواء واختبأت بالسرير. كانت تتسارع دقات قلبها، فهي لوحدها بالفيلا.
أما هو سمع صوت انغلاق الباب بقوة، اكتفى بابتسامة ودخل لغرفته. فهذه الصغيرة ستصيبه بالجنون. وقام بدخول غرفته ونام، وهو يتمنى أن تكون ملكة في القريب.
في منزل هدي:
هدي: مش قادرة أصدق بجد. الوصية؟ تفتكر بابا عامل كدة ليه؟
طارق: بصي يا هدي، هي الوصية شوية غريبة، بس والدك كان راجل ذكي وعارف بيعمل إيه..
هدي: بس هما مش عايزين كدة ووافقوا غصب.
طارق: محدش يعرف ربنا مخبي إيه.
هدي: صح.
طارق: يلا ندخل ننام.
هدي: يلا.
..
في مكان آخر كانت فتاة تمتلك جمالًا هاديًا كعيون واسعة سوداء وشعر أسود طويل. كانت تبكي بقوة.
الفتاة: حتى في عز حاجتك مش عارفة أبقى جنبك، دا ميردش ربنا.
الشاب: اهدي يا حبيبتي، كل حاجة بتيجي في وقتها.
الفتاة: حرام عليك بقى، بقالك سنة بتقولي كدة، ليه؟
الشاب: يا آلاء يا حبيبتي، ظروف جوازنا أتت بسرعة ومكنش في وقت أعرف حد..
آلاء: ماشي، بس خلاص، ذنبها إيه بنتك تتربي بعيد عن أهل أبوها وتعرفهم ويعرفوها؟
الشاب: كل حاجة هتيجي في وقتها، بس مش دلوقت أكيد يا آلاء.
آلاء: ماشي هستحمل، بس عشان بحبك. بس كان نفسي أبقى جانبك دلوقت.
الشاب: ماانتي جانبي اهو.
الشاب: بحبك أوي.
آلاء: أحبك كثيرًا.
كانت تمر الأيام سريعًا، والجميع بداخله الكثير من الأسرار، ليأتي يوم الزفاف. جاءت هدي في هذا اليوم باكرًا لفيلا وصعدت لغرفة فرح.
هدي: مبروك يا فرح يا حبيبتي.
فرح أخذت تبكي.
هدي نظرت لميك اب أرتست: ممكن تسبينا شوية؟
المرأة: أكيد، بعد إذنك.
فور رحيل المرأة..
