في نهار يوم جديد، مراد بينزل.
صفوت: يلا يا ضنايا، فكر تاني وحاول تيجي، منال لازم تجوزها.
مراد بغضب: مش عارف مستعجل على إيه؟! قولت مستحيل.
صفوت: أتصرف مع جدي يا مراد لما يوصل.
في وقت قصير، دارين بتنزل من على السلم وبتلاقي منال قاعدة جنب مراد، فكرت أنهم هيتتجوزوا.
دارين: وقلبي من وقتها كان هيتشال من مكانه، لكن من اللحظة دي وانا خلاص شلت مراد من قلبي نهائي.
مروة: عايزاكي تهدي خالص.
دارين بضحك: ألف مبروك يا سي مراد.
مراد بزعل على حالتها: مبروك على إيه يا دارين؟! انا مش هتجوز منال.
منال بغيظ في سرها: أن شاء الله نتجوز.
دارين: أمم، ربنا يتمم ليكم على خير.
صفية: يلا يا ضنايا، حاول تتجوز منال بقي.
مراد بعصبية: والله اللي بيحصل ده غلط كبير اوي، وانا مش هتجوز! لما جدي يجي في الليل.
الجد مجدي وصل.
مجدي: فين ابني ومراته؟!
مراد: أنا اهو يا جدي.
منال: أهلاً يا جدي.
العيلة كلها بتسلم عليه ما عدا دارين.
مجدي: مراد، جدي، انا مش هتجوز منال.
مجدي بصوت عالي: ليه يا مراد؟! أوعدك تكون بتحب بنت تانية واصل؟!
مراد: مش أنت أهم حاجة عندك يا جدي حفيد للعيلة؟!
مجدي: آه يا ولدي.
مراد: خلاص ماشي، أنا هتجوز بس بمزاجي مش تجبرني على منال.
مجدي: خلاص يا مراد، لو خلال أسبوع متجوزتش واحدة تكون بتحبها أو مش بتحبها، المهم عندي خلال أسبوع تكون متجوز.
مراد: إن شاء الله.
مجدي: إيه يا دارين، هتفضلي واقفه بعيد كدا كتير؟!
دارين: لا طبعاً يا جدي، وبتسلم على إيده.
مصطفى (ابن خالت دارين) بيدخل من وراها: وانا مش هتسلمي عليا يا دودو؟!
مراد بغيظ: دودو؟!
دارين: إيه ده؟! جيت أمتى؟! مقلتش لي انك جاي!
مصطفى: قولت أعملها مفاجأة.
دارين: أحلى مفاجأة.
مراد: مش خلاص يا دارين، ويلا اطلعي على فوق.
منال بغيره: في إيه يا مراد؟!
مراد بيطلع ويسيبهم: ولا حاجة.
دارين بتطلع تشوف مراد.
دارين: خير يا سي مراد؟! مش كل حاجة تحصل تقول لي اطلعي فوق، انا مش صغيرة.
مراد قرب منها: لا، بالنسبة لي صغيرة، وأوي كمان.
دارين بتبعده: إهنا! وبتخرج.
بيعدي أسبوعين على هذا الكلام، ومصطفى بيتقرب من دارين جامد وبقوا صحاب أوي.
في نهار يوم جديد، الكل قاعد على ترابيزة الوكل.
مصطفى: جدي، انا طالب منك طلب.
مجدي: اطلب يا ولدي.
مصطفى: انا طالب إيد دارين على سنة الله ورسوله.
مراد كان بيشرب الكوباية انكسرت في إيده.
صفية: ولدي، أنت كويس؟!
مراد بغضبة: كويس.. كويس.
دارين قامت جابت شاش: هات إيدك يا سي مراد.
منال: هاتي يا حبيبتي، انا هعملها ليه.
دارين: تمام.
مجدي: أنت كويس يا ولدي؟!
مراد: كويس.
مصطفى: ها يا جدي، قولت إيه؟!
مجدي: نسأل الأول. دارين، ها يا بنتي، قولتي إيه؟!
دارين: اللي تشوفه.
مجدي: خلاص، إن شاء الله تبقي في بيتك النهارده، أعزم كل كبار البلدية يا حسام يا ولدي.
حسام: حاضر.
مراد بيطلع فوق بعصبية: إزاي كدا؟! إزاي؟!
في الليل، المعازيم كلها وصلت ودارين كانت زي القمر.
مجدي: يلا يا بنتي تعالي اقعدي، وانا هشوف مصطفى فين.
دارين: حاضر. وبتبص لمراد اللي مش شايل عينه من عليها.
سماح: قمر يا بنتي.
بعد وقت قصير…
مجدي: هو فين مصطفى يا دارين؟!
دارين: معرفش والله يا جدي.
مروة راحت الأوضة بتاعت مصطفى: جدي، انا لقيت الورقة دي.
دارين بتروح وراهم.
مراد: هاتي الورقة وتعال فوق يا جدي علشان المعازيم.
مراد بيقرا الورقة: “انا مصطفى يا جدي، وانا آسف ليك من كل قلبي، بس انا كان لازم اعمل كدا وما أتجوزش دارين فسافرت، خلاص انا آسف بس أنا مش هقدر أتجوز، قول لدارين إني كنت بحبها أوي”.
دارين وقعت في الأرض.
مروة: حبيبتي تعالي تعالي، هاتي مايه يا منال.
مراد بعصبية: هو إيه التخلف ده؟! انا مش فاهم حاجة! إزاي يسيب واحدة على كوشة الفرح؟!
مجدي: خلاص، دماغنا هتبقى في الطين، عار علينا، هنقول إيه للمعازين؟! هنعمل إيه؟! هنتصرف إزاي؟!
صفية: اهدي ده يا بابا، ما ينفعش تعمل كده، اهدي علشان صحتك.
دارين بعياط شديد: كان قال لي لو ما مش قادر يتجوزني، لكن ما يعملش فيا كده ويسيبني في الآخر!
مجدي: هنعمل ايه يا ولدي؟! لا حول ولا قوة إلا بالله العلي العظيم.
مراد بتفكير وهو بياخد نفس عميق: انا اللي هكتب على دارين الليلة!
بصله الجميع بصدمة شديدة، وأولهم دارين اللي حست أنها قليلة أوي لدرجة أنها هتتجوز واحد غصب عنه.
مجدي: أنت بتقول إيه يا ولدي؟!
مراد: لازم نعمل كدا، المأذون تحت والمعازيم النهارده، كتب كتابي على دارين.
منال: إزاي يا مراد إزاي؟! طب وانا؟!
مراد: ده اللي لازم يحصل يا منال، كدا كدا أنتِ مش مراتي.
سماح بغضب: أنت بتقول إيه؟! هتتجوز واحدة بتحب غيرك؟! هتقبلها على نفسك إزاي يا مراد؟!
مراد بجدية وصرامة: أما أنا قلت اللي عندي، دا قراري وانا راضي جداً عنه.
دارين قامت مع مروة وطلعت أوضتها.
مراد بص لطيفها بقلة حيلة.
دارين: انا مش عايزة أتجوز سي مراد.
مروة: مش احنا اللي بنقرر يا دارين، أنتِ عارفه كويس أوي أوامر أبيه مراد بالذات سيف، ومحدش يقدر يعارضها، يلا عشان أجهزك لفرحك بسرعة علشان أنتِ بوظتي كل الميكب اللي كان معمول.
هزت رأسها باستسلام: هي مين هي عشان تعارض قرار كبير البلد؟!
في المساء، تم عقد جواز مراد ودارين.
دخل مراد الأوضة.
دارين بخوف وهي بتبلع ريقها: أنا آسفة.
مراد بجدية: مش ذنبك يا دارين، انا عارف، بس إيه هتفضلي قاعدة بالفستان النهارده فرحنا على فكرة؟!
دارين بتوتر: هو.. هو يعني أنا مش جاهزة دلوقتي.
مراد: ومش مراد المنشاوي اللي يقرب من واحدة قلبها مع غيره، وإن كنت اتجوزتك فدا علشان حالة جدي الصحية وعلشان المعازيم اللي تحت مش أكتر.
دارين بدموع: تمام.
مراد: يلا أدخلي خدي دش.
دارين: حاضر.
بعد وقت طويل، مراد قلق عليها علشان تأخرت، جاي يخبط عليها.
مراد لقى دارين خارجة من الحمام وكانت لابس بيجامة عليها بعض الرسوم الكرتونية ورابطة شعرها بعشوائية تاه فيها، وهو أول مرة يشوفها بشعرها.
دارين بخجل من نظراته: أحم.
وهو بيفيق من توهانه فيها، اتكلم بجدية: أنا خارج.
دارين: هتروح فين؟!
مراد وهو بيقرب منها وهي بتبعد لحد أما خبطت في الحيطة وراها.
دارين بتوتر وهي بتغمض عينيها بخوف: أنت هعمل إيه؟!
ابتسم على شكلها واتكلم بجدية وصرامة وهو بيمسك إيدها: متخافيش، وبوصيلي.
دارين وهي بتبصله: ممكن تبعد شوية؟!
مراد بعصبية: يواه! انا مش بحب أعيد وأزيد في كلامي كتير، قولتلك مش هقربلك وأنتِ قلبك مع غيري، وبعدين أنا لو كنت عايزك كنت خدتك من أما تحبي مصطفى وكنتي عايزه تتجوزيه، لكن أنتِ بقي حظك كده اعملك ايه بس؟! أنتِ عندي زي اختي بالظبط ومش هعرف أشوفك غير كدا، أنتِ فاهمة يا دارين؟!
حسيت وقتها أنها متتحبش من حد، لا من مراد ولا من مصطفى.
اتكلمت بصعوبة وهي حابسة دموعها من الخروج بالعافية.
دارين بزعل: آه فهمت، وأوي كمان!
مراد: عايزة تقول إيه؟!
دارين: السؤال بتاع المتجوزين: رايح فين وجاي منين وهتيجي امتى من برا؟ مش أنا اللي أتسال من مين أياً كان، فحطي في دماغك النقطة دي عشان أنا بحذر في الأول بعد كدا هتصرف تصرف مش هيعجبك، تمام؟!
دارين بدموع: ماشي.
خرج بسرعة وهو بيرزع الباب وراه.
دارين بتقعد على ركبها.
دارين بعياط: ليه يا ربي بقي؟! اعمل إيه دلوقتي؟! انا عارفة إني مش مقبولة.. حتى أبويا وأمي سابوني!
