مروة بتخبط.
دارين بتمسح دموعها: مين؟!
مروة: أنا يا حبيبتي مروة.
دارين: تعالي يا مروة.
مروة بتجري عليها: تعالي يا حبيبتي، أنتِ قاعدة في الأرض ليه أكديه؟! أبيه عمل ليكي حاجة؟!
دارين: تؤ تؤ مفيش، خلاص أنا كويسة.
مروة: متأكدة؟!
دارين: آه، يلا روحي نامي الوقت أتأخر، الصباح رباح.
مروة: ماشي يا حبيبتي، بس مراد خرج ليه؟!
دارين بدموع: هتلاقي مش طايق نفسه وهو قاعد مع واحدة كانت لغيره.
مروة: متقوليش كدا يا حبيبتي.
دارين: يلا يا مروة انا عايزة أقعد لوحدي، يلا روحي نامي.
مروة: حاضر يا حبيبتي. وبتخرج.
بتلاقي حسام ابن عمها الكبير جاي وهو مدروخ.
مروة: أنت كويس يا حسام؟!
حسام: هههه كويس.. كويس.
مروة: أنت يا حسام تعال معايا فوق، لو عمي شافك هموتك!
حسام بيزقها: أنا حر.
مروة: لا يا حسام تعال معايا، مينفعش كدا.
حسام: يا ستي أنا عارف انك بتحبيني، خلاص تعال وصلني فوق.
مروة: بس.. بس مش أكديه يا حسام تعال.
وبطلع حسام الأوضة.
حسام بيمسكها من وسطها: خليكي معايا.
مروة بعياط: بس.. بس يا حسام أرجوك!
حسام بيضربها على راسها بالفازة اللي على الدرج، بيغمى عليها وبيزقها على السرير في جناح دارين.
دارين: يا ربي أنا زهقانة أوي، انا هنزل أتمشى في الجنينة شوية.
وبلبس جلابية والطرحة وبتنزل علطول. الغفير عينه مترحمتش من عليها، وهي كانت قاعدة في الأرض بتاعت الجنينة بترسم وهي سرحانه، بترسم مراد وهي سرحانة.
مراد دخل البيت، طلع الأوضة وملقاش دارين موجودة، خبط على باب الحمام مفيش أي رد، فتح الباب وملاقهاش موجودة. خرج من الأوضة وشاف واحدة من الخدم معدية من قدام الأوضة.
مراد: دارين هانم فين؟!
– نزلت الجنينة يا بيه.
مراد: تمام، روحي أنتِ.
نزل الجنينة، لاقى دارين قاعدة في الأرض بترسم، والغفر اللي في البيت عمال يبص ليها.
بصلهم بغضبة وغيرة شديدة.
دارين بخوف بتقفل الصورة بسرعة عشان ما يشوفش إن هي رسمته.
مراد بغضب واقف ساكت وباصص للغفير: يلا روحوا شوفوا شغلكم!
ماشيهم علشان يعرف يتكلم مع دارين وميكونش حد واقف.
دارين بخوف من سكوته.
مراد بجدية وهو ماسك فونه وبيقلب فيه: هاا، إيه اللي نزلك في الوقت ده؟!
“زي دا انت عارفه الساعة كام؟” دارين بتوتر: “عادي يعني يا سي مراد أنا كنت زهقانه فوق لوحدي”. قاطعها مراد وهو بيتكلم بحدة: “لا مش عادي، الكلام دا كان عادي وأنتِ مش على ذمتي، لكن دلوقتي أنتِ مرات كبير البلد، مينفعش تنزلي من أوضتك في وقت زي دا تاني حاجة بقى أنا مش سي مراد، أنا جوزك، اسمي مراد”. دارين بدموع: “حاضر”.
مراد بحنية مفرطة: “قولت أنا إيه دلوقتي يخليكي تعيطي؟” دارين: “مفيش، وآسفة مش هتتكرر تاني عن إذنك”. جت تطلع الأوضة متعثرت في درجة السلم من سرعتها اللي كانت ماشية بها، مراد بخوف شديد وهو بيروح عندها: “دارين أنتِ كويسة؟” دارين ببكاء: “رجلي باين اتلويت”.
شالها برفق وحنية مفرطة، دارين بدموع وخجل: “مراد”. مراد بتوهان فيها وفي اسمه اللي أول مرة يسمعه منها: “نعم؟” دارين: “نزليني أنا هعرف امشي لوحدي”. مراد: “ششش، اسكتي وبطلي عياط”. وصل بيها لاوضتهم حطها على الكنبة برفق ونزل قعد عند رجليها.
مراد: “هتوجعك وانا بفكها وبعد كدا هترتاحي”. دارين هزت راسها بخجل، مسك رجليها وحركها بقوة، دارين ببكاء: “ااااااه يا ربي، بقي براحه يا مراد”. مراد بحنيه: “خلاص خلصنا استني”. راح جاب مرهم ودهنه برفق وحنية مفرطة.
مراد: “بقيتي احسن؟” دارين ببكاء: “ايوه خلاص”. مراد وهو يعقد جانبها على الكنبة: “بتعيطي ليه دلوقتي؟ رجلك بتوجعك أوي؟ ارن على الدكتورة تيجي تشوفك؟” دارين: “لا كفايه تعب عليك لحد كدا”.
مراد بحنية وهو بيزيح شعرها ورا ودنها: “أولاً أنا متعبتش في حاجه، ثانياً بقي بتعيطي عشان زعقتلك تحت؟ أنا آسفة والله أنا بس خايف عليكى من الغفر اللي كانوا مش شيلين عنيهم عنك”. دارين بدموع وهى بتلقائية منها: “لا أنا مش زعلانة منك، أنا زعلانة على نفسي، علي نفسي يا مراد”.
كان معلق ايديه في الهوا وهو مستغرب حركتها، مسكت فيه بقوة وهي بتبكي: “هو أنا متحبش يا مراد؟ هو أنا وحشة؟” مراد بألم مش عارف سببه: “أنتِ بتحبيه لدرجة دي؟” دارين: “مش كدا، أنا بس صعبان عليا نفسي، وكل اللى حصل معايا، مصطفى ميستاهلش أزعل عشانه بس هو قلل ثقتي بنفسي، حاسسني إني وحشة أوي لما يسيب واحدة يوم فرحها”.
“و أنا مليش أهل يا مراد، أنتم بس يعني اللي ليا، وانا عارف أن في في العيلة مش متقبله أن واحده يتيمه تقعد هنا في وسط عيله كاملة، عارف لما تحب تحكي ل أمك و متعرفش تتكلم مع حد و المفروض هو يكون اكتر واحد حاسس بيك؟ أنا كل يوم يا مراد ببص في المرايا و بكلم نفسي، أنا خلاص يا مراد هتجنن من وحدتي”.
مراد وهو بيطبطب عليها: “هش هش اهدي اهدي يا دارين، محدش بيختار قدره، وبعدين أنتِ مش لوحدك، أنا خلاص معاكي، وكلنا هنا بنحبك، وأنتِ ست البنات والله، أنتِ جميلة جداً وزي القمر واحلى واحده”. دارين بطفوله: “أنت بتقول كدا عشان تجبر بخاطري صح؟” مراد بتلقائية: “والله أنتِ قمر أوي وعاجبني أوي وانا مش هكدب اكيد”.
دارين خرجت من حضنه بخجل شديد، بصلها حاول يتحكم في نفسه وفي بصته ليها بس مقدرش واتكلم بهمس: “أنتِ جميلة أوي يا دارين”. دارين بخجل شديد وتوتر: “مراد ابعد”. مراد بهمس: “مش قادر والله”. دارين بتوتر وهي بتحاول تبعد اتكلمت بغضب ودموع: “بقولك ابعددد بقي، أنت في إيه؟ مش بتكلم”.
مراد 5 عاصفه الحب. بعد بصعوبة وهو بيمسح على وشه: “أنا خارج هروح أطمن على جدي”. دارين: “اوك”. مراد نزل: “أمتي بقي اتحكم في نفسي؟” مراد بيخبط: “ادخل، اللهم صلى وسلم وبارك على سيدنا محمد”. مراد: “صاحي يا جدي؟” تعال يا مراد”.
مراد وهو بينام على السرير: “الصراحة مقدرتش أبعد عنك، قولت أجي أبات معاك الليلة”. مجدي: “هتفضل تهرب لحد أمتي يا ابن ابني؟ ده أنت كبير البلديه مش اكديه”. مراد: “أهرب من إيه يا جدي؟” مجدي: “هتضحك على اللي مربيك يا مراد؟ أنا بفهمك أكتر ما بتفهم نفسك، أنت بتحب دارين من وهي صغيره، حتي وهي بتنام جنبك وتلاقيك بتبعد أفكرك علشان هي صغير، لكن أنت باين أوي يا مراد انك بتحب دارين”.
مراد بضحك عكس اللي جواه: “دارين؟ دارين دي اختي يا جدي، دارين عندي زي اختي يعني وأنا من زمان عارف كدا يعني يا جدي مش جديد وأصل”. مجدي: “أنت تضحك على الكل الا انا يا مراد، أنا عارف انك بتحبها من ساعة ما كنتوا صغيرين، بس اللي بعدك انك عارف انها اعتبرتكم زي ابوها علشان هو مات من وهي صغيره وانت كنت السند الوحيد ليها، بس شوف النصيب ربك رايد انها تبقى مرتك أنت”.
مراد بتنهيدة حزن: “مراتي اللي لما قربت منها عيطت يا جدي، مراتي اللي في قلبها حد تاني غيري، حتي لو سابها يوم فرحها بس باين انها حبته لانه اتقرب منها”. مجدي: “شويه وهترضى، واحده واحده علي البت مش اكديه، وانا عارف كويس اوي أن هي هتحبك يا مراد متقلقش”.
مراد: “مبقتش تفرق خلاص، أنا اتعودت أسمع من الكل اد ايه دارين بتحب مصطفى، اد ايه دارين نفسها مصطفى يرجع عشان تبقى معاه، كنت بسمع كل دا منهم، كنت بسمعها بتتكلم مع مروه وتقول مش مصدقة أمتي يوم فرحي يجي، وتقولها انها بتحب مصطفى علشان هو اتقرب منها اخر فتره وكان قريب منها لما أنا كنت بسافر مصر يا جدي”.
مجدي: “بس دلوقتي مين جوزها؟” مراد: “أنت عارف أن الموضوع وهي مراتي بيوجع اكتر بكتير، بلاش نتكلم في الموضوع دا تاني يا جدي علشان هي مش هتشوفني غير اني زي ابوها علشان أنا اللي مربيها”.
مجدي: “طب روح لمرتك يا ولدي واتعود، بلاش تفضل تهرب، لو هتهرب انهاردة مش هتعرف تهرب بعد كدا، وبلاش تبعد عنها، قرب منها وحسسها بالأمان وخليها تنسي مصطفى، وانا مش هقول الموضوع ده غير ومصطفى قدامي وهخلي البلديه تقلب عليه الدنيا”. مراد: “تمام حاضر، يلا تصبح على خير”. مجدي: “وأنت من اهله”.
دخل أوضته لاقى دارين نايمة، راح قعد جنبها وهو بيتأمل ملامحها، قرب منها وخدها في حضنه، بعد عنها بصعوبة. مراد: “امسك نفسك مينفعش يا مراد، بتقولي انك وحشة يا دارين؟ تعالي شوفي نفسك في عيني وانتي هتعرفي انك ملكة يا دارين، ملكه في عيني وفي قلبي، لا حول ولا قوه الا بالله العلي العظيم”.
في الصباح صحيت دارين ملقتاش مراد، بصيت على نور الحمام لاقته شغال، قعدت على السرير بنوم. مراد خرج وابتسم على شكلها. مراد: “طب بتصحي ليه ادام عايزة تنامي؟” دارين: “لازم انزل احضر الفطار معاهم”.
مراد: “مين اللي قال لازم؟ نامي وأنا هقولهم يطلعوا الفطار هنا، وأنتي مش مجبرة تعملي أي حاجه، ويبقى حد من الستات اللي تحت يكلمك”. دارين: “مرات عمي صفيه اللي هي المفروض حماتي دلوقتي بتزعقلي لو اتأخرت في الصحيان، بتقولي انتي بتدلعي، لو منزلتش هتبعتلي حد وهتزعقلي جامد”. كملت وهي بتقوم: “أنا هاخد شاور في السريع وأنزل بسرعة”.
مسك ايديها واتكلم بجدية: “محدش في البيت هنا يقدر يزعقلك، وأنتي النهارده مش هتخرجي من الأوضة ويبقى حد يكلمك، روحي نامي وأنا هقولهم يطلعولك الفطار، كمان ساعتين تكوني صحيتي باذن الله”. وسمع جده بيزعق.
دارين: “شكراً بس أنا ممكن أنزل الكلية من بكره”. مراد: “لما أجي نبقي نتكلم”. هو مش ده صوت جدي؟ دارين بقلق: “آه هو، بيزعق ليه كدا؟” مجدي بزعيق: “إيه اللي أنت هببته ده؟” مراد: “خليكي أنتِ وأنا هروح أشوف في إيه”. دارين: “لا أنا هاجي معاك”. وبتلبس الطرحه وبتخرج وراه بسرعه.
مجدي: “يا بوي يا حزني الحزن، إيه أنت عملته ده يا حسام؟” مراد: “في إيه يا جدي؟” دارين بشهقه لما شافت مروه بتعيط علي السرير: “إيه اللي أنت عملته ده يا حسام؟” مراد بصدمة: “إيه ده؟” حسام بلامبلاه: “أنا مكنتش في وعيي”. سماح: “مش في وعيك نعمل كدا؟ مكنتش في وعيك إيه يا ولدي؟ إيه اللي أنت عملته في البت ده؟”
مراد ضرب حسام بالبوكس: “إيه ده؟” حسام: “ملكش دعوه يا مراد، أنا حر في حياتي”. دارين بصوت عالي: “حر في حياتك تعمل كدا في البت؟” وبتأخد مروه. مروه بعياط: “أنا غلطانه إني كنت عايزه أساعد حد واطي زيك”. حنان بصوت واطي: “يالهوي”.
مجدي بغضب مفرط: “أنت ازاى تعمل اكديه؟ أنت اتجنتت؟” مراد بغضب شديد: “الحل انك تتجوزها يا حسام بعد اللي أنت عملته فيها ده”. مجدي: “هو ده اللي هيحصل يا حسام”. حسام: “مبحبهاش افهموا بقى وانا مش هتجوزها”.
مراد بجدية: “أنت زودتها اوي، قولتلك متعليش صوتك على جدك، وبعدين مبتحبهاش إيه اللي يخليك تعمل معاها اكديه؟ كنت جيت قولتلي ساعتها وانا كنت هتكلم مع جدي بخصوص الموضوع دا واخليك تتجوزها في الحلال انما لا، أستاذ حسام بيروح يسكر ويعمل اللي هو عايزه، مش كان أهم حاجة عنده انه يسهر وينزه نفسه انما بنت عمه تتحرق المهم مصلحته”.
حسام بضيق: “هتعمل عليا بقى الكبير العاقل وتقف في صفه زى كل مرة وتطلعني أنا الغلطان؟” مجدي حس أن الدنيا بتلف بيه وكان هيقع لولا ايد مراد اللي لحقته. مراد بخوف شديد: “جدي جدي أنت كويس؟” كمل وهو بيبص لحسام بغضب وبيتكلم بصوت عالي: “تعال شوف جدك”. تأفف حسام بضيق وهو بيبصلهم بسخرية.
مجدي بحسرة: “هعمل ايه النهارده الناس لما تجي تتقدم للبنت ويلاقي كدا هيقولوا علينا ايه؟ مش بعيد تتاخد منك العموديه يا مراد”. مراد: “تتحرق يا جدي اهم حاجه صحتك”. مجدي وهو يضع يديه على قلبه: “ااه يا ربي إيه المصائب اللي كل يوم ديه؟” مراد بخوف شديد وصرامة: “حد يجيب دوا جدي بسرعة”.
خرجوا كل الخدم على صوته فأوامر مراد تنفذ في الحال، راح حسام عنده وكشف عليه لأنه شغال دكتور. حسام: “مفيش حاجه بسبب عصبيته بس شويه وهيرتاح متكبرش الموضوع”. مراد: “عارف لولا اللي احنا فيه دلوقتي كنت علمتك الادب وأنت عارف كويس أنا ممكن اعمل فيك ايه”. بلع ريقه حسام بخوف شديد.
مجدي: “هعمل ايه يا ولدي؟” مراد: “هيكتب عليها انهارده وانا هجيب المأذون”. حسام جاي يتكلم: “مراد”. ولو معملش اللي بقول عليه هو عارف إيه اللي هيحصل. حسام بيسكت. دارين: “لو سمحت يا مراد خليهم يطلعوا علشان اخلي مروه تعرف تقوم”. مراد: “آه آه يلا يا حنان”.
حنان بتهكم: “طب حسام ماله؟ مش ممكن تكون البت مروه هي اللي عملت كدا علشان هو كان…” مروه بعياط: “أنت بتقولي ايه انا عمري ما اعمل كدا”. دارين: “هش هش يا حبيبتي خلاص”. مراد بعصبية: “مش شايفه بعينك يا حنان رأسها مفتوحه ازاي؟ يعني اكيد حصل اكديه وهي مش في وعيها”.
دارين: “لو سمحتم اطلعوا بره”. مراد: “يلا يلا تعال يا جدي اوصلك الاوضة بتاعتك”. مجدي: “يلا يا ولدي”. صفوت: “تعال يا ابوي هاخده معاك يا مراد يا بني في…” مراد: “أنا لازم أروح أشوف الشغل في المزرعه انهارده يا جدي وممكن أتأخر، خلي عمي صفوت يجيب المأذون علشان مينفعش مروه تقعد انهارده غير وهي متجوزه حسام، بس هروح أشوف دارين وأروح علي طول”. مجدي: “علي خير يا ولدي بإذن الله، اللهم صلى وسلم وبارك على سيدنا محمد”.
دارين: “تعالي يا حبيبتي خدي دش”. مروه بزعل: “مش قادره اتحرك”. دارين: “معلشي هاتي أيدك يا حبيبتي”. مروه بتروح معاها الحمام: “أنا بحب حسام اه بس مكنتش عايزه نتجوز بالطريقة ديه يا دارين”. دارين افتكر كلام مراد: “محدش بيختار قدره يا مروه وده قدرنا”. مروه بتعب: “الحمد لله هاتي لي جالبيه وانا هاخد دش و أخرج”. دارين: “حاضر”.
