وفي يوم، مليكة كانت قاعدة لوحدها في البلكونة، شافت ناصر طالع من العمارة لابس جلابية بيضا وشكله قمر قوي. ندهت عليه:
— يا ناصر!
— نعم يا بنتي.
— اطلع عايزك.
طلع جري على فوق:
— في إيه، خير؟
— اقعد، عايزة أقولك حاجة.
قعد قدامها وهو قلبه بيدق جامد. قالت له:
— بص يا ناصر، أنا فكرت كتير في كلامك، وأنا منكرش إني حبيتك رغم إنك فقري وبتنرفزني كل يوم، بس حبيت غيرتك عليا وخوفك عليا، وحبيت إنك راجل بجد. أنا عايزة راجل زيك في حياتي، بس بشرط!
— اشرطي زي ما إنتي عايزة.
— تسيبني ألبس اللي أنا عايزه، وتسيبني أشتغل، وتسيبني أخرج مع صحابي، وتفضل تحبني زي ما أنا.
— موافق، بس بشرط أنا كمان!
— إيه؟
— تلبسي اللي إنتي عايزه جوه شقتنا، إنما بره تلبسي اللي يستر جسمك؛ مش عشان أنا بتحكم فيكي، لا، عشان إنتي مراتي وحلالي وجوهرة، والجوهرة لازم تتغطى عشان محدش يبص لها.
— موافقة يا صعيدي، بس هلبس اللي يعجبني في المصيف!
— في المصيف هلبسك أنا بنفسي وهبقى أنا اللي واقف جنبك وأحرسك.
— يا لهوي عليك وعلى كلامك!
وضحكوا هما الاتنين، وميادة كانت واقفة في البلكونة فوق بتسمعهم وبتزغرت من الفرحة، ونادت على مسعد جوزها وقالت له: “تعالى شوف العيال اتصالحوا أخيراً!”. مسعد قال لها: “سيبيهم يا ميادة، دول زي القط والفار بس بيحبوا بعض قوي”.
وبعدها بشهر، ناصر جاب أهله من الصعيد وجه اتقدم لمليكة، ومليكة وافقت واتخطبوا وعملوا خطوبة كبيرة في العمارة كلها والجيران كلها جت تبارك. وماجد بتاع السوبر ماركت جه يبارك وهو مكسوف. ناصر خد مليكة من إيدها قدام الناس كلها وقال لها: “شوفتي يا بنتي إنتي مراتي خلاص قدام الدنيا كلها”. قالت له: “أيوه يا صعيدي أنا مراتك وإنت جوزي، ومهما اتخانقنا هتفضل إنت الراجل اللي غير حياتي وخلاني أحب أكون ست بجد ليها راجل يغير عليها ويخاف عليها بجنون”.
وعاشوا مع بعض في نفس العمارة، بس شالوا الحيطة اللي بين الشقتين وفتحوهم على بعض وبقت شقة كبيرة ليهما هما الاتنين. وكل يوم الصبح ناصر يصحى يقول لها: “يا بنتي إنتي مراتي قومي اعملي لي شاي”، تقول له: “يا صعيدي يا نكدي قوم إنت اعملة أنا مش الخدامة بتاعتك”، يقول لها: “ماشي يا مراتي يا قمر هعمله أنا بس هتفضلي مراتي غصب عنك”، وتضحك مليكة وتقول له: “غصب عني إيه ده بمزاجي يا حبيبي، أنا اللي اخترتك من وسط كل الناس عشان إنت الوحيد اللي عرفت تحبني بجد بعنادي وجناني وكل حاجة فيا”.
وتمر الشهور، ومليكة تكتشف إن ناصر مش بس جار صعيدي عنيد، ده راجل حنين قوي بيصحى بدري يعمل لها الفطار قبل شغلها ويسيب لها ورقة صغيرة مكتوب عليها: “يا بنتي إنتي مراتي كلي كويس”. ومليكة اللي كانت بتسهر لوحدها بقت تستنى صوته في المطبخ وهو بيخبط الحلل. وميادة تقول لها: “شايفة يا بت الحب بيعمل إيه؟ بيخلي الصعيدي القوي يبقى خدام لحبيبته”، ومليكة تضحك وتقول: “يا طنط ده مجنني بس بحبه”.
ومسعد يقعد مع ناصر على القهوة يقول له: “يا ولدي الست عايزة كلمة حلوة مش أوامر بس”، وناصر يتعلم واحدة واحدة، يقول لها “يا قمر” بدل “يا بنتي”، وأحياناً ينسى ويرجع يقول “يا بنتي إنتي مراتي” فتضحك هي وتقول له: “برضه بحبها منك”. ومنه تقول لها: “يا بختك لقيتي راجل بجد”. وماجد بطل يعاكس أي بنت من ساعة العلقة.
والنهاية كانت بداية عشق كبير لا ينتهي، وعاشوا في هنا وسعادة وكل يوم حبهم يكبر أكتر وأكتر رغم العناد والغيرة والخناق اللي بيحلي الحياة، ومليكة بقت تقول بفخر: “أنا مرات الصعيدي الجدع ناصر، حبيبي للأبد يا ناصر”.
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”
