
ضحكت مهيرة بتهكم وهى تقول:
رجلي العارجة؟!
ضربتها نوال على كتفها وهى تقول:
يا بنتي، الموضوع ده مش مضايق سفيان ولا فى دماغه أصلًا، وبعدين دائمًا قولي الحمد لله، وبعدين خلاص بقا أدبسنا فيكي وحبيناكي وأمرنا لله!
ضحكت مهيرة وهى تضمها بقوة وقالت:
وأنا كمان بحبك أووووى يا ماما.
كانت زهرة جالسًة فى غرفتها تفكر فى كل ما حدث اليوم. لقد صدمت حين رأت الصور، لكنها تعرف صديقتها جيدًا؛ تعلم عن عشقها لحذيفة منذ كانت صغرى، لكن تلك الصور ولما مع حذيفة تحديدًا؟ ذلك السؤال الذى تحتاج إلى إجابة إليه. أمسكت هاتفها وطلبت رقمه، هو الوحيد الذي تستطيع أن تحكي له كل شيء حتى أفكارها غير المقتنعة بها. ظل رنين الهاتف حتى ظنت أنه لن يجيب، ولكن بالأخير فتح الخط وسمعت صوته الحبيب وهو يقول:
السلام عليكم.
ابتسمت وظلت صامتة تستمع لصوت أنفاسه. ابتسم هو الآخر وظل صامتًا لبعض الوقت ثم تكلم قائلًا:
هتفضلي ساكتة كتير؟
ضحكت وهى تقول:
حتى صوت أنفاسك بعشق أسمعه، صوت أنفاسك حياة يا صهيب.
كاد قلبه أن يقفز خارج صدره من كلماتها، يشعر أن كل الكلمات والأشعار ليس لها معنى أمام حبها له. تكلم بصوت هادئ ولكن به حشرجة من إحساسه بها:
بحس أنى قدامك وقدام كلامك طفل صغير لسه متعلمش الكلام.
صمتت فكانت فرصته لسماع أنفاسها الذي شعر فيها بتوترها. سألها قائلًا:
مالك يا زهرة؟
تكلمت وقصت عليه كل ما حدث بالجامعة وكل الأفكار التى تدور داخل رأسها والسؤال الملّح: لما حذيفة تحديدًا؟ أبتسم صهيب وهو يقول:
أولًا، أنا شايف إللى حصل ده حسب تفكير واحد زى حازم ده طبيعي إنه يفكر يشوه سمعتها علشان رفضتها كتير، وزى ما قلتِ آخر مرة أظهرتي موقفك الحاسم، فالحل الوحيد إنه يقول لكل الناس “أهي إللى عاملالنا شريفة وعفيفة”. وليه حذيفة تحديدًا؟ لأنه آخر واحد دافع عنها.
تنهدت زهرة بصوت عالٍ وهى تقول:
أنا عمري ما شكيت فى جودى، يمكن صدمة الموقف، يمكن خوف، بس أكتر حاجة حسيتها أني كنت محتاجالك جدًا، وعلشان كده كلمتك على طول. بس مرات عمي قالتلي إنك نايم فقلت أجبر دلوقتي وأهو بكلمك.
ضحك صهيب وهو يقول:
أمي ما قالتليش! على العموم حقك عليا أني كنت نايم، هفضل صاحى ومش هنام أبدا علشان لما تتصلي فى أي وقت أرد على طول.
ضحكت بصوت عالٍ وهى تقول:
ده أنا كده أكون جاية عليك بخسارة! وبعدين أي حاجة فى الدنيا تستنى، المهم راحتك.
صمتت قليلًا وهو أيضًا ثم قالت:
صهيب..
نعم؟
ابتسمت بخفوت ثم قالت:
أنا بحبك.
صمت تام.. لم يجيبها بشيء وهى أيضًا ظلت صامتة تستمع لصوت أنفاسه المرتفعة. طال الصمت بينهم، لم تمل هي ولم يتكلم هو، ومر وقت طويل حتى سمع صوت زوجة عمه تحدثه:
إزيك يا صهيب؟ معلش يا ابني، زهرة نامت.
ضحك بصوت عالٍ وقال:
ولا يهمك يا مرات عمي، هى صوتها كان مجهد جدًا. المهم، حضرتك كويسة؟
أجابته بابتسامة ناعمة ترتسم على وجهها:
الحمد لله يا ابني والله. وأنت يا حبيبي طمني عليك؟
قال سريعًا:
أنا كويس جدا الحمد لله، والحقيقة الفضل كله لزهرة.
كانت سعيدة بكلماته؛ صهيب هو الولد الذى تمنته ولم تنله يومًا، فالقدير تفضل عليها zeta ثم ابتلاها ولم تنجب بعدها. قالت برضا والسعادة:
أهم حاجة سعادتكم يا ابني.
تنحنح بصوت عالٍ ثم قال:
مرات عمي، كنت عايز أطلب من حضرتك طلب.
أجابته سريعًا:
أكيد يا حبيبي.
صمت لثوانٍ ثم قال:
أنا عايز أعمل مفاجأة لزهرة، ممكن تساعديني؟
ضحكت وهى تقول:
أكيد طبعا، قولي عايز إيه وأنا أعمله.
عاد سفيان وجودى إلى البيت بعد أن اتفقا على عدم إخبار أمهم بشيء. كانت نوال تجلس فى صالة منزلها بعد إصرار مهيرة على غسل الصحون. دخل سفيان قبل رأسها وجلس بجانبها، وجلست جودى على الكرسي المنفرد بعد أن حيت أمها بقبلة على خدها كما هي العادة. سألتهم قائلة:
أنت جيت بدري ليه يا سفيان؟ وكمان جودى جاية بدري، فى حاجة ولا إيه يا ولاد؟
نظر سفيان لجودى ثم ابتسم لأمه وقال:
أبدًا يا ست الكل، أنا جيت بدري علشان نتغدى بدري وأخد مهيرة ونخرج شوية، وأهو نتعرف شوية وتأخذ عليا، وجودى كان فى احتفال فى الكلية النهارده فلغوا المحاضرات.
ثم نظر حوله ثم سأل:
هي فين مهيرة صحيح؟
حركت نوال رأسها بلا معنى وقالت:
فى المطبخ بتغسل المواعين.
ظهرت معالم الاندهاش على وجه سفيان وجودى التى ترجمت اندهاشها قائلة:
مهيرة الكاشف! بنت راجي باشا الكاشف بتغسل المواعين؟! جبارة يا نوال!
ضحك سفيان وهو يتحرك من مكانة ليذهب لتلك القابعة بالمطبخ. وقف عند الباب ينظر إليها وهى تتعثر فى كل حركة ولكنها تحاول بكل جهد أن تنجح. اقترب منها بهدوء ووقف خلفها مباشرة ثم قال:
أنا متفاجئ الحقيقة.
شهقت بصوت عالٍ وهى تلتفت إليه ويديها كلها صابون لتكون بين يديه، عينيها غارقة فى لون عينيه المميز. ظل ينظر إليها وقلبه يضرب صدره بقوة يكاد يخرج من صدره؛ كم حلم وتمنى أن تكون بين يديه، كم تمنى أن يرى الحب والشوق بعينيها بدل الخوف والرعب! نعم، هي بين يديه، عينيها فى عينيه، ولكن ليس هناك الشوق والغرام المبالغ فيه، ولكن أيضًا لا يجد خوفًا ورعبًا، يجد راحة وأمان وذلك أهم لديه وأسعده جدا، والأكثر إحساسًا أنها تنظر إلى عينيه دون نفور. اقترب منها وهو يقول:
مهيرة الكاشف بتغسل مواعين؟! أنا حقيقي مش مصدق عيني!
تململت بين ذراعيه وهى تقول:
عارفة أنك شايفني فاشلة، عارفة، مش محتاج تقول.
ضحك على تذمرها وتفكيرها وقال:
فين الفاشلة دي؟ هي الفاشلة دي تقدر تعمل حاجة لأول مرة وتبقى بالشطارة دي؟ أنا مش شايف هنا حد فاشل، أنا شايف واحدة قادرة تكون إللى هي عايزاه فى أي وقت وتحت أي ظروف.
كانت نظراتها كلها رجاء وتلمع من كثرة الدموع المتجمعة بها. أكمل كلماته وما زالت تلك الابتسامة المحبة المشجعة ترتسم على ملامحه:
وبعدين أنا مسمحلكيش تقولي على مراتي فاشلة! أنا مراتي أحسن واحدة فى الدنيا، وحتى لو مش بتعرف تعمل أي حاجة هى بتتعلم بسرعة ولماحة وذكية، وأنا بتقديرها وبحب وجودها.
كانت وجنتيها تتحول من الوردي إلى الأحمر مع كل كلمة حتى قال كلمته بتقدير. رفعت عينيها إليه تنظر له باندهاش وتساؤل، ظل هو ينظر إليها عيناه تنطق باحترام كبير ومشاعر صادقة. كسا الحزن وجهها وهى تقول:
أنت بتضحك عليا؟! إمتى حبيبتني؟
اقترب أكثر وهو يقول:
