ربتت ثريا علي ظهر إبنتها بحنان وتحدثت قائلة بتبرير: “يا حبيبتي، أنا لا يمكن أجي في صف حد علي حسابك إنتي وإخواتك، أنا بس مبحبش الظلم لأخوك أو لمراته.” وأكملت بنبرة تعقلية: “مليكة مرات رائف، ومن حقها عليه إنه يهاديها ويعيشها في مستوي يليق بيه قلبها. وبالنسبة لعربيتك إنتي ويسرا، أنا هغيرهم لكم من حسابي الشخصي، روحي بكره إنتي ويسرا وأختارو أغلا وأفخم عربيتين من المعرض إللي تختاروه وقولي له يبعت الفواتير علي هنا وأنا هسددهم.”
أرتمت نرمين بأحضان والدتها بسعادة وتحدثت بنبرة حماسية: “يا حبيبتي يا ماما، ربنا يخليكي ليا.”
أما يسرا فترددت معترضه علي عرض والدتها: “لا يا ماما، أنا مش عاوزه أغير عربيتي، غيري عربية نرمين كفاية. أنا عربيتي كويسة ومرتاحة معاها جدا، وبعدين دي فلوس حضرتك، وأنا معايا فلوس لو عاوزة أغير العربية هغيرها لنفسي. الحمدلله رائف مش مخليني محتاجه حاجة وفلوسي متوفرة في البنك.”
نظرت لها ثريا وتحدثت بنبرة تصميمية: “أنا قولت إنتم الاتنين هتغيرو عربياتكم، وده أمر ومش عاوزة أي نقاش فيه.”
هنا إستمعن إلي دقات فوق باب الغرفة، سمحت بعدها ثريا للطارق بالدخول، ففتح الباب وظهر منه رائف بإبتسامته الخلابة المليئة بالبرائة والنقاء، تحدث بوجه بشوش: “إيه يا ماما قاعدين هنا ليه؟ الناس بيسألوا عليكم برة، خير فيه مشكلة ولا حاجة؟”
ذهبت إليه ثريا ووضعت كف يدها علي وجنته بحنان وتحدثت: “ربنا ما يجيب مشاكل أبدًا يا حبيبي.” ثم نظرت لإبنتيها وأردفت بنبرة زائفة كي لا تحزن صغيرها: “كل الحكاية إن بناتي واحشيني قوي وقولت أقعد معاهم شويه علي إنفراد.”
تحدث رائف وهو ينظر لشقيقتاه بحنان: “مقولتش حاجه طبعا، وواحشيني أنا كمان جدا والله، لكن مش في وسط الحفلة كده يا حبيبتي.” ثم وجه بصره إلي نرمين قائلًا: “خليكي بايتة مع ماما إنهاردة يا نرمين، إنت وجوزك وإبنك، علشان ماما تشبع منك.”
هتفت سريعًا برفض تام ووجه عابس مما إستدعي إستغرابهم جميعا: “لا يا رائف، أنا مبحبش أبات برة بيتي وإنت عارف كدة كويس.”
نظر لها الجميع بإستغراب علي رفضها بتلك الطريقة العنيفة، أكملت بإرتباك وهي تحاول إصلاح ما أفسدته: “أنا قصدي يعني علشان ما أضايقكش إنت ومراتك، وإنهاردة عيد جوازكم.”
تحدث رائف ببرائة وعفوية: “ولا هتضيقينا ولا حاجه ياحبيبتي، ولو ده اللي مخليكي رافضة إطمني، أنا أصلا حاجز Suite في فندق هنقضي فيه ليلتنا أنا ومليكة، يعني مش هنكون موجودين هنا أساسا.”
وبجوابه هذا قد أشعل النار بداخلها من جديد، وجعلها تحقد علي تلك المليكة المدلله بمال أبيها. هي من تستحق كل ذاك الدلال، هو مال أبيها وأخيها، كيف لمليكة التنعم به لحالها وهي تحرم منه؟ ولكنها بنفس التوقيت أماتت بموافقتها علي المبيت بالمنزل، فقد إطمئن قلبها بإبتعاد مليكة، فالأن يمكنها المبيت وهي لا تخشي علي زوجها من وجود مليكة أمام أعينها. فقد أصبحت مليكة تسبب لها كابوسا مزعجا، ولو بيدها الأمر لتخلصت منها وللأبد لتنعم هي بسلامها النفسي والداخلي بعدم وجودها.
في الخارج كانت مليكة تنزل الدرج بدلال بعد إطمئنانها علي صغيريها والتأكد من سلامتهما ونومهما بسلام. لمحها ياسين فذهب إليها ووقف بإنتظارها وأسند بذراعه القوي علي ترابزين السلم حتي وصلت لمكان وقوفه. نظرت له وأبتسمت برقة فأبتسم لها وتحدث: “كل سنة وإنتي طيبة يا مليكة.”
ردت عليه بصوت رقيق كالنسيم: “وإنت طيب يا أبيه، ميرسي أوي، الخاتم بجد يجنن وعجبني جدا.”
تحدث وهو ينظر داخل عيناها بإهتمام: “أنا موصي الجواهرجي عليه من شهرين علشان يجهزه لك، يعني معمول مخصوص لمليكة.”
نظرت له بسعادة وأردفت بنبرة صادقة: “ربنا يخليك ليا يا أبيه، أنا عندي أخين وحضرتك التالت أخويا الكبير وسندي اللي دايما موجود.”
تحدث ياسين بسعاده ووجه بشوش: “طبعًا يا مليكة، أنا سندك إللي دايما موجود، وإللي وقت متحتاجي له بإشارة واحدة هتلاقيه.”
إبتسمت برقة وشكرته بإمتنان. في تلك اللحظه أتت إليهم أيسل إبنة ياسين الجميلة التي تشبه والدتها بجمالها، وورثت من ياسين زرقة عيناه فأصبحت أيقونة جمال صغيرة. فتح ياسين ليستقبل قرة عيناه الجميلة: “أهلًا بأميرة بابي الجميلة.”
قابلته أيسل ببسمة وحب وهي تدفن حالها داخل: “بابي حبيبي.”
أما مليكة فكانت تنظر لهما بإعجاب لعلاقة ياسين الجميلة بإبنته. تحدثت أيسل وهي تنظر إلي مليكة بإنبهار: “حلو أوي الساري يا ليكة.”
أردفت مليكة بإبتسامة ساحرة: “ياقلبي يا سيلا، إنتي اللي حلوه أوي.”
وجه ياسين حديثه إلي أيسل: “والأجمل الحجاب اللي لبساه مليكة يا سيلا، ومنور وشها.”
أجابته أيسل بتملل وضجر: “أوووو يا بابي، بقى هنرجع تاني لموضوع الحجاب؟ سبق وقولت لحضرتك أنا لسه صغيرة ولسه بدري قوي علي الكلام في الموضوع ده.” وأكملت معللة: “وكمان مامي مش محجبة، يبقي ليه أنا ألبس حجاب؟ مش فاهمة.”
كاد ياسين أن يجيب علي سؤال إبنته، لكن لفت إنتباهه نظرات مليكة الساحرة وأبتسامتها المهلكة وهي تنظر علي يمينها. لف نظره سريع ليري من ذلك السعيد الذي تنظر له بكل ذاك السحر والهيام، وجده بالطبع رائف معشوق عيناها. هنا علم ما سر تلك اللمعة التي برقت بعيناها فجأة وبدون مقدمات.
في تلك اللحظات خرجت نرمين، وجدت محمد عيونه معلقة بضيق علي مكان ما نظرت، وجدتها مليكة ورائف بحنان. إستشاطت غضبًا ولكنها تمالكت حالها أمام الجميع وذهبت إليه لتقف بجانبه.
هنا ذهب شريف إلي حيث تقف مليكة وتحدث إلي رائف وياسين: “ممكن رائف باشا يسمح لي أخطف منه مليكته شويه؟”
“وبعدين معاك بقى يا حضرة المذيع، هو أنا مش هخلص من تطفلك ده؟ ده انت بقيت موجود في حياتي طول الوقت.” وأكمل بدعابة أضحكت الجميع: “ده حتي يا أخي وإنت مش موجود بتطلع لي من الراديو، وأختك تسيب الدنيا كلها ولازم تتصل بيك في البرنامج وتتناقش معاك في موضوع الحلقه. ده أنا خايف في مره تطلع لي من جوه التليفزيون.”
