تحدثت وهي تنظر له بعيون مغيمة بدموع الفرح: “كل سنة وأنت معايا يا حبيبي، بحبك يا رائف.”
إنهالت عليهم المباركات من الجميع عدا نرمين التي دلفت لداخل الفيلا بغضب عارم، لاحظته والدتها وأختها اللتان دلفتا إليها سريعًا ليرا ماذا أصابها.
تحدثت ثريا متسائلة بنبرة قلقة: “خير يا نرمين، مالك يا حبيبتي؟ فيكي أيه؟”
نرمين وهي تدور حول نفسها بغضب وتفرك يداها ببعضيهما من شدة العصبية: “حضرتك مش عارفه مالي يا ماما؟” وأكملت بنبرة حقودة وعيناها متسعة من شدة غضبها: “مالي كله أتاخد مني، وبيتصرف علي رضي الهانم البرنسيس مليكة.”
تلفتت ثريا حولها يمينًا ويسارًا بحذر تخوفًا من أن يستمع أحد بما تهذيه إبنتها الطائرة الغاضبة، أمسكتها من يدها وسحبتها لداخل غرفتها الخاصة وأغلقت الباب بعد دخول يسرا معهما.
وتحدثت ثريا بغضب عارم: “ممكن أفهم أيه الكلام الفارغ اللي بتقوليه ده؟ مال أيه وورث أيه اللي بتتكلمي عنه؟”
تحدثت نرمين بصياح والغضب يسيطر علي ملامحها: “بتكلم عن فلوسي يا ماما، ورثي أنا ويسرا من بابا الله يرحمه، إللي البيه إبنك حارمنا منه وعمال يصرفه علي البرنسيس بتاعته.” وأشارت بيدها بغضب: “العربية اللي جايبها لها دي مين الأولي فينا إنها تركبها؟ أنا نرمين أحمد المغربي ولا مليكة سالم؟”
نظرت يسرا بحزن علي حال شقيقتها وما وصلت إليه وتحدثت برضا: “وهو رائف كان قصر معانا في أيه بس يا نرمين؟ ده يا حبيبي مش مخلينا محتاجين أي حاجة هنا.”
صاحت نرمين بنبرة غاضبة: “محدش بيدينا حاجه من جيبه يا يسرا، دي فلوسنا وحقنا وورثنا إللي البيه حاطط إيده عليه في شركته ومش راضي يدينا حقنا، ومكتفي بشوية الأرباح اللي بيرميها لنا كل أخر السنة.”
صاحت بها ثريا بنبرة صارمة: “إحترمي نفسك وإنتي بتتكلمي عن أخوك، أوعي تفتكري إنك علشان بنتي هسمح لك تغلطي فيه وتتهميه في أخلاقه، وهو ربنا يعلم بيديكم أكتر من حقكم وزياده كمان.” وأكملت بنبرة صوت لائمة: “بقى علشان خاف علي ورثكم وأخده شغله ليكم معاه في شركته وكبره، يكون ده جزاءه؟”
تحدثت يسرا لتهدئة والدتها: “إهدي يا ماما أرجوكي علشان صحتك، أكيد نرمين متقصدش المعني اللي وصل لحضرتك ده.” ثم نظرت إلي نرمين بعتاب: “رائف مفيش أحن منه في الدنيا دي كلها يا نرمين، ده كفايه من يوم وفاة جوزي وهو متكفل بيا وبأولادي من ماله الخاص، حتي مدارس أولادي الإنترناشيونال بيدفع أقساطها من فلوسه، وكل أرباحي بيحولها لي علي البنك مباشر.” واكملت بنبرة حزينة: “حرام عليك يا نرمين تفتري علي رائف بالشكل ده.”
تحدثت ثريا وما زال الغضب يسيطر علي ملامحها ونبرة صوتها: “ليه؟ وهي نفسها لما حبت تشتري شقة بعيد عن هنا وفلوس جوزها مكفتش تشتري الدوبليكس اللي كان نفسها فيه.” وهنا حولت ثريا بصرها إلي نرمين وقامت بتوجيه سؤالا لها: “مين وقتها اللي كمل لك علي فلوسك؟ ومن معاه؟ مش رائف يا ست نرمين؟”
نرمين وقد شعرت بغضب والدتها عليها، ففضلت التراجع عن حدة غضبها كي لا تخسر إصطفاف والدتها بجانبها ودعمها الدائم لها سواء كان دعم مادي أو معنوي. خرج صوت نرمين أقل حده وهي تحاول السيطره علي غضبها وتحاول إستعطاف ثريا لها: “خلاص يا ماما إهدي من فضلك علشان صحتك.” وأكملت مدعية الحزن: “أنا بس صعبان عليا تبقي فلوس بابا وغيرنا اللي يتمتع بيها ويركب عربيات أخر موديل، وأنا وأختي مغيرناش عربياتنا من أكتر من سنتين.” وأومأت رأسها للأسفل بحزن وإنكسار مصطنع.
هنا لم تتحمل ثريا بقلب الأم إنكسار صغيرتها هكذا، ذهبت إليها وأخذتها داخل بحنان وتحدثت ثريا: “ليه بس نظرة الحزن اللي في عيونك دي يا حبيبتي؟”
نظرت لها نرمين بإنكسار وتحدثت: “لازم أحزن يا ماما لما ألاقي حضرتك دايما واقفه في صف مليكة ضدي، تفتكري ده شيئ ممكن يسعدني مثلا؟”
