روايات

هاجر عفيفي

مراد خرج بدون رد، وهي دموعها نزلت بحرقه على وجنتيها ونامت، ومن كتر الوجع ذهبت في ثبات عميق.

في الأسفل، نزل مراد ووقف أمام والده باحترام، ولكن اتصدم عندما نزلت صفعه على وشه.

شريف بغضب: ممكن أفهم أيه اللي بيحصل ده؟ ليه يوم ما تتجوز تروح تجيب طفله عندها 16 سنه، وكمان تعمل معاها كده وتغتصبها؟ أنت فاكر نفسك أيه؟

مراد بجمود: مش حضرتك اللي طلبت منى كده؟

شريف بعصبيه: طلبت منك تتجوز طفله وتعذبها معاك عشان تجيب ولد؟ أنت اتجننت رسمى يا مراد. البنت دى أيه حكايتها؟

مراد بغضب: حضرتك قولتلى أتجوز وجيب ولد، وأنا موقعش قدامى غير البنت دى، ودول أهلها باعوها بالفلوس، وأنا اللي لحقتها من تحت أيديهم، يعنى مش أنا الشيطان الوحيد.

شريف: يعنى بدل ما تكون أنت السند ليها، تعمل معاها كده وتكسرها أكتر؟

في اللحظه تحول كلامه إلى تهديد: بص يا مراد، أنا لو عرفت تانى أنك عملت كده تانى فيها، هيكون أخر يوم ليك هنا وفى الشركه، أنت فااااهم؟

مراد كان ساكت مبيكلمش، بس كان داخله بركان من الغضب.

شريف: يلا أطلع لمراتك وراضيها، ولما أشوف أخرتها معاك يا أبن شريف. يلااا أطلع.

مراد: عن أذنك.

وترك والده وطلع الجناح الخاص بيه، وكان بيتمنا ينفجر من الغضب، وبالذات في ملاك لأنها هي السبب أن والده ضربه لأول مره في حياته وكمان زعل منه. بس من حسن حظها كانت نايمه، راح بصلها باحتقار وخرج شرفة الغرفه وطلع سيجاره شربها ونفخ الدخان بغضب وكأنه يخرج نار بدل من الدخان. وبعد وقت خلص السيجاره وخرج في الغرفه وراح نام بجانبها وغمض عيونه وهو على نفس غضبه.

واستيقظت ملاك من نومها وكان مراد مازال نائم، ولكن قامت من جانبه برفق ورتبت الغرفه وهي مازالت تشعر بالتعب، وبعدها خرجت وراحت عند الجناح الخاص بشريف وخبطت بهدوء ودخلت. شريف كان يرتدي نظاره طبيه وبيقرأ بعض الجرايد. دخلت عليه ملاك بهدوء وتحمحمت بحرج.

شريف بابتسامه: صباح الخير.

ملاك: صباح النور.

شريف بحنان: أقعدى يا بنتى.

ملاك: حضرتك فطرت؟

شريف: الصراحه لأ، مش متعود أفطر بدرى، لازم أشرب القهوه الأول.

ملاك بتعب: بس ده غلط على حضرتك جدا، ولازم تهتم بالأكل عشان العلاج.

شريف ولاحظ تعبها: أنتى حاسه بحاجه؟ مالك؟

ملاك بابتسامه مزيفه: لأ مفيش حاجه.

شريف بحزن: أنا عارف أن مراد معاملته غريبه أووى، صدقينى هو مش بيكون قاصد، بس اللي حصله مش سهل.

ملاك بحزن: مبقتش فارقه، أنا مش لاقيه الأمان ولا عمري هلاقيه. دى حياتى وأنا خلاص لازم أكون راضيه بيها.

شريف لسه هيرد، كان مراد نزل.

مراد تجاهل ملاك خالص: صباح الخير يا حاج.

شريف: صباح النور.

مراد: أنا رايح الشركه يا حاج عشان الصفقه الجديده.

شريف بضيق: ماشى، ربنا معاك.

مراد نظر على ملاك اللي كانت ساكته بسخريه وتحدث: أخبار صحتك أيه دلوقتى يا عروسه؟

ملاك بصوت مبحوح: الحمد لله.

مراد: أممم طيب، اعملى حسابك عشان عايزك فى مشوار.

ملاك بخوف: مشوار أيه؟

مراد ببرود: هتعرفى بعدين، المهم الاقيكى جاهزه.

ملاك بتعب: بس أنا لسه تعبانه.

مراد بتهكم وسخريه: هبقا أشيلك. هى كلمه واحده قولتها تتنفذ.

ألقى آخر كلماته وخرج من القصر بأكمله.

ملاك نظرت إلى شريف بخوف وتحدثت: هو عايزنى فين؟

شريف باستغراب: الصراحه معرفش، بس متخافيش هو مش هيأذيكى تانى، أنا حذرته ميقربلكيش.

ملاك بخوف: ربنا يستر.

في شركة الصياد، دخل مراد بهيبته المعتاده تحت نظرات الأعجاب، وطلب من السكرتيره تبعتله يوسف على مكتبه ودخل. وبعد وقت قليل دخل يوسف عنده.

يوسف: صباح الخير يا كبير.

مراد بتنهيده: صباح النور.

يوسف: كنت عايزنى؟

مراد: أه، عملت أيه فى الناس اللي جت أمبارح؟

يوسف: كله تمام، اتفقنا ومضينا العقود وكله خلص.

مراد: طب تمام كويس.

يوسف بشك: هو أنت كنت فين أمبارح؟

مراد: فى المستشفى.

يوسف بصدمه: مستشفى؟ مستشفى أيه وعشان أيه؟

مراد قص عليه ما حدث.

يوسف وقف بذهول وصدمه وتحدث: أنت أزاى تعمل كده؟ حرام عليك يابنى، أنت بقيت كده ليه؟

مراد ببرود: أنا مقولتلكش عشان تفضل تأنب فيا، أنا قولتلك عشان مش متعود أخبى عنك حاجه.

يوسف بحده: يا برودك ياخى. أفرض كانت ماتت فى أيدك، كنت هتتبسط وهترتاح؟

مراد بغضب: يوسف فى أيه؟ ماتحترم نفسك.

يوسف بغضب: أحترم أيه بقا؟ أنت خليت فيها أحترام؟ طب أتجوزت طفله وقولت ماشى يمكن تصعب عليه ويعاملها كويس، أنما تعمل معاها كده وكمان توصلها للحاله دى؟ تبقا أتجننت رسمى. فعلا فوق بقا متأذيش اللي حواليك أكتر من كده. وعلى فكره لو حصلها حاجه، أنت هتتحاكم عليها قانونى لأنها قاصر، والجواز نفسه كان غلط من الأول. أنا ماشى من هنا قبل ما يجرالى حاجه بسببك.

وتركه وخرج. مراد نظر لمكان يوسف بشرود وأتنهد، وقام أخد مفاتيحه والفون وخرج من المكتب ومن الشركه بأكملها.

في المساء، ملاك لبست بتعب وخوف وكانت خايفه من مصيرها، جهزت ونزلت تنتظره تحت.

شريف ربت على كتفها بحنان: متخافيش يا بنتى، متخافيش.

ملاك بصتله بأمتنان وسكتت.

في الوقت ده دخل أحد الحراس وبلغ ملاك أن مراد مستنيها بالخارج. ملاك هزت رأسها موافقه وخرجت وهي بتترعش، ووصلت عند العربيه ولسه هتركب بالخلف.

تحدث مراد بسخريه: هو أنا السواق بتاع الهانم؟ اركبى هنا.

وشاورلها على الكرسى الأمامى، راحت جمبه بدون كلام، وهو بصلها ببرود وشغل العربيه ومشى بيها.

عند يوسف، خرج من الشركه وهو متعصب بسبب أفعال أبن عمته، وركب عربيته وانطلق بيها، وكان طول الطريق ينفخ بغيظ. فجأه ظهر أمامه مجموعه من الشباب والظاهر أنهم يحاولوا خطف بنت.

يوسف نزل سريعا وراح عندهم وتحدث بعصبيه: مالك يا دكر؟ منك ليه بتتشطروا على بنت؟

أحد الشباب: وأنت مالك أنت يا حيلتها؟

يوسف بسخريه: لأ طبعا مالى يا روح أمك.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى