
حورية بشهقة: مالك ومال أبنى يا عم أنت؟
مراد بحدة: إنتي بقى أمها؟
حورية بخوف من نبرته: أيوه يا خويا.
مراد: أممم تمام تمام، وأنتى سيباه يضربها عادى كده؟
حورية بغضب: هي اللي بت مشافتش تربيه، راجعه البيت الساعه 1 ملهاش أهل ال…
مراد نظر لملاك بسخرية، اللي كانت حالتها متتوصفش، وبعدين ألقى نظرة عليهم.
مراد ببرود: أممم بقا كده؟ طيب تمام، تحبوا تبعوها بكام؟
صدمة ألجمت الجميع، وبالذات ملاك اللي في لحظة حست نفسها سلعة رخيصة.
كريم عينه لمعت بخبث: طب وحضرتك عايز تدفع كام يا باشا؟
ملاك بصدمة ودموع: كريم أنت بتقول أيه؟
كريم بعصبية: هششش أخرسى يا…
حورية بمكر: الكلام مش هيبقا هنا يا باشا، اتفضل بكره ومعاك المأذون وبعدين نتفق على كل حاجه.
مراد بصلهم جميعًا بأشمئزاز، وبعدين أخد منهم العنوان واداهم ملاك. ركب عربيته وهو بيفكر أن كده خلاص هيعمل اللي أبوه قاله عليه بدون تعب.
فاق من شروده على صوت السكرتيرة وهي بتخبره ببعض الاجتماعات.
مراد: تمام، روحي أنتى.
خرجت السكرتيرة وهو كمل شغل وحاول يطلع كل التفكير من دماغه.
في قصر الصياد، خلصت ملاك تنضيف الجناح الخاص بمراد بعد تعب ومجهود كبير، وبعدين توجهت للجناح الخاص بوالد مراد شريف.
ملاك باحترام: صباح الخير.
شريف بابتسامة بشوشة: صباح النور، نمتى كويس؟
ملاك هزت رأسها بدون كلام.
شريف باستغراب: مش بتتكلمى ليه؟ يا هو أنتى قولتيلى أسمك أيه؟
ملاك: ملاك، خدامتك ملاك.
شريف بابتسامة: ماشاء الله، وأنتى ملاك فعلًا. تعالى يا بنتى عايزك.
ملاك بتردد: بس بس.
شريف: بس أيه؟
ملاك: أستاذ مراد ممكن يجى ويزعقلى.
شريف: هههههههههه.
ملاك باستغراب: حضرتك بتضحك على أيه؟
شريف بضحك: على برائتك. بصى يا حبيبتى، أولًا كده هو أسمه مراد مش أستاذ مراد لأنه جوزك. ثانيًا هو ميقدرش يزعقلك عشان أنا اللي عايزك. تعالى يا حبيبتى.
ملاك راحت جلست بجانبه، وهي حست فيه فعلًا حنان والدها وارتاحت جدًا معاه.
شريف بحنان: مالك يا حبيبتى؟ شايفك حزينه كده من ساعة ما جيتى. هو الواد مراد زعلك فى حاجه؟ قوليلى وأنا أقطملك رقبته.
ملاك ابتسمت رغمًا عنها على طيبة هذا الرجل: تصدق أن حضرتك فيك شبه من بابا جدًا، حتى فى طيبته وحنيته.
شريف: أنا معنديش ولاد بنات، وأنا من ساعة ما شوفتك اعتبرتك بنتى بالظبط، يعنى مش عايزك تخافى خالص. ولو مراد زعلك قوليلى وأنا هتصرف معاه.
ملاك بامتنان: أنا متشكره جدًا لحضرتك. ويلا بقا عشان تاخد العلاج.
شريف بضحك: بتعرفى تدى حقن ولا أيه؟
ملاك ببراءه: لأ، متخافش أنا متدربه حلو عليها.
شريف بضحك على براءتها: ماشى يا ستى يلا.
ملاك حضرت له الأكل وأعطته الدواء وجلست معه لمدة فترة. وبعد وقت دخل مراد.
مراد: مساء الخير.
ملاك وشريف: مساء النور.
مراد بجمود: ها خلصتى اللي قولتلك عليه؟
ملاك بتوتر وخوف: أيوه.
شريف: ملاك دى فعلًا ملاك، ربنا يحميها والله.
مراد بسخرية: طب كويس أنها نفعتك. مش يلا بقا ولا أيه؟
ملاك بخوف: حاضر.
مراد: شاطره، قدامى يلا.
قامت ملاك وطلعت، ومراد لسه هيلحقها قاطعه صوت والده.
شريف: متزعلهاش يا مراد.
مراد بص لوالده بدون أي كلمة، وبعدين طلع وراها.
في الجناح الخاص بمراد وملاك، دخلت ملاك والخوف متملك منها، ومراد دخل وقفل الباب وقرب منها.
ملاك بخوف ودموع: أرجوك متأذنيش.
مراد بسخرية: لأ، بس برافوا عرفتى تاكلى دماغ ابويا أهو وعملتى فيها بريئه.
ملاك بدموع: طب ممكن أعيش خدامه تحت رجليكم هنا بس بلاش بالله عليك.
