في نفس اليوم طلب إجازة.. ما استقالتش وما قالتش لحد هي مين.
بدأت تدور في الورق اللي من حقها تشوفه في قسمها: اكتشفت إن خلال الكام شهر اللي فاتوا اتلغت طلبيات أجهزة جراحية مرتين بحجة “عجز في الميزانية”، في حين إن المبنى الجديد ميزانيته بتزيد وتتفتحله اعتمادات!
ندى جابتلها ورقة ثانية:
بيان داخلي من 3 شهور، مجموعة اللبّان أخدت ملحق عقد بزيادة 40% في التكاليف بحجة “أعمال خرسانية إضافية”.
اللي ماضيين على الكلام ده: مصطفى اللبّان كـ مقاول، ودكتور طلعت الشاذلي كـ راعي، والمشرف المالي للمستشفى.
بالليل كريم اتصل بيها 9 مرات.. ردت في العاشرة.
— عايزه إيه يا كريم؟
— محتاج أشوفك وننتكلم.
— اتكلم هنا.
— لا، لازم وش لوش.
— لا.
كريم سكت شوية وبعدين قال بصوت مكسور:
— فريدة.. بابا تعبان.
— ده يفسر خوفك، بس ما يبررش كدبك!
— مصطفى اللبّان عرض يشيل ديون الجمعية لو أنا وريجينا اتجوزنا ورسمنا الموضوع!
— يعني كانت صفقة بيع وشراء؟
— بابا كان خايف اسمه وتاريخه يضيعوا!
— وخطة حضرتك كانت إيه بقى؟
كريم اتأخر أوي في الرد:
— كنت ناوي أفركش الموضوع قبل الجواز على طول…
— بعد الخطوبة؟!
— أيوة.
— وأنا؟ كنت ناوي تعمل فيا إيه؟
— عمري ما كنت هسيبك يا فريدة!
السكوت كان يرعب..
— يعني كنت ناوي تخلي واحدة خطيبة قدام الناس، وأنا حبيبتك في السر والضل؟!
بعد سنة.. فريدة أتعينت مدير قطاع الابتكار الجراحي في مجموعة الحسيني، وما زالت بتنزل عمليات وتعمل جراحات بنفسها.
وفي يوم، نائبة جديدة سألتها في العمليات:
— دكتورة فريدة.. انتِ عيلتك تملك نص المستشفيات دي.. ليه لسه بتدخلي عمليات وتوقفي بالساعات؟
فريدة ابتسمت وهي ماسكة المشرط بثبات:
— لأن فلوس عيلتي تقدر تشتري مستشفيات وأجهزة.. بس ما تقدرش تطبب مريض ولا تعمل عملية بدالي.
النهاردة فريدة مش بس كسبت احترام الكل.. فريدة كسبت نفسها، وده أهم من أي اسم أو عيلة!
