حسنين أبو مريم كان بيشتغل بواب في قصر .. واتجوز عديلة بعد ما أم مريم .. بس عديلة ست وقلبها زي الحجر.. من يوم ما اتجوزته وهي في مريم بنته.. وحسنين ضعيف قدام مراته بسبب اللي جاله وقعده في البيت.. وعديلة ومريم هما اللي بيشتغلوا ويصرفوا على مرضه
مريم كانت في الجنينة بتنضفها، لابسة فستانها البسيط وشايلة مقشة أكبر منها، جسمها بيترعش من التعب والبرد، وإيديها ساقعانين، بس من جواها بتقول لنفسها استحملي عشان أبوكي، عشان لو عديلة مرات أبوكي غضبت عليكي.. هتسيب أبوكي من غير دوا.. وكانت بتهون على نفسها وتقول: “معلش يا مريم، استحملي، كله عشان أبوكي يقوم بالسلامة”
صوت عديلة جاي من المطبخ عالي وبتتأمر كأنها صاحبة القصر، صوتها كله وذل: “إخلصي يا بت، إنتي لسه ؟ ده قصر مش زريبة أبوكي”
مريم بلعت وسكتت، عينيها كانت بس ، اتعودت إنها تبقى لوحدها دايما، وإن ملهاش حد يطبطب عليها.
وقف ياسين في الجنينة وهو عايز يكسر كل حاجة حواليه.. جواه نار ووجع مش قادر يخرجه، حاسس إن الدنيا ضاقت بيه.
في نفس اللحظة كانت مريم بتنضف في الجنينة ورا القصر.. فجأة سمعت صوت وراها.. بتبص وراها لقت كلب أسود حجمه كبير أوي، عينيه بتلمع في الضلمة.
مريم أول لما شافته مش مستوعبه إن دا كلب بجد! قلبها وقع في رجليها، والخوف سيطر على كل جسمها.
صرخت فجأة بكل صوتها وهي بتجري وبتقول: “الحقوووني”
والكلب بيجري وراها لأنها غريبة وأول مرة يشوفها في القصر.
ياسين اتصدم لما سمع صوت صراخ بنت في الجنينة، الصوت خلاه يفوق من النار اللي جواه.
بيبص وراه لقى بنت جاية عليه وبتصرخ.. والكلب بتاعه رعد بيجري وراها.
مريم أول لما شافت ياسين.. كان هو طوق في اللحظة دي، شافته زي أمل أخير.
وبصت وراها شافت الكلب بيجري وجاي عليها.. بصت لياسين بنظرة كلها رعب واستنجاد، وفجأة غابت عن الوعي، جسمها وقع مرة واحدة.
ياسين لحقها بسرعة قبل ما تلمس الأرض.. قلبه اتخض عليها، وزعق في الكلب بتاعه عشان يقف مكانه: “رعد.. مكانك” .. بص على البنت اللي بين إيديه وهو مستغرب مين دي وكانت بتعمل إيه هنا في الوقت دا! بص في وهي بين إيديه، حس ببراءة غريبة في وشها رغم خوفها.
شالها وهو بيبص حواليه مش فاهم هي جات منين.. وكانت غايبة عن الوعيومش عارف يفوقها، وشايلها بخوف لا تقع منه.
عديلة خرجت من المطبخ جاية عليه بتجري.. وأنوار القصر اتفتحت والكل صحيوا على صوت الصراخ.
عديلة اتصدمت لما لقت ياسين بيه شايل مريم بنت جوزها في الجنينة.. هو المفروض عريس وكان يبقى في مع عروسته دلوقتي! قلبها وقع في رجلها من المنظر.
قربت منه وقالت بتوتر وخوف: “ياسين بيه؟؟! هو ايه اللي حصل؟”
ياسين كان لسه شايل مريم.. قالها بدهشة وصوته لسه فيه الغضب: “لقيت البنت دي في الجنينة.. رعد كان بيجري وراها عشان غريبة عن القصر؟ انتي تعرفيها؟”
ردت عديلة بتوتر وهي بتبلع ريقها: “دي.. دي البت مريم بنت جوزي.. كنت جيباها تساعدني في التنضيف بعد الفرح”
ياسين بص لمريم اللي بين إيديه.. سرح في ملامحها كام لحظة، ملامح هادية وطيبة عكس كل اللي شافه الليلة دي.
لقي اللي في القصر كلهم خرجوا يسألوا في إيه والكل مستغربين ياسين بيعمل إيه هنا في الوقت دا وسايب عروسته.. ومين البنت الغريبة دي…. الكاتبة ملك إبراهيم.. يتبع في الجزء الثاني
