ندى بصتلو بغضب وقالت انا كنت متأكده اصلا واضح كل ما اجيبلك سيرة طلاقها يركبك ستين عفريت فاكر انها بتحب لا فوق يا باشا الهانم بتخدعك بتضحك عليك
طاهر بصلها باستغراب وندى قالت مراتك الحلوه مخبيه عنك اكتر حاجه ممكن تسعدك مخبيه عليك اهم حقيقه في حياتك ولو كنتو اطلقنو كانت هتفصل مخبياها
طاهر كان مستغرب وقال هيه بتقول ايه
فيروز اتجمعت الدموع في عنيها وقالت انا انا كنت هقولك و
بس ندى قاطعتها وقالت كنتي هتقوليلو ده امتي لما يسافر وميشوفش ابنو ابدا
طاهر قال بصدمه ابني
ندى قالت ايوه يا طاهر سليم ابنك انا سمعت سهى بوداني بتوصيه ميغلطش ويقول قدامك ان فيروز امه الولد ابنك ومخبين عنك
فيروز بصتلو بدموع وقالت ببكا والله ووالله انا كنت خايفه كنت خايفه اقولك تاخدو مني وتحرمني منو زي ماحرمتني من وجودك في حياتي والله انا كنت خايفه يا طاهر ما قصدتش اي حاجه ارجوك افهمني
طاهر اتنهد وقال انا عارف يا فيروز عارف ان سليم ابني حسيت من اول يوم وسألت جدي وقلي
فيروز اتصدمت وقالت ايه عارف
طاهر قال اممم وسليم كمان عارف اني ابوه كل يوم كنت قبل ما انام اروح اقعد معاه في اوضتو شويه انا فهمت خوفك من اني اعرف وانا السبب في الخوف ده زمان كنت انا امانك الوحيد ولما عرفت انك مخبيه عني من خوفك مني عدت كل حساباتي انا غلطت يا فيروز حقك عليا ارجوكي سامحيني
فيروز ابتسمت وقالت بدموع مسمحاك ومش عايزه غيرك من الدنيا
طاهر ابتسم بسعاده وندى سابت البيت ومشيت بغضب مقدرتش تستحمل والجد ابتسم بسعاده و اخد سهى ومشي وسابوهم لوحدهم
طاهر اتنهد وقال جدك بيفهم مشي ما تفهمي انتي بقى وخلينا نطلع نريح في موضوع بقالو سنين همت واقولهولك وهيطول شويه فقبل الواد مايجي يعني
فيروز ضحكت جامد وضربتو في صدره بخفه وقالت طاهر ضحك وقال وانا مش هنزل من الاوضه تاني
فيروز ابتسمت وقالت اوعدني مش هتسبني ابدا
طاهر ابتسم وقال عمري و طول ما بتنفس هفضل معاكي هنسيكي كل السنين الي فاتت هننسى كل بعد وكل اشتياق هتفضلي حبيبتي وبنتي وكل عيلتي
فيروز ابتسمت وقالت وانت هتفضل قلبي وكل حياتي وحب طفولتي وعشقي الطاهر الي مقدرتش انساه يوم
كنتم مع عشقي الطاهر بقلم زهرة الربيع زهرتكم تحيكم ودمتم في امان الله مع من تحبون
