فيروز اتوترت قوي وسهى قالت صباح النور وبصت لسليم وقالت بارتباك يلا يا سليم يا حبيبي هتتأخر على الروضه تبقى تتكلم مع خالتو لما تيجي
سهى اخدت سليم ولسه هتمشي طاهر مسك ايده ونزل لمستواه وبصلو جامد وقال شبيهي الصغير انت في الروضه
سليم ابتسم وقال امم عندي اربع سنين
ابتسم طاهر وادالو فلوس وقال خد جيبلك حاجه حلوه وانت راجع
فيروز اضايقت بس مدخلتش وسليم اخدها وقال شكرا يا عمو
طاهر قال شكرا بس هات بوسه لعمو
سليم باسو وطاهر ابتسم وقال يلا على مدرستك
سهى اخدت سليم ومشيت وفيروز بصت بعيد عنو وبقت تقطع الخضار وقالت ملوش لزوم الي عملتو
طاهر قال من وراها طب مش تصبح الاول يا جميل صباح الورد
فيروز واتوترت والسکين جرحت صباعها قالت بالم ااه
طاهر مسك ايدها بسرعه وقال ايه الي حصل مش تاخدي بالك سيبي سيبي و تعالي معايا و
لكن فيروز سحبت ايدها وقالت بحده ملكش دعوه بيا بلاش تحاول تطيب الجروح الي سببتها لان مفيش فايده متعملش ان عندك ضمير قوي
فيروز قالت كده ولسه هتمشي مسكها من دراعها بغضب وقال الجروح دي انتي الي سببتيها لنفسك انا قولتلك قولتلك كتير اني هتجوزك علشان رغبة بابا وجدي وعلشان متسافريش مع اهلك عمري ما وعدتك بحاجه وعمري ما قولتلك كلمة حب واحده محدش ضربك على ايدك
انتي الي كنتي عايزه و
بس قاطعتو لما رفعت ايدها ولسه هتضربو في ثوني لف ايدها ورا ضهرها ومسكها بقوه وقال لا كده ازعل وانا مش حابب ازعل منك زعلى وحش
كان لسه ماسكها بقوه و يشدد قبضتو على ايدها اكتر
نزلت دموع طاهر على الحاله الي وصلتلها بسببو غمص عيونه وقال بدموع حقك عليا سامحيني يا فيروز انا انا اسف اسف قوي
فيروز بقت تبكي بين ايديه بقوه و هنا دخلت ندى وهيه بتقول طاهر اتأخرت ليه و
بس قطعت كلامها لما شافتهم كده
فيروز بعدت عنو بسرعه وطاهر قال بارتباك ندى اسمعي هفهمك
بس ندى قالت بغضب افهم ايه افهم ايه ما كل حاجه واضحه اهيه بقى جايبني معاك ومرمطني في البلد المقرفه دي على اساس تطلقها وانت جاي تترمي في حب الهانم
فيروز قالت لا انتي فاهمه غلط هو الي حصل انو
بس قاطعتها ندى وقالت بغضب انتي تخرسي خالص مسمعش صوتك فاهمه اما بجحه صحيح لكي عين تكلميني
فيروز اتملت عيونها دموع وطلعت جري على اوضتها وطاهر جري وراها وقال فيروز فيروز استني
بس قبل ما يطلع ندى مسكت ايده وقالت ايتني هنا يمكن هتطلع وراها كمان يلا بينا هنمشي من هنا حالا انا مش هقعد دقيقه في البلد دي
بصلها طاهر بغضب وقال ومين قال بقى اننا لابسين شراب واحد علشان لما سيادتك تحبي تمشي لازم امشي معاكي اتفضلي الباب يفوت جمل
ندى حاولت تهدى اول ما قال كده واصتنعت الحزن وقالت كده برضو يا طاهر بتعاملني كده علشان بغير عليك
طاهر اتنهد بضيق وقال ندى انتي عارفه اني مش ناوي ارجع لفيروز ولو كنت ناوي مكنتش استنيت الفتره دي كلها ارجوكي بقى شيلي الفكره دي من دماغك وبلاش كل شويه تصدعيني
قال كده وطلع ورا فيروز وندى قالت بغضب طيب يا ست فيروز انا هعرف شغلي معاكي
فيروز كانت في اوضتها بتبكي وبتفكر فيه ل وقد ايه اشتاقتلو لعنت نفسها الف مره وقالت كفايه بقى خلي عندك دم مش بعد كل الي عملو فيكي
في الوقت ده سمعت صوت خبط على الباب وقالت بدموع مين
بس محدش رد
وقفت بضيق وفتحت وهيه بتقول مش بقول مين و
بس قطعت جملتها لما شافت طاهر واول ما شافتو قفلت الباب بسرعه بس حط رجلو ومنعها ودخل وقفل الباب
فيروز بقت ترجع لورا وهيه بتقول بتوتر خليك عندك يا طاهر والله بجد هنادي لجدي اطلع من هنا حالا حالا يلا
طاهر وقال هتروحي فين تاني هتدخلي في الحيط
فيروز قالت بارتباك اطلع يا طاهر
طاهر قال مش قبل ما تقوليلي جريتي ليه ليه موقفتيش وواجهتيها مش هتبطلي تبقى جبانه كده
فيروز قالت بغضب انا مش جبانه بس هيه مغلطتش ومفيش حاجه ممكن اقولهالها
طاهر قال بسرعه لا فيه كان المفروض توقفيها عند حدها تقوليلها انا اولى بيه منك انا مراتو وانتي مجرد عشيقه
اتسعت عيون فيروز بدهشه وضحكت بسخريه وزهول من كلامة وقالت مراتو ده بامارة ايه بقى بأمارة كلامك بانك اتغصبت عليا ولا بأمارة الخمس سنين الي مكلمتنيش حتى بالتليفون فيهم اقولك اكيد الي طفشت فيه وخليت سيرتي لبانه في بق الي يسوا والي ميسواش صح
طاهر بعد شويه ونزل عيونه في الارض وقال احم انا انا مقصدتش كل ده انا مكنتش عايز اتجوز من هنا واقضي حياه تقليديه بس انتي كنتي بتلغي كل تفكيري وبتبوظي حساباتي يا فيروز
فيروز بصت لعيونه بدموع وطاهر قال معرفتش انساكي يوم واحد صدقيني كل حاجه بنا فضلت معايا
فيروز فضلت تايه في عيونه بس انتفضو بخضه على صوت خبط على الباب
فيروز اتوترت وقالت ايوه ايوه مين
كانت سهى على الباب وقالت جدك عايزك يا فيروز بسرعه
