رودينا: لاء، كتب كتاب بس، وكمان يوسف ومراد مسافرين شغل تانى يوم كتب الكتاب علطول، وهاخد أجازه وهروح معاهم، يوسف ال قالى، وكمان قالى أن مراد هيجيبك معاه.
ملاك: ماظنش بعد ال حصل أمبارح هياخدنى، وبعدين هو مجابليش أى سيره خالص.
رودينا: يمكن لسه هيقولك، أصبرى بس.
ملاك: حاضر ربنا يسهل.
بعد مرور عدة أيام كانت الحياه ماشيه بشكل غريب نسبيا، مراد بيتجاهل ملاك كتير جدا وده ال كان مخوفها أكتر على نفسها. ويوسف ورودينا حبهم بيزيد كل يوم عن ال قبله، وكانوا بيجهزوا لكتب الكتاب، ويوسف كان بيجهز للسفر.
فى فيلا الصياد.
وقبل كتب الكتاب بيوم دخل مراد غرفته وشاف ملاك كانت واقفه فى الشرفه وشارده.
مراد بجديه: ملاك عايزك.
ملاك أنتهبت لوجوده وهو جلس على طرف السرير وهى جلست بجانبه.
ملاك: نعم.
مراد: بكره كتب كتاب يوسف، هتيجى معايا.
ملاك: اه مانا عرفت.
مراد باستغراب: من مين؟
ملاك: العروسه تبقا الدكتوره متابعه حالتى وكمان زى أختى، بتيجى هنا كتير تطمن عليا.
مراد: امممم ماشى، وفى حاجه كمان.
ملاك: ايه هى؟
مراد: المفروض ان هسافر انا ويوسف بعد بكره وعروسته هتيجى معانا، وأنتى برضوا.
ملاك بسخريه: مش يمكن يكون وجودى مش مرغوب فيه؟
مراد: ليه بتقولى كده؟
ملاك قامت وقفت بتنهيده: مفيش، احضرلك العشا؟
مراد: لاء أتعشيت فى الشركه.
ملاك: تمام، تصبح على خير.
مراد: وأنتى من أهله.
ملاك نامت على الأريكه وهو قام بدل ملابسه وبعدين شالها ووضعها على السرير برفق ونام بجانبها.
فى اليوم التالى.
فى منزل رودينا كان المأذون موجود ورودينا ويوسف ومراد وملاك، وشريف كان جاى عشان يكون هو وكيل العروسه، وكمان كان فى شخص أخر شاهد.
المأذون: موافقه ياعروسه؟
رودينا بصت ليوسف ال بصلها بحب وبخجل، أردفت: أيوه موافقه.
المأذون: على بركة الله.
وبدأ فى كتب الكتاب وأنهى على الجمله المشهوره: بارك الله لكما وبارك عليكما وجمع بينكما فى خير.
يوسف ابتسم واتنهد بارتياح، المأذون استأذن ومشى، والشاهد الغريب مشى هو الأخر.
يوسف راح حضن رودينا بحب وكان فرحان جدا وهى مكسوفه.
شريف: مبروك ياحبايبى ربنا يتملكم على خير يارب.
يوسف ورودينا: الله يبارك فيك يارب.
ملاك كانت جالسه شارده بصالهم بحزن على حالتها، قامت وقفت وابتسمت ابتسامه مزيفه: مبروك ياقلبى.
رودينا بابتسامه: الله يبارك فيكى ياروحى.
مراد لاحظ حزنها وشاف دموعها فى عيونها بس سكت وراح عند يوسف وباركله أيضا.
شريف: هنسيبكم بقا أن كنتوا هتخرجوا ولا حاجه بالمناسبه دى، يلا يامراد يلا ياملاك.
يوسف راح باس ايده بحب: ربنا يخليك ليا ياعمى، أنت صحيح جوز عمتى بس فى مقام والدى والله.
شريف طبطب على ضهره بحنان: ربنا يحفظكم يابنى، يلا يامراد.
مراد أخدهم ونزلوا كلهم ركبوا العربيه ومشيوا.
عند رودينا ويوسف.
يوسف بحب وهو ماسك أيدها: ها بقا حبيبى يحب يروح فين؟
رودينا بخجل: أى مكان يكون على البحر عشان بحبه أووى.
يوسف بمشاكسه: وأنا بحبك أنتى.
رودينا بكسوف: يوسف حرام عليك بقا كفايه الكلام ده.
يوسف بضحك: الله، مش مراتى بقا واخد راحتى فى الكلام.
رودينا خبطته فى كتفه برقه وأردفت: طب يلا نخرج.
يوسف مدلها أيده بطريقه كوميديه: أتفضلى يامولاتى.
رودينا مشيت أمامه وهى بتضحك بشده عليه.
ونزلوا ركبه العربيه وشغلها ومشيوا. وبعد وقت وصلوا عند مكان هادى جدا فى البحر ووقفوا بهدوء، ويوسف وضع ايده على كتف رودينا بحب.
يوسف: أغنيلك؟
رودينا بضحك: أيه ده بجد؟ صوتك حلو؟
يوسف بغرور مصطنع: أومال أيه يابنتى؟ أنتى فاكره حبيبك أى كلام ولا أيه؟
رودينا: امممم طب سمعنى حاجه يلا.
يوسف ابتدا فى الغناء وكان صوته فعلا هادى وجميل جدا:
أجمل حكاية غراام قلبى عايشها معاااك وأنت ياحلم الليالى
ياملاك حبيت العمر معاك ولقيت الروح بتقول عشقاك والعين علطول تحلم بلقاااك
وبعيش وياك أجمل أياااام
وبنام وبقوم على شوق وغراااام
وبشوف فى عنيك كل الأحلاااام
وفى اللحظه دى يوسف شال رودينا ولف بيها جامد وهو حاضنها.
يوسف بهمس: بحبك.
رودينا بخجل وحب: وأنا كمان.
يوسف ضمها أكتر.
وفضلوا وقت كبير مع بعض ويحكوا ويتكلموا عن حياتهم، ويوسف طول الوقت بيعبر عن حبه ليها.
حوريه بصدمه من رد ملاك، بس سرعان ما رجعت لطبيعتها الخبيثة وقالت: واضح إنك بقيتى لسانك طويل يا بت، بس مش مشكلة، هتعرفى مين أنا لما يجى وقتها.
ملاك بجمود: خلصتى كلامك؟ لو خلصتى يبقى تقدرى تمشى عشان أنا ورايا حاجات.
حوريه بخبث: رايحة فين؟ مش أنتى مسافرة مع جوزك ولا إيه؟ أه صحيح، سمعت إن يوسف ابن عمك كتب كتابه امبارح، ألف مبروك، بس ياترى هو عارف إنك حامل ولا لأ؟
ملاك اتنفضت: إنتى عايزة إيه منى بالظبط؟
حوريه قربت منها وهمست: عايزة حاجة صغيرة، مش هتخسرى حاجة، بس لما ترجعى من السفر هكلمك تانى.
وطلعت من شنطتها ورقة صغيرة وحطتها فى إيد ملاك، وقالت: الرقم ده، لما ترجعى كلمينى، ولو مجتيشى هقول لأخوكى ييجى ياخدك، وطبعا انتى عارفة أخوكى بيعمل إيه.
ملاك بصت للورقة بإيد بترتعش، ورفعت عينيها لأمها، بس حوريه كانت سابت البيت ومشيت. ملاك قعدت على أول درجة من السلم، ودموعها نزلت، مسكت بطنها وحطت إيدها عليها، وقالت بصوت واطى: يارب احمينى، يارب.
فى الوقت ده، مراد كان واقف بعيد وسمع جزء من الكلام، بس ما كانش متأكد من كل حاجة. كان جى البيت عشان ياخد أوراق نسيها، ولما دخل سمع صوت ملاك وهى بتقول كلام ليه علاقة بأهلها. وقف يتسمع من بعيد، ولما سمع كلمة “حامل” و “مش عايزة حاجة منى” حس بغضب غريب جواه، مش عارف سببه إيه بالظبط.
لما حوريه مشيت، مراد قرر يظهر، ونزل السلم بخطوات هادية. ملاك لاحظت وجوده، مسحت دموعها بسرعة ووقفت.
مراد ببرود: مين دى؟
ملاك بتوتر: مفيش، واحدة جارة.
مراد: جارة؟ وأنا اللي فاكره إن الجيران مش بيدخلوا البيت من غير إذن.
ملاك: هى دخلت غلط، أنا هطلعت أجهز شنطتى.
مراد مسك دراعها بحنية غريبة، وقال: ملاك، لو فيه حاجة مضايقاكى قوليلى.
ملاك بصتله بصدمه، أول مرة يحصل إنه يسألها بهدوء كده، وقالت بصوت مبحوح: مفيش حاجة، أنا كويسة.
مراد ساب دراعها، وقال بجمود رجعله تانى: تمام، يلا نجهز عشان مش عايز نتأخر.
ملاك طلعت أوضتها، ومراد فضل واقف مكانه، حاسس إن فى حاجة غلط، بس مش عارف هى إيه.
فى مطار القاهرة الدولى.
يوسف ورودينا وملاك ومراد كانوا واقفين يستنوا الطيارة. يوسف كان ماسك إيد رودينا طول الوقت، بيراقبها بحب، ويقولها كلام حلو وهى بتضحك وتكسف.
مراد كان واقف بعيد، وبص على ملاك اللي كانت قاعده على كرسى، وشكلها تعبانة ومش مركزة. سألها: أنتى كويسة؟
ملاك بتعب: أيوه، بس شوية دوخة.
مراد قرب منها وقعد جنبها: لو تعبانة قوليلى نأجل السفر.
