روايات

هاجر عفيفي

يوسف بفرحه: فى الزمالك.

رودينا: تمام، هخرجك لمكان فيه عربيات وانزلك وانت اركب تاكسى تمام.

يوسف بضيق: تمام اهو، أحسن من مفيش.

رودينا بتقول حاجه.

يوسف: لأ بقول يلا عشان عايز اروح.

رودينا: اتفضل.

وخرجوا هما الاتنين من المستشفى وركبوا العربيه ومشيوا.

في المنزل عند ملاك، كانت بتنضف وهي تعبانه وبتتحرك بصعوبه. وفجأه سمعت صوت في الخارج، خرجت سريعا بخوف لقت مراد واقع علي الأرض وجسمه متشنج، وفجأه فقد الوعى. اتخضت وجريت عليه، فجأه برعب وبصوت عالى وصدمه: مراااااد.

في منزل يوسف، كان نايم على سريره وهو بيفكر فى رودينا ويبص للچرح ويفتكر لمستها ليه ويبتسم. فجأه تلفونه رن برقم مراد، بصله بضيق لأن هو متخانق معاه الصبح. بعد وقت من التفكير رد عليه.

يوسف بضيق: أيوه يامراد، عايز أيه؟

ليأتيه صوتها الباكى: الحقنى بالله عليك.

يوسف بخضه اتنفض من مكانه: أنتى مين؟ وفين مراد؟ وبتعيطى ليه؟

ملاك بدموع: أنا ملاك، مراد وقع على الأرض وفقد الوعى وأنا مش عارفه أعمله أيه، أرجوك ألحقنى، أحنا فى بيت قديم كده لو تعرفه.

يوسف وهو يرتدى التشيرت ويهم بالخروج: أيوه أيوه أعرفه، أنا جاى، متخافيش، مسافة السكه سلام.

وقفل معاها سريعا ونزل ركب تاكسى وطلع على البيت اللي فيه مراد.

في المنزل عند ملاك، كانت جالسه جمب مراد وبتعيط جامد، وهي شايفه جسمه كل شويه يتنفض وكمان حرارته أرتفعت جدا ومش عارفه تساعده خالص. حاولت تفوقه لكن للأسف مفيش فايده. بعد وقت قليل دخل يوسف ومعاه الدكتور، وجرى على صاحبه اللي كان واقع فى الأرض وسنده هو والدكتور ودخلوه الغرفه. والدكتور بدأ يفحصه، وملاك كانت واقفه فى الخارج بتعيط وخايفه يحصله حاجه.

بعد فتره من الوقت خرج الدكتور ومعاه يوسف.

الدكتور: هو حضرتك تقربيله ايه؟

ملاك باحراج ودموع: مراته.

يوسف بصلها بصدمه لشكلها الصغير وهدومها المبهدله من التنضيف.

الدكتور: تمام، هو دلوقتى حصله زى صدمه أو افتكر حاجه زعلته، وده سبب ليه ضغط شديد وضغطه على جدا. أهم حاجه لازم الراحه التامه وتهتمه بغذاءه، وأنتى يامدام لازم تديلوا العلاج فى ميعاده عشان ميحصلوش كده تانى. وهو دلوقتى نايم، هيفوق كمان نص ساعه.

ملاك هزت رأسها بالموافقه.

يوسف: متشكرين جدا لحضرتك، تعبناك معانا.

الدكتور بابتسامه: الشكر لله، ده شغلى. عن أذنكم.

يوسف: أتفضل.

وراح وصله للباب ورجع تانى، كانت ملاك جالسه على الأريكه بهدوء، راح جلس بجوارها.

يوسف بابتسامه: أنتى أسمك ملاك؟

ملاك بصوت ضعيف: أه.

يوسف بمشاكسه: طب هو فيه ملاك بيزعل كده؟

ملاك ابتسمت رغمًا عنها.

يوسف بتساؤل: هو اللي حصل ده حصل ازاى؟ وليه أنتى ومراد جيتوا هنا ليه؟

ملاك بحزن: هو قالى أن عايزنى فى مشوار، وجابنى هنا وقالى لازم تنضفى البيت ده كله.

يوسف بصدمه وفى نفسه: الله يسامحك يامراد، البنت مش وش بهدله. وبعدين وجه الحديث ليها: طب أنتى أيه اللي جبرك على كده؟ وفين أهلك؟

ملاك بحزن: للأسف مضطره، أهلى هما اللي باعونى لمراد بالفلوس.

يوسف بصدمه: هو فى كده؟

7 من 7التالي
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى