مازن لاحظ إن مراد بقى يحب يقعد في المكتب أكتر، بقى يخلي سما تجيب له القهوة ويقعد يبص عليها وهي ماشية، بقى يسألها كلتي إيه، نمتي كويس، أمك عاملة إيه، سما كانت مستغربة، وفي يوم أمها تعبت جدا ونقلوها المستشفى، سما طلبت إجازة ومراد قالها خدي أسبوع، وراح وراها المستشفى من غير ما تقوله، دفع فلوس المستشفى كلها، لما سما عرفت راحت مكتبه وقالتله انت ازاي تعمل كده من غير ما تستأذني، أنا مش شحاتة، مراد قالها أنا مش بعتبرك شحاتة أنا بعتبرك مسؤولة مني، انتي بتفكريني بنفسي لما بدأت من الصفر، سما اتكسفت وسكتت.
الشركة كلها بدأت تتكلم إن مراد بيحب سما، سلمي كانت هتتجنن، ومروان كان بيقول لمازن الباشا بتاعنا خلاص وقع، ومازن كان بيضحك ويقول أخيرا حد هيعدله، سما كانت بتنكر جواها إنها بدأت تحس بحاجة ناحيته، بس كانت بتكابر، كانت بتقول لنفسها لا ده مغرور ومتسلط وأنا مش ممكن أحب واحد زيه، بس كانت بتفرح لما تشوفه.
مراد بقى يعمل حاجات غريبة عمره ما عملها، بقى يجيب فطار للشركة كلها، بقى يساعد عمال البوفية، بقى يسمع شكاوي الموظفين، مازن قاله انت ايه اللي جرالك، مراد قاله سما خلتني أشوف إني كنت ظالم، كنت فاكر إن الشدة هي اللي بتمشي الشغل، طلعت الحنية هي اللي بتمشيه، مروان قاله يا باشا ده انت بقيت ملاك، وسما كانت واقفة سامعة الكلام ده من ورا الباب وقلبها دق جامد أوي، جريت على مكتبها عشان محدش يشوفها وهي مكسوفة.
وفي يوم حنين كلمت سما وقالتلها أنا شفت مراد في مول بيشتري هدوم أطفال، سما استغربت وقالت أكيد لحد قريبه، تاني يوم مراد دخل عليها المكتب ومعاه شنط كتير فيها هدوم ولعب لأخوها الصغير، قالها عرفت إن أخوكي نفسه في عجلة، سما عنيها دمعت وقالتله انت بتعمل كده ليه، قالها عشان انتي بتفكريني بأختي الصغيرة اللي ماتت، أنا مليش حد غيركم دلوقتي، سما مقدرتش تمسك دموعها، ولأول مرة حست إن مراد مش مجرد مدير متسلط، ده بني آدم جواه طيب بس الدنيا قست عليه.
سلمي حاولت آخر محاولة، راحت لمراد وقالتله سما بتقابل مازن من وراك وبتحب مازن، مراد اتعصب جدا وراح لمازن، مازن ضحك وقاله يا مجنون دي زي أختي، أنا بحب حنين صاحبتها، مراد اتصدم وقال بجد، مازن قاله أيوه وكنت عاوزك تساعدني أكلمها، مراد حضن مازن وقاله يا غبي كنت هتخليني أخسرها، وراح جري على مكتب سما وقالها أنا آسف إني شكيت فيكي، سما قالتله انت لسه متسلط ومش هتتغير، قالها والله هتغير عشانك.
في يوم عيد ميلاد الشركة، مراد كان عامل حفلة كبيرة، وكل الموظفين كانوا موجودين، مراد طلع على المسرح وقال كلمتين شكر، وبعدين قال في موظفة هنا غيرت حياتي، علمتني إن الكبرياء مش كل حاجة وإن الكلمة الحلوة بتكسب، وإن المدير الناجح مش اللي بيخوف الناس اللي بيحبب الناس فيه، سما كانت واقفة بعيد وحاسة إن الكلام عليها، قلبها بيدق جامد، مراد نزل من على المسرح وراح ناحيتها ومسك ايديها قدام كل الناس، قالها يا سما أنا بحبك، أنا عارف إني كنت رخم وغلس ومتسلط، بس انتي خلتيني أحب أكون بني آدم كويس، تتجوزيني، كل الناس سقفت وسلمي وقعت من طولها من الصدمة ومازن ومروان كانوا بيزغرطوا.
سما بصت له وعينيها مليانة دموع، افتكرت كل الإهانات وكل السهر وكل مرة زعق لها، وافتكرت كمان كل مرة وقف جنبها وكل مرة ضحك بسببها، بس كبرياءها وجعها، قالتله بصوت عالي عشان الكل يسمع، لا يا مستر مراد، أنا مقبلش أكون واحدة من اللي حبوك وطردتهم، أنا مش زيهم، أنا جيت هنا عشان اشتغل بكرامتي، وانت قلت أي موظفة تحبك هتطردها، وأنا قررت إني أطرد نفسي قبل ما انت تطردني، أنا مستقيلة، وشالت البادج بتاعها وحطته على الأرض ومشيت.
مراد اتصدم ووقف مكانه مش مصدق، الناس كلها سكتت، سما خرجت من الشركة وهي بتعيط، روحت بيتها وحكت لحنين اللي قالتلها يا غبية ده بيحبك بجد، قالتلها أنا عارفة بس مش قادرة أنسى إنه كان بيشوفني قليلة، لازم يحس بقيمتي، مراد قفل على نفسه مكتبه يومين مش بيكلم حد، مازن دخل عليه قاله هتسيبها كده، قاله هي عندها حق أنا جرحتها كتير، لازم أثبت لها إني اتغيرت بجد.
بعد أسبوع سما كانت بتدور على شغل تاني ومش لاقية، لقت الباب بيخبط، فتحت لقت مراد واقف ومعاه بوكيه ورد ومعاه مازن ومروان وسلمي اللي جاية تعتذر لها، مراد قالها أنا جيت أقولك إن الشركة من غيرك ولا حاجة، وأنا من غيرك ولا حاجة، أنا لغيت القانون الزفت بتاعي، وعلقت قانون جديد في الشركة ممنوع طرد أي موظفة بتحب مديرها وخصوصا لو اسمها سما، سما ضحكت من وسط دموعها، مراد كمل وقالها أنا مش جاي أرجعك موظفة أنا جاي أرجعك شريكة، شريكة في الشركة وفي حياتي، لو قبلتي، سما بصت لأمها اللي كانت بتشاور لها توافقي، وبصت لحنين اللي بتعيط، وقالتله موافقة بس بشرط، متبقاش متسلط تاني، قالها أوعدك هبقى خاتم في صباعك، ومازن قال الله يرحم أيام ما كنت متسلط يا مراد باشا، الكل ضحك ومروان فتح الباب وقال اتفضلوا نروح الشركة بقى عشان عندنا شغل كتير، وسما ومراد مسكوا إيد بعض وخرجوا سوا والنهاية كانت بداية جديدة ليهم هما الاتنين، واتعلمت سما إن الحب ممكن يغير أي حد حتى لو كان حجر، واتعلم مراد إن التواضع هو اللي بيرفع البني آدم مش الكبرياء.
بعد الجواز مراد اتغير تماما وبقى يصحى بدري يعمل لسما الفطار ويوصلها الشركة بنفسه، سما بقت مديرة قسم العلاقات العامة وبقت شاطرة جدا والكل بيحبها، حنين اتجوزت مازن وعملوا فرح كبير سوا في نفس القاعة، وسلمي اتعلمت الدرس وبقت صاحبة سما جدا وبطلت غيره، ومروان اترقى وبقى نائب المدير لأنه وقف جنب مراد في أصعب وقت، سما في يوم قالت لمراد فاكر لما كنت بتقولي ممنوع تحبيني، قالها آه كنت غبي، قالتلها دلوقتي أنا اللي بقولك ممنوع تبطل تحبني، ضحكوا سوا، أم سما خفت وبقت عايشة معاهم، وأخو سما الصغير بقى يذاكر مع مراد كل يوم، الشركة كبرت أكتر عشان بقت مليانة حب مش خوف، وكل موظفة جديدة تدخل كانت سما تحكيلها قصتها وتقولها اوعي تخافي من المدير المتسلط جواه طفل صغير مستني حد يطبطب عليه، ومراد كل ما يشوفها بتحكي يضحك ويقولها انتي اللي طبطبتي عليا ورجعتيلي قلبي، وفضلت حكايتهم تتحكي في الشركة سنين طويلة إن الحب بيغير والكبرياء ممكن يتكسر لما القلب يحب بجد، وعاشوا مبسوطين وكل يوم كان أحلى من اللي قبله والحب كان بيكبر بينهم أكتر وأكتر مع كل لحظة حلوة بيعيشوها سوا في البيت والشغل. وكانت سما كل يوم تصحى تشكر ربنا على رزقها بمراد وحنين ومازن ومروان وسلمي وعيلتها الجميلة الطيبة. للأبد بحب كبير صادق
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”
