روايات

هاجر عفيفي

ملاك بدموع: يعني إيه خلاص هتبيعوني؟

حورية: هو معنى إنك تتجوزي يبقى بنبيعك.

ملاك: بس أنا صغيرة.

حورية: صغيرة مين؟ إنتي بقى عندك 16 سنة، خلاص يعني بقيتي واعية. ليه بقى تعب القلب ده؟

ملاك بانكسار: طب وتعليمي؟

حورية: تنسيه. إنتي خلاص هتبقي في عصمة راجل، يعني تشوفي جوزك وبيتك وبس. يعني اللي اتعلموا خدوا إيه؟

ملاك: يا ماما افهميني أنا…

حورية: بلا ماما بلا زفت. أنا تعبت من مصاريف أبوكي. أومال إنتي لازمتك إيه؟ لازم تتجوزي وتاخدي فلوس منه عشان تعالجي أبوكي.

ملاك بدموع: طب هو مفيش غيري؟ ماهو كريم موجود.

حورية بشهقة: إنتي عايزة أخوكي يشتغل؟ أومال إنتي لازمتك إيه؟ خلاص آخر كلام، الراجل جاي ياخدك بكرة من غير رغي كتير مفهوم؟

ألقت كلامها ثم غادرت المكان.

ملاك بدموع: يارب أنا تعبت بقى. هي ليه بتعاملني كده؟ أنا مش بنتها ولا إيه؟ يارب يارب.

في أحد الأماكن المطلة على البحر، كان يجلس شاردًا يتذكر ما حدث معه في الماضي. قاطعه من شروده صوت هاتفه، وكان المتصل ابن خاله وصديقه.

مراد بجدية: ألو يا يوسف.

يوسف: أنت فين؟

مراد: ليه؟

يوسف: كنت عايز أقولك إن كل حاجة جاهزة للسفر بكرة. ها، وافقت إني أجي معاك؟

مراد: قولتلك لأ، أنا اللي هروح.

يوسف: بس يا مراد.

مراد: مفيش بس، خلاص خلصنا على كده. سلام.

قفل معه من غير ما ينتظر رد، ورجع مرة أخرى لشروده.

في صباح يوم جديد، استيقظت ملاك وكانت مرهقة من العياط طول الليل، وكانت حزينة جدًا. خرجت لتدخل المرحاض، أوقفها صوت والدها.

محمد: تعالى يا بنتي عايزك.

ملاك بحزن حاولت تداريه: نعم يا بابا.

محمد بدموع: أنا آسف يا حبيبتي، مش في إيدي حاجة والله. كان نفسي أكون بصحتي ومكنتش هسمح بده كله يحصلك أبدًا.

ملاك حضنت أبوها بدموع: خلاص يا بابا متقولش كده، اللي ربنا عايزه هيكون. المهم صحتك.

محمد بتعب: صحتي هتفضل تعبانة طول ما أنا خايف عليكي كده.

ملاك بشرود: متخافش إن شاء الله خير، ورب الخير لا يأتي إلا بالخير.

محمد: ونعم بالله العلي العظيم.

ملاك بضحكة مزيفة: يلا بقى عشان أعملك الفطار لآخر مرة، وبعدين هتاكل من إيد حورية.

محمد وهو يعلم حزن ابنته الوحيدة: متبينيش عكس اللي جواكي، أنا عارف إنك حزينة. إزاي؟

ملاك: خلاص بقى يا حبيبي مش زعلانة صدقني، ادعيلي أنت بس.

محمد بتنهيدة: ربنا يريح بالك يا بنتي ويسعدك.

ملاك: أيوة بقى كده يا حجوج، هقوم أعملك الفطار بقى. وتركته ودخلت المطبخ.

محمد بحزن: يارب متزعلنيش عليها أبدًا يارب.

عدا اليوم على خير، وجاء ميعاد النار بالنسبة لملاك، وهو مقابلة مراد وكتب كتابها عليه. كانت في غرفتها ترتدي فستانًا بسيطًا وسايبة شعرها للعنان، ووضعت ميكب رقيقًا جدًا، ولكن للأسف ملامحها حزينة جدًا. كانت تتمنى يكون اليوم ده أسعد أيامها زي باقي البنات، ولكن للأسف هيكون أصعب الأيام عليها. بتتمنى من ربنا أن تعدي على خير وميحصلش أي حاجة تتعبها تاني.

قاطعها من شرودها دخول حورية.

حورية: ها يا بت خلصتي ولا لأ؟ إنتي هتعملي فيها عروسة بجد ولا إيه؟

ملاك بسخرية: أومال أنا إيه؟

حورية: مش ناقصة مجادلة منك يا بت. إنتي أخلصي يلا عشان المأذون وصل. وتركته وغادرت دون انتظار رد منها.

ملاك ألقت نظرة على نفسها في المرآة مرة أخرة، وابتسمت بسخرية، وخرجت تقابل مصيرها.

في الخارج، كان مراد ينتظر دخولها وهو يبتسم بخبث. وأول ما شافها سرح في جمالها، وبعدين رجع لعقله تاني.

حورية ألقت الزغاريط وأردفت: يلا يا شيخنا اكتب.

المأذون بدأ في مراسم العقد، وهي كانت نفسها تقوم تصرخ وتقول حرام عليكم مترمونيش كده، بس للأسف خافت على أبوها، فالتزمت الصمت. أنهى المأذون كلامه على جملته المشهورة: بارك الله لكما وبارك عليكما وجمع بينكما في خير. وغادر المكان.

كريم أخو ملاك بصلها بمكر: مبروك يا عروسة.

ملاك بدموع محبوسة: الله يبارك فيك.

حورية: مالك يا بت؟ بتكلمي أخوكي كده ليه؟ ما تتعدلي.

ملاك بحزن: أنا اتكلمت، وبعدين إنتي عايزة تتخانقي معايا وخلاص. ارحميني بقى، مش عملت اللي إنتي عايزاه.

كريم قام وقف بغضب: إنتي كمان بتردي على أمك يا اللي مشوفتيش تربية.

ولسه بيرفع إيده عشان يضربها، أوقفته إيد حديدية وزقته للخلف.

مراد بغضب: لأ يا بابا، ده كان من ربع ساعة. الكلام ده دلوقتي، هي مراتي ومحدش ليه الحق إن يضربها.

كريم بخوف من نبرة مراد وغضبه: أنا آسف، هي اللي استفزتني.

قاطعه مراد بغضب: خلاص خلصنا، يلا قدامي.

ملاك كانت دموعها نازلة ونزلت قدام مراد بدون كلام. مراد نظر لهم نظرة مش مفهومة ونزل وراها.

محمد بدموع: ارتحتي كده؟ إنتي وابنك أهي مشيت.

حورية: مع السلامة، هي كانت هتفضل قاعدة هنا لحد أمتى؟

كريم: حضريلي الأكل يا ما.

حورية: حاضر يا حبيب أمك.

ودخلت المطبخ وهو دخل غرفته. محمد بصلهم بحزن ودخل يصلي ويدعي ربنا يريح بنته ويسعدها.

في العربية عند مراد، كانت ملاك دموعها تنسال بصمت، وهو كانت ملامحه باردة خالية من أي تعابير. قاطع الصمت صوت رنين هاتف مراد، رد عليه وكان المتصل يوسف.

يوسف: ها يا كبير، عملت إيه؟

مراد بسخرية: في إيه؟

يوسف: أنت هتستعبط ياض في الجوازة الغريبة دي؟

مراد: أممم، تمام تمام.

يوسف بخبث: شكلك مش فاضي دلوقتي، هكلمك وقت تاني.

مراد: غور يلا عشان مش ناقصك، سلام.

وقفل معاه، وألقى نظرة بطرف عينه على ملاك الحزينة ودموعها نازلة بغزارة.

مراد ببرود: مش هتبطلي عياط بقى؟ ما خلاص خلصنا.

ملاك مردتش عليه، وكانت مستمرة في البكاء.

مراد أوقف العربية بعصبية وتحدث: لأ يا روح أمك، الشغل ده مينفعنيش. أنا أول ماكلمك تردي عليا، وكفاية نكد بقى، أنا مش ناقصك. وفوقي كده، واعرفي إنك بتتكلمي مع مين.

ملاك بدموع وخوف: حاضر حاضر، أنا آسفة.

مراد بخبث: شاطرة، مسمعش صوتك بقى.

ورجع شغل العربية مرة أخرى ومشى بدون كلام، وهي حبست دموعها واتقهرت على حالها لأن واحدة في سنها ده شافت أكتر عذاب في حياتها.

وفي أحد الأماكن الراقية، وصل مراد بالعربية ومعه ملاك لقصر هادئ. نزل قبلها وشاورلها تنزل، ومشيت وراه ودخلوا ووصلوا عند غرفة مكتب، ووقفها وقالها تستناه بالخارج ودخل الغرفة. كان فيه مكان هادئ ويوجد شخص جالس شارد وغامض. دخل عليه مراد وقبل يده.

مراد باحترام: عملت اللي حضرتك قولتلي عليه.

شريف بابتسامة: كنت عارف إنك عمرك ما هتكسر كلامي.

مراد بجدية: حضرتك كلامك أوامر يا بابا.

شريف: تمام، ابعتها أشوفها.

مراد: حاضر.

وخرج، وكانت ملاك تنظر للقصر بخوف ورهبة. تحدث مراد بنبرة جدية: ادخلي.

ملاك بخوف: حاضر. ودخلت معاه.

شريف أول ما شافها ابتسم وتحدث: أهلًا، اتفضلي يا بنتي.

ملاك ابتسمت بتوتر: يزيد فضلك.

شريف: عندك كام سنة؟

ملاك بدموع محبوسة: 16 سنة.

شريف باستغراب ألقى نظرة على مراد، ومراد غمزله على أساس هيفهمه بعدين.

شريف: أممم، تمام تمام. طلعها الجناح الخاص بيكم عشان ترتاح شوية.

مراد: يلا.

ملاك مشيت أمامه بدون كلمة، وهو مشى وراها حتى وصلوا في الدور العلوي وفتحلها الباب. ارتعبت ملاك من المنظر: غرفة كئيبة بمعنى الكلمة، ديكور بلون الأسود وأساسها كئيب.

السابق1 من 7
تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى